District Police Hunza

29/08/2026

ہنزہ پولیس اور تھانہ بسین گلگت پولیس کی کامیاب کارروائی، زیادتی کیس میں انتہائی مطلوب ملزم گرفتار کر لیا ۔

تفصیلات کے مطابق مقدمہ علت نمبر 39/2026 بجرائم 367A-377-376iii-375A-34-342 تعزیراتِ پاکستان میں مطلوب ملزم ضمیر عباس ولد شاہ جہان، سکنہ نلتر، حال مقیم بسین گلگت کو ایس ایچ او تھانہ علی آباد ہنزہ محمد حسین نے ہمراہ نفری پولیس، تھانہ علی آباد ہنزہ اور تھانہ بسین گلگت کی مشترکہ ٹیم کے ہمراہ کامیاب کارروائی کرتے ہوئے گرفتار کر لیا۔
ملزم مبینہ طور پر جرم کے ارتکاب کے بعد گرفتاری سے بچنے کے لیے روپوش تھا۔ ہنزہ پولیس نے پیشہ ورانہ مہارت اور جدید ٹیکنالوجی سے استفادہ کرتے ہوئے ملزم کا سراغ لگا کر اسے گرفتار کیا۔

گرفتار ملزم سے مزید تفتیش جاری ہے، جبکہ قانون کے مطابق مقدمے کی مزید کارروائی عمل میں لائی جا رہی ہے۔
گلگت بلتستان پولیس کا عزم ہے کہ شہریوں کے جان و مال اور عزت و آبرو کے تحفظ کے لیے جرائم پیشہ عناصر کے خلاف بلاامتیاز کارروائیاں جاری رکھی جائیں گی اور قانون شکن عناصر کو قانون کے کٹہرے میں لایا جائے گا۔

(ترجمان گلگت بلتستان پولیس)

26/08/2026

ہنزہ پولیس کی کامیاب کارروائی، (ب دف ع ل ی)کے مقدمے میں مطلوب ملزمان گرفتار

ہنزہ: ہنزہ پولیس نے کامیاب کارروائی کرتے ہوئے بدفعلی کے مقدمے میں نامزد مطلوب ملزمان کو گرفتار کر لیا ہے۔ ملزمان کے خلاف مقدمہ علت نمبر 39/2026 بجرائم 342، 365، 377، 34 تعزیراتِ پاکستان کے تحت درج کیا گیا ہے۔

مقدمے کی تفتیش مکمل شفافیت اور میرٹ پر جاری ہے۔ واقعے سے متعلق میڈیکل اور فرانزک شواہد اکٹھے کرنے کا عمل جاری ہے.
پولیس اس بات کو یقینی بنا رہی ہے کہ مقدمے کی تفتیش قانون، شواہد اور دستیاب حقائق کی بنیاد پر مکمل شفاف انداز میں آگے بڑھائی جائے۔ تمام متعلقہ پہلوؤں کا باریک بینی سے جائزہ لیا جا رہا ہے تاکہ اصل حقائق سامنے لائے جا سکیں اور شواہد کی روشنی میں ملزمان کے خلاف قانون کے مطابق سخت کارروائی عمل میں لائی جا سکے۔

(ترجمان گلگت بلتستان پولیس)

25/08/2026

20/08/2026

ہنزہ: پنجاب سے تعلق رکھنے والا ایک سیاح کے خنجراب ٹاپ پر گاڑی خراب ہونے کے اطلاع ملتے ہی سیاحتی پولیس کے اہلکاروں نے بروقت کارروائی کرتے ہوئے سیاح کو خنجراب ٹاپ سے بحفاظت خنجراب سکیورٹی پولیس (KSP) ہیڈکوارٹرز منتقل کیا، جہاں ان کے قیام، کھانے پینے اور دیگر ضروری سہولیات کا مناسب انتظام کیا گیا۔
سیاح نے ایک رات KSP ہیڈکوارٹرز میں قیام کیا، جبکہ سیاحتی پولیس اور خنجراب سکیورٹی پولیس (KSP) فورس کی جانب سے انہیں مسلسل تعاون اور ہر ممکن معاونت فراہم کی گئ۔

گلگت بلتستان سیاحتی پولیس کا عزم ہے کہ خطے میں آنے والے ملکی و غیر ملکی سیاحوں کو مشکل کی کسی بھی صورت میں بروقت مدد، رہنمائی اور ہر ممکن سہولیات فراہم کی جائیں گی۔

