National Party Gwadar نیشنل پارٹی گوادر

26/08/2026

*سمندری حیات کی نسل کشی ناقابل قبول ٹرالنگ کے خلاف فوری کارروائی کی جائے*

مکران کے ساحل پر ٹرالنگ کا سلسلہ بدستور جاری ہے جو سمندری ماحول آبی حیات اور مقامی ماہی گیروں کے روزگار کے لیے ایک سنگین خطرہ ہے افسوسناک امر یہ ہے کہ ٹرالنگ کے خلاف عوامی تشویش کے باوجود منتخب عوامی نمائندوں اور محکمۂ فشریز کی خاموشی سمجھ سے بالاتر ہے

غیر قانونی اور تباہ کن ٹرالنگ کے باعث سمندر میں مچھلیوں سمیت دیگر آبی حیات کی نسل کشی ہو رہی ہے جس کے منفی اثرات نہ صرف موجودہ ماہی گیروں بلکہ آنے والی نسلوں پر بھی مرتب ہوں گے مکران کے ساحل اور سمندری وسائل کسی ایک فرد یا طبقے کی ملکیت نہیں بلکہ یہاں کے مقامی لوگوں کا قیمتی اثاثہ ہیں

حکومت محکمہ فشریز اور منتخب عوامی نمائندوں کو چاہیے کہ وہ محض خاموش تماشائی بننے کے بجائے ٹرالنگ کے خلاف مؤثر اور عملی اقدامات کریں غیر قانونی ٹرالروں کے خلاف سخت کارروائی عمل میں لائیں اور مقامی ماہی گیروں کے روزگار اور سمندری حیات کا تحفظ یقینی بنائیں

سمندر میں آبی حیات کی نسل کشی اور مقامی ماہی گیروں کے معاشی حقوق کی پامالی کسی صورت قابل قبول نہیں مکران کے ساحل کو محفوظ بنانا اور سمندری وسائل کا تحفظ ہم سب کی مشترکہ ذمہ داری ہے

*فیض نگوری*
کونسلر میونسپل کارپوریشن گوادر و سابق ضلعی صدر نیشنل پارٹی گوادر

26/08/2026

20/08/2026

گوادر کے تعلیمی مستقبل کے لیے ایک اہم سنگ میل*
*شکریہ سابق چیف سیکریٹری بلوچستان رانا مطہر عباس صاحب
شکریہ گوادر ڈویلپمنٹ اتھارٹی

