District Hangu Police

02/09/2026

*ڈی پی او ہنگو طارق حبیب خان کا پٹ دربند، پیرانو دربند اور غلمینہ چیک پوسٹ کا دورہ، علاقہ عوام کو بہتر سہولیات اور مؤثر پولیسنگ کی فراہمی کے لیے نئے تھانے کی تعمیر کے سلسلے میں موزوں جگہ کا معائنہ*

ڈی پی او ہنگو طارق حبیب خان نے حساس علاقوں میں امن و امان کی صورتحال اور سیکیورٹی انتظامات کا جائزہ لینے کے لیے پٹ دربند، پیرانو دربند اور غلمینہ چیک پوسٹ کا تفصیلی دورہ کیا۔

اس موقع پر علاقہ عوام کو بہتر پولیس سہولیات کی فراہمی، مؤثر پولیسنگ اور دیرپا امن کے قیام کے لیے نئے تھانے کی تعمیر کے سلسلے میں موزوں جگہ کا معائنہ کیا گیا۔ ڈی پی او ہنگو نے مجوزہ مقام کا جائزہ لیتے ہوئے علاقے کی ضروریات اور پولیسنگ کے تقاضوں کو مدنظر رکھا۔

ڈی پی او طارق حبیب خان کا کہنا ہے کہ عوام کو ان کی دہلیز پر بہتر پولیس سہولیات کی فراہمی اور حساس علاقوں میں امن و امان کا قیام پولیس کی اولین ترجیحات میں شامل ہے۔

نئے تھانے کا قیام علاقے میں پولیس کی رسائی، سیکیورٹی اور عوامی خدمت کے نظام کو مزید مؤثر بنانے میں اہم کردار ادا کرے گا۔

02/09/2026

29/08/2026

*ہنگو سٹی پولیس کی بڑی کامیابی، بابوتنگ دوہرے قتل کیس کا ڈراپ سین، مقتول کا سگا بھتیجا ہی قاتل نکلا، ملزم سے آلۂ قتل پستول برآمد*

ہنگو سٹی پولیس نے ڈی پی او ہنگو طارق حبیب خان کی خصوصی نگرانی میں بابوتنگ کے انتہائی حساس اور پیچیدہ دوہرے قتل کیس کو مختصر وقت میں کامیابی سے ٹریس کرتے ہوئے اصل ملزم کو گرفتار کر لیا۔

ڈی پی او ہنگو طارق حبیب خان کے مطابق گزشتہ 19 اگست کو علاقہ بابوتنگ میں فائرنگ کے ایک افسوسناک واقعے میں مولانا یونس اور ان کا کمسن بیٹا جاں بحق ہوئے تھے۔ واقعہ کے بعد پولیس نے فوری طور پر مقدمہ درج کرکے مختلف پہلوؤں سے تحقیقات کا آغاز کیا۔

کیس کی حساسیت اور نوعیت کے پیش نظر ایس پی انویسٹی گیشن صنوبر خان کی سربراہی میں خصوصی تفتیشی ٹیم تشکیل دی گئی، جس میں ڈی ایس پی سٹی عابد خان اور ایس ایچ او سٹی فیاض خان شامل تھے۔ خصوصی ٹیم نے جیو فینسنگ، انٹیلی جنس معلومات اور جدید تکنیکی بنیادوں پر تحقیقات کرتے ہوئے انتہائی کم وقت میں کیس کو کامیابی سے ٹریس کر لیا۔

ابتدائی تحقیقات کے دوران اہم انکشاف ہوا کہ گرفتار ملزم عاطف، مقتول مولانا یونس کا بھتیجا ہے۔ ملزم نے دورانِ تفتیش اپنے جرم کا اعتراف بھی کر لیا ہے۔

ڈی پی او ہنگو کے مطابق تحقیقات سے معلوم ہوا کہ ملزم نے اپنی دادی سے رقم چوری کی تھی، جس کا علم مقتول مولانا یونس کو ہو گیا تھا۔ مقتول نے ملزم سے رقم واپس کرنے کا مطالبہ کیا، جبکہ ملزم مبینہ طور پر چوری شدہ رقم سے آئی فون موبائل خرید چکا تھا۔

اسی گھریلو تنازع اور چوری کی رقم کے معاملے پر ملزم نے قانونی کارروائی سے بچنے کے لیے اپنے چچا مولانا یونس اور ان کے بیٹے کو فائرنگ کا نشانہ بنایا۔

