29/05/2026
اساتذہ راہنماء حاجی ازرم خان جدون سابق صوبائی سیکرٹری جنرل آل ٹیچرز ایسوسی ایشن خیبرپختونخوا سے ایپکا ضلع ہری پور کے منتخب صدر اخترنواز خان کی بجوالہ ہاؤس میں ملاقات،
آمدہ بجٹ کے حوالے سے تفصیلی تبادلہ خیال کیا گیا۔
حکومت وقت سے پرزور مطالبہ کیا کہ مہنگائی کے تناسب سے تنخواہوں اور پنشن میں اضافہ کیاجائے۔ بالخصوص اساتذہ اور کلرک برداری کی تنخواہ اور مراعات میں اضافہ وقت کا اہم تقاضا ہے۔ کیونکہ پٹرولیم مصنوعات کی قیمتوں میں اضافہ کی وجہ سے ضروریات زندگی کی ہر چیز کی قیمتوں میں بے تحاشہ اضافہ اس بات کا تقاضا کرتا ہے کہ سرکاری ملازمین کی تنخواہوں اور الاونسز میں اسی تناسب سے اضافہ انتہائی ضروری ہے۔
ورنہ سرکاری ملازمین کو مجبور ہوکر سڑکوں پر آنا پڑے گا۔ جسکی تمام تر زمہ داری حکومت وقت کی ہوگی۔
یادرہے حکومتی و اپوزیشن ممبران اسمبلی نے اپنی تنخواہوں میں پل جھپکتے اضافے کا بل پاس کیا تھا۔ انھوں نے آخر میں کہا کہ حکومت ایپکا و آل ایمپلائز کوارڈینیشن کونسل و آگیگا کے چارٹر آف ڈیمانڈذ کو فوری منظور کریں۔