نیشنل پارٹی کے سابق ضلعی صدر و کونسلر میونسپل کارپوریشن گوادر فیض نگوری نیشنل پارٹی تحصیل گوادر کے صدر یونین کونسل ڈور گھٹی کے کونسلر ولید مجید نیشنل پارٹی کے تحصیل جنرل سیکرٹری عبدالغفور ابراہیم نے اپنے ایک ویڈیو پیغام میں کہا ہے کہ سابق چیف سیکریٹری بلوچستان محترم رانا مطہر عباس صاحب کے گوادر کے دورے کے موقع پر انہوں نے ان سے گوادر کے تین اہم ہائی اسکولوں گورنمنٹ ہائی اسکول جدید گوادر گورنمنٹ گرلز ہائی اسکول گوادر اور گورنمنٹ ماڈل ہائی اسکول گوادر کے دورے کی درخواست کی تھی جسے انہوں نے قبول کیا
فیض نگوری نے کہا کہ دورے کے دوران سابق چیف سیکریٹری بلوچستان رانا مطہر عباس نے گورنمنٹ گرلز ہائی اسکول گوادر کی صورتحال کا جائزہ لینے کے لیے گوادر ڈویلپمنٹ اتھارٹی (GDA) کی متعلقہ ٹیم کو فوری طور پر موقع پر طلب کیا بعد ازاں گورنمنٹ گرلز ہائی اسکول گوادر اور گورنمنٹ ماڈل ہائی اسکول گوادر کو خصوصی طور پر منتخب کیا گیا جن کی تزئین و آرائش خوبصورتی اور بنیادی سہولیات کی بہتری کے لیے بھرپور کام کیا گیا
انہوں نے کہا کہ آج یہ دونوں تعلیمی ادارے نہ صرف گوادر بلکہ پورے بلوچستان میں خوبصورتی صفائی ماحول اور تعلیمی سہولیات کے حوالے سے ماڈل اسکولوں کے طور پر پہچانے جاتے ہیں ان اسکولوں کی تزئین و آرائش سے طلبہ و طالبات کے لیے ایک بہتر خوبصورت اور تعلیمی ماحول فراہم ہوا ہے جو قابل تحسین اقدام ہے
فیض نگوری نے اس سلسلے میں سابق چیف سیکریٹری بلوچستان محترم رانا مطہر عباس صاحب سابق ڈی جی جی ڈی اے مجیب قمبرانی صاحب مرحوم سابق چیف انجینئر امان آسکانی سابق ڈی جی جی ڈی اے شفقت شاہوانی موجودہ ڈی جی جی ڈی اے معین الرحمن صاحب چیف انجینئر حاجی سید صاحب اور جی ڈی اے کی پوری ٹیم کا شکریہ ادا کرتے ہوئے کہا کہ گوادر کے تعلیمی اداروں کی بہتری اور انہیں ماڈل اسکول بنانے کے لیے ان تمام شخصیات اور متعلقہ افسران کی کاوشیں قابل قدر ہیں
انہوں نے امید ظاہر کی کہ مستقبل میں بھی گوادر کے دیگر سرکاری اسکولوں کو جدید سہولیات سے آراستہ کرنے اور تعلیمی ماحول کو مزید بہتر بنانے کے لیے اسی جذبے کے ساتھ اقدامات جاری رکھے جائیں گئے

17/08/2026

*2024 کے سیلاب متاثرین آج بھی امداد کے منتظر ہیں گرے ہوئے مکانات اور دیواروں کی تعمیر کے لیے فوری فنڈز جاری کیے جائیں*

*فیض نگوری*

نیشنل پارٹی کے سابق ضلعی صدر اور کونسلر میونسپل کارپوریشن گوادر فیض نگوری نیشنل پارٹی تحصیل گوادر کے صدر یونین کونسل ڈور گھٹی کے کونسلر ولید مجید اور جنرل سیکریٹری غفور ابراہیم نے اپنے ایک مشترکہ ویڈیو پیغام میں کہا ہے کہ گوادر کے 2024 کے سیلاب متاثرین آج بھی امداد کے منتظر اور بے یار و مددگار ہیں جو حکومت اور متعلقہ اداروں کی فوری توجہ کے طلب گار ہیں
فیض نگوری نے کہا کہ حالیہ دورہ گوادر کے موقع پر وزیر اعلی بلوچستان سرفراز بگٹی سے ملاقات کے دوران انہوں نے 2024 کے سیلاب متاثرین کا مسئلہ خصوصی طور پر اٹھایا اور یاد دہانی کرائی کہ سیلاب کو گزرے طویل عرصہ گزر چکا ہے لیکن متعدد متاثرین تاحال اپنے نقصانات کے ازالے اور معاوضے سے محروم ہیں
انہوں نے کہا کہ وزیرِ اعلی بلوچستان نے یقین دہانی کرائی کہ وہ وزیر اعظم میاں شہباز شریف صاحب سے گوادر کے سیلاب متاثرین کے مسئلے پر بات کریں گے اور ان کے نقصانات کے ازالے کے لیے اقدامات کیے جائیں ۔
فیض نگوری نے کہا کہ گوادر کے مختلف وارڈز میں آج بھی سیلاب کی تباہ کاریوں کے واضح آثار موجود ہیں متعدد متاثرین کے مکانات اور حفاظتی دیواریں منہدم ہوچکی ہیں جبکہ کئی خاندان اپنے گھروں کی تعمیر و مرمت کے لیے حکومتی امداد کے منتظر ہیں
انہوں نے حکومت بلوچستان اور وفاقی حکومت سے مطالبہ کیا کہ 2024 کے سیلاب متاثرین کے نقصانات کا فوری ازالہ کیا جائے گرے ہوئے مکانات اور دیواروں کی دوبارہ تعمیر کے لیے خصوصی فنڈز جاری کیے جائیں اور متاثرین کو بلا تاخیر مالی معاونت فراہم کی جائے
انہوں نے مزید کہا کہ قدرتی آفت سے متاثرہ خاندانوں کو برسوں تک امداد کا انتظار کروانا افسوسناک ہے حکومت کو چاہیے کہ سیلاب متاثرین کے مسائل کو ترجیحی بنیادوں پر حل کرے تاکہ متاثرہ خاندان دوبارہ اپنے گھروں کو آباد کر سکیں اور معمول کی زندگی بحال کر سکیں