ڈی پی او ہنگو طارق حبیب خان نے واضح کیا کہ بابوتنگ دوہرے قتل کا واقعہ دہشت گردی یا ٹارگٹ کلنگ نہیں بلکہ گھریلو تنازع کا نتیجہ ہے۔
ڈی پی او ہنگو نے مختصر وقت میں ایک پیچیدہ اور حساس کیس کو جدید خطوط پر کامیابی سے ٹریس کرنے پر ایس پی انویسٹی گیشن، ڈی ایس پی سٹی، ایس ایچ او سٹی فیاض خان اور خصوصی تفتیشی ٹیم کی پیشہ ورانہ کارکردگی کو سراہتے ہوئے انہیں خراجِ تحسین پیش کیا۔

ڈی پی او ہنگو طارق حبیب خان نے کہا کہ ہنگو میں امن و امان خراب کرنے والے عناصر کے خلاف بلاامتیاز سخت کارروائی عمل میں لائی جائے گی۔ دہشت گردوں، ان کے سہولت کاروں اور جرائم پیشہ عناصر کے لیے ہنگو میں کوئی جگہ نہیں۔

27/08/2026

*ہنگو: تھانہ ٹل کی حدود، علاقہ سرہ غنڈی اور ملحقہ علاقوں میں سرچ اینڈ سٹرائیک آپریشن، 04 ملزمان گرفتار،اسلحہ اور منشیات برآمد*

*ڈی پی او ہنگو طارق حبیب خان کی خصوصی ہدایت پر امن دشمن عناصر، جرائم پیشہ افراد اور منشیات فروشوں کے خلاف کارروائیوں کا سلسلہ جاری ہے۔*

اس سلسلے میں ڈی ایس پی ٹل امجد خان کی قیادت میں ایس ایچ او تھانہ ٹل نبی خان اور ایلیٹ فورس کے جوانوں نے تھانہ ٹل کی حدود، علاقہ سرہ غنڈی اور ملحقہ علاقوں میں سرچ اینڈ سٹرائیک آپریشن کیا۔

آپریشن کے دوران مشکوک ٹھکانوں کی تلاشی لینے کے ساتھ ساتھ مشتبہ افراد کی جانچ پڑتال بھی کی گئی، تاکہ کسی بھی ممکنہ خطرے کا بروقت اور مؤثر تدارک یقینی بنایا جا سکے۔

سرچ اینڈ سٹرائیک آپریشن کے دوران مشکوک ٹھکانوں کی تلاشی کے نتیجے میں 04 ملزمان کو گرفتار کر لیا گیا، جن کے قبضے سے *01 عدد ایل ایم جی، 01 عدد ریپیٹر، 01 عدد پستول اور 170 گرام چرس* برآمد کر لی گئی۔

ڈی پی او ہنگو طارق حبیب خان کا کہنا ہے کہ دہشتگردوں کو پناہ دینے، سہولت کاری کرنے یا کسی بھی قسم کا تعاون فراہم کرنے والوں کے خلاف بلاامتیاز سخت اور قانونی کارروائی عمل میں لائی جائے گی۔ ریاست دشمن عناصر اور ان کے سہولت کار کسی بھی رعایت کے مستحق نہیں، جبکہ قانون شکن عناصر سے آہنی ہاتھوں سے نمٹا جائے گا۔

26/08/2026

ڈی پی او ہنگو طارق حبیب خان کی جانب سے تمام اہلِ اسلام کو جشنِ عید میلاد النبی ﷺ کی دلی مبارکباد۔

اللہ تعالیٰ ہمیں حضور اکرم ﷺ کی سیرتِ طیبہ پر عمل کرنے کی توفیق عطا فرمائے۔ آمین۔

24/08/2026

*ہنگو سٹی پولیس کی کامیاب کارروائی، دو مسروقہ موٹرسائیکلیں برآمد، موٹرسائیکل چوری کی وارداتوں میں ملوث ملزم گرفتار*

عوامی شکایات کا نوٹس لیتے ہوئے ڈی پی او ہنگو طارق حبیب خان نے سٹی پولیس کو موٹرسائیکل چوری میں ملوث ملزم کے خلاف کارروائی اور مالِ مسروقہ کی برآمدگی کی ہدایات جاری کیں۔