15/08/2026

*جی ڈی اے انڈس ہسپتال میں ایم آر آئی اور ڈائیلاسس مشینوں کی فوری فراہمی کا مطالبہ*

نیشنل پارٹی گوادر کے سابق ضلعی صدر اور میونسپل کارپوریشن گوادر کے کونسلر فیض نگوری نیشنل پارٹی تحصیل گوادر کے صدر یونین کونسل ڈور گھٹی کے کونسلر ولید مجید اور جنرل سیکریٹری غفور ابراہیم نے اپنے ایک ویڈیو پیغام میں اعلی حکام سے مطالبہ کیا ہے کہ جی ڈی اے انڈس ہسپتال گوادر میں فوری طور پر ایم آر آئی اور ڈائیلاسس مشینیں فراہم کی جائیں
انہوں نے کہا کہ گوادر میں ایم آر آئی اور ڈائیلاسس کی سہولیات دستیاب نہ ہونے کے باعث مریضوں اور ان کے اہلخانہ کو علاج کے لیے کراچی سمیت دیگر شہروں کا سفر کرنا پڑتا ہے جس سے انہیں اضافی مالی اخراجات اور مشکلات کا سامنا کرنا پڑتا ہے.
وزیر اعلٰی بلوچستان جناب سرفراز بگٹی صاحب کے دورہ گوادر کے موقع پر اس اہم مسئلے کو آٹھایا تھا۔
رہنماؤں نے کہا کہ گوادر ایک اہم ساحلی شہر ہونے کے باوجود بنیادی طبی سہولیات سے محروم ہے حکومت بلوچستان اور متعلقہ حکام جی ڈی اے انڈس اسپتال میں جدید طبی آلات کی فراہمی کو یقینی بنائیں تاکہ گوادر کے عوام کو اپنے ہی شہر میں بہتر اور بروقت علاج کی سہولت میسر آسکے

*

13/08/2026

*گوادر کے نوجوانوں کی حق تلفی ناقابلِ قبول*

نیشنل پارٹی کے سابق ضلعی صدر اور میونسپل کارپوریشن گوادر کے کونسلر فیض نگوری نیشنل پارٹی کے تحصیل صدر ڈور گھٹی کے کونسلر ولید مجید نیشنل پارٹی کے تحصیل جنرل سیکرٹری عبدالغفور ابراہیم نے محکمہ جنگلات گوادر کے سامنے اپنے ویڈیو پیغام میں گوادر کے نوجوانوں کو روزگار کے مواقع سے محروم رکھنے پر سخت برہمی کا اظہار کیا
انہوں نے کہا کہ گوادر کے نوجوان اعلی تعلیم اور قابلیت رکھنے کے باوجود روزگار کے لیے دربدر ہیں جبکہ مختلف سرکاری محکموں اور اداروں میں گوادر کے مقامی نوجوانوں کو نظرانداز کرکے غیر اضلاع کے افراد کو تعینات کیا جا رہا ہے یہ صورتحال مقامی نوجوانوں کے ساتھ سراسر ناانصافی اور حق تلفی ہے
ایم این اے اور ایم پی اے کی نااہلی کے باعث گوادر کے نوجوان اپنے ہی ضلع میں روزگار کے بنیادی حق سے محروم ہو رہے ہیں۔
13/08/2026

09/08/2026

09/08/2026

*52 عارضی اساتذہ کی فراغت، گورنمنٹ پرائمری اسکول چیلری کلانچ بھی بند*

ضلعی انتظامیہ کی جانب سے 52 عارضی اساتذہ کو فارغ کیے جانے کے باعث گورنمنٹ پرائمری اسکول چیلری کلانچ بھی بند ہوگیا ہے جس سے علاقے کے بچوں کی تعلیم شدید متاثر ہو رہی ہے حکومت فوری طور پر اساتذہ کی بحالی اور اسکول کی تدریسی سرگرمیاں بحال کرے۔
منجانب
اہلیان۔
چیلری کلانچ

*

08/08/2026

گورنمنٹ بوائیز پرائمری اسکول پالاڈو کلانچ ضلع گوادر استاد کی عدم دستیابی کی وجہ سے گزشتہ ایک ہفتہ سے بند ہے۔ واضح رہے کہ مذکورہ اسکول میں ضلعی انتظامیہ گوادر کی جانب سے عارضی استاد مقرر کیا گیا تھا لیکن ضلعی انتظامیہ کی جانب سے استاد کو فارغ کرنے کے بعد اسکول ہی بند ہوگیا ہے۔ علاقہ مکینوں نے اسکول کی بندش پر تشویش کا اظہار کرتے ہوئے کہا ہے کہ اسکول بند ہونے کے بعد ان کے بچے تعلیم سے محروم ہور ہے ہیں۔ ضلعی انتظامیہ استاد کو بحال کرے تاکہ ان کے بچوں کا تعلیمی سیشن ضائع نہ ہو۔
منجانب۔
اہلیان
پالاڈو کلانچ ضلع گوادر۔

08/08/2026

صوبائی حکومت کی نام نہاد تعلیمی ایمرجنسی محض دکھاوا ہے
میونسپل کارپوریشن گوادر کے کونسلر اور سابق ضلعی صدر نیشنل پارٹی گوادر فیض نگوری نے کہا ہے کہ یونین کونسل کلگ، کلانچ کا گورنمنٹ پرائمری بوائز اسکول پالاڈو گزشتہ ایک ہفتے سے بند ہے، جس سے طلبہ کی تعلیم متاثر ہو رہی ہے۔
انہوں نے کہا کہ سنگار اور نیو ٹاؤن ہاؤسنگ پروجیکٹس کے انٹرسٹ کی مد سے تعینات 52 اساتذہ کی فراغت کے باعث اسکول بند ہوا ایک طرف تعلیمی ایمرجنسی کے دعوے کیے جا رہے ہیں، دوسری جانب اسکول بند اور اساتذہ فارغ کیے جا رہے ہیں۔
انہوں نے مطالبہ کیا کہ اسکول فوری بحال کرکے اساتذہ تعینات کیے جائیں
فیض نگوری
ممبر میونسپل کارپوریشن گوادر
سابق ضلعی صدر نیشنل پارٹی گوادر

08/08/2026

گوادر کے 52 عارضی ٹیچرز کو فوری طور بحال کیا جائے۔۔
آبادی میں مسلسل اضافہ کے باعث سرکاری اسکولوں میں طلبہ کی تعداد میں نمایاں طور پر اضافہ ہوچکا ہیں۔
فیض نگوری۔
ممبر میونسپل کارپوریشن گوادر