تفصیلات کے مطابق تھانہ سٹی ہنگو کی حدود گنجانو کلے اور محلہ سیدان میں موٹرسائیکل چوری کی وارداتوں کے بعد پولیس نے سی سی ٹی وی فوٹیج اور دیگر شواہد کی مدد سے ملزم کی تلاش شروع کی۔

ڈی پی او ہنگو کی ہدایات پر ایس ایچ او سٹی فیاض خان کی قیادت میں پولیس ٹیم نے جدید تفتیشی تکنیک اور پیشہ ورانہ مہارت کو بروئے کار لاتے ہوئے موٹرسائیکل چوری میں ملوث ملزم صدیق الرحمن ولد عبداللہ، سکنہ بگن ضلع کرم کو گرفتار کر لیا۔

پولیس کے مطابق گرفتار ملزم نے دورانِ تفتیش موٹرسائیکل چوری کی وارداتوں میں ملوث ہونے کا اعتراف کیا، جبکہ اس کی نشاندہی پر 02 عدد مسروقہ موٹرسائیکلیں برآمد کرلی گئیں۔ ابتدائی تفتیش کے مطابق ملزم ہنگو سے موٹرسائیکلیں چوری کرکے ضلع کرم میں فروخت کرتا تھا۔

ڈی پی او ہنگو طارق حبیب خان نے کامیاب کارروائی پر سٹی پولیس ٹیم کو سراہتے ہوئے کہا کہ شہریوں کے جان و مال کا تحفظ پولیس کی اولین ترجیح ہے۔ جرائم پیشہ عناصر کے خلاف بلاامتیاز کارروائیاں جاری رکھی جائیں گی اور شہریوں کے تحفظ اور امن و امان کو یقینی بنانے میں کوئی کسر اٹھا نہیں رکھی جائے گی۔

23/08/2026

اہم عوامی اطلاع
آج بروز اتوار، 23 اگست 2026 کو ناگزیر وجوہات کی بنا پر ٹل تا پراچنار روڈ ہر قسم کی ٹریفک کے لیے مکمل طور پر بند رہے گا۔
تمام شہریوں سے گزارش ہے کہ کسی بھی قسم کی پریشانی سے بچنے کے لیے غیر ضروری سفر سے گریز کریں۔
🙏 آپ کے تعاون کا شکریہ
👮‍♂️ منجانب: ڈسٹرکٹ پولیس ہنگو

22/08/2026

تھانہ دوابہ پولیس کا جرائم پیشہ عناصر اور مشکوک مشتبہ ٹھکانوں کے خلاف سرچ اینڈ سٹرائیک آپریشن

05 ملزمان گرفتار، کلاشنکوف، ریپیٹرز، شاٹ گن اور پستول سمیت اسلحہ برآمد

ہنگو: ڈی پی او ہنگو طارق حبیب خان کی خصوصی ہدایات پر ضلع ہنگو میں جرائم پیشہ عناصر، امن دشمنوں اور مشتبہ افراد کے خلاف بلاامتیاز اور مؤثر کارروائیوں کا سلسلہ جاری ہے۔

اسی سلسلے میں ڈی ایس پی ٹل امجد خان کی قیادت میں ایس ایچ او تھانہ دوابہ نیاز خان اور ایس ایچ او ٹل نبی خان کی نگرانی میں ایلیٹ فورس اور پولیس کی بھاری نفری نے تھانہ دوابہ کی حدود، درسمند، نریاب اور ملحقہ علاقوں میں جرائم پیشہ عناصر اور ممکنہ مشتبہ ٹھکانوں کے خلاف مؤثر سرچ اینڈ سٹرائیک آپریشن کیا۔

کارروائی کے دوران پولیس نے 05 مشتبہ ملزمان کو گرفتار کر لیا۔ گرفتار ملزمان کے قبضے سے 01 کلاشنکوف، 03 ریپیٹرز، 01 شاٹ گن اور 01 پستول برآمد کر لیے گئے۔

ڈی پی او ہنگو طارق حبیب خان کا کہنا ہے کہ ضلع ہنگو میں امن و امان کو سبوتاژ کرنے اور عوام کے جان و مال کو خطرے میں ڈالنے والے عناصر کے لیے کوئی گنجائش نہیں۔ پولیس عوام کے جان و مال کے تحفظ اور پائیدار امن کے قیام کے لیے اپنے آئینی و قانونی فرائض پوری ذمہ داری اور عزم کے ساتھ انجام دے رہی ہے۔