(ترجمان گلگت بلتستان پولیس)

Gilgit-Baltistan Police

11/08/2026

سیاحتی پولیس گلگت بلتستان ملکی و غیر ملکی سیاحوں کو محفوظ اور خوشگوار سفری ماحول فراہم کرنے کے لیے 24 گھنٹے متحرک ہے۔

سیاحتی پولیس کے اہلکار مختلف سیاحتی مقامات اور اہم شاہراہوں پر فرائض انجام دیتے ہوئے سیاحوں کو راستوں، موسم اور سفری صورتحال سے متعلق بروقت معلومات، سیاحتی مقامات کی رہنمائی، مقامی ثقافت سے آگاہی سمیت ہر ممکن معاونت فراہم کر رہے ہیں۔

دنیا بھر سے گلگت بلتستان آنے والے غیر ملکی سیاحوں کی حفاظت، رہنمائی اور سفری سہولیات کو خصوصی اہمیت دی جا رہی ہے۔ سیاحتی پولیس کسی بھی سفری مشکل یا ہنگامی صورتحال میں فوری معاونت فراہم کرنے کے لیے ہمہ وقت تیار ہے، تاکہ سیاح بلاخوف و خطر گلگت بلتستان کے قدرتی حسن سے لطف اندوز ہو سکیں

سیاحوں سے گذارش ہے کہ کسی بھی ہنگامی صورتحال میں فوری طور پر پولیس ہیلپ لائن پکار 15 پر رابطہ کریں ۔۔

(ترجمان گلگت بلتستان پولیس)
Gilgit-Baltistan Police

11/08/2026

گلگت بلتستان سیاحتی پولیس کی جانب سے سیاحوں کی رہنمائی اور سکیورٹی کے لیے موثر اقدامات جاری

غذر: جی بی سیاحتی پولیس کی جانب سے گوپس، یاسین اور وادیٔ پھنڈر کا دورہ کرنے والے ملکی و غیر ملکی سیاحوں کا پرتپاک استقبال کیا گیا۔ اس موقع پر جی بی سیاحتی پولیس کے اہلکاروں نے سیاحوں سے ملاقات کی اور انہیں علاقے کے اہم سیاحتی مقامات، قدرتی حسن اور بالخصوص وادیٔ پھنڈر کے دلکش و حسین مناظر کے حوالے سے مفید معلومات اور ضروری رہنمائی فراہم کی۔

جی بی سیاحتی پولیس کے اہلکار سیاحوں کی رہنمائی، معاونت، سہولت کاری اور پیشہ ورانہ خدمات کی فراہمی کے لیے ہمہ وقت مصروفِ عمل ہیں۔ سیاحوں کی حفاظت، سکیورٹی اور سہولت کو یقینی بنانے کے لیے اہم سیاحتی مقامات اور شاہراہوں پر سیاحتی پولیس کے اہلکار اپنی ذمہ داریاں احسن انداز میں انجام دے رہے ہیں۔
سیاحتی پولیس گلگت بلتستان سیاحوں کی حفاظت، رہنمائی اور بہترین سفری تجربے کے لیے ہمہ وقت کوشاں۔

(ترجمان گلگت بلتستان پولیس)
Gilgit-Baltistan Police
@

06/08/2026

وزیراعلیٰ گلگت بلتستان کی ہدایات پر غیر قانونی کان کنی کے خلاف زیرو ٹالرنس پالیسی

وزیراعلیٰ گلگت بلتستان کی خصوصی ہدایات کی روشنی میں حکومت گلگت بلتستان نے غیر قانونی کان کنی کے خلاف زیرو ٹالرنس پالیسی اختیار کر لی ہے۔ حکومت نے واضح انتباہ جاری کیا ہے کہ غیر قانونی کان کنی، معدنیات کی غیر قانونی نقل و حمل، یا اس غیر قانونی سرگرمی میں کسی بھی قسم کی معاونت کرنے والے افراد کے خلاف قانون کے مطابق سخت کارروائی عمل میں لائی جائے گی۔

غیر قانونی طور پر معدنیات نکالنے، ذخیرہ کرنے، خرید و فروخت کرنے یا ان کی ترسیل میں ملوث تمام عناصر کے خلاف بلا امتیاز قانونی کارروائی کی جائے گی۔ گلگت بلتستان میں معدنی وسائل کے تحفظ اور قانونی نظام کے نفاذ کے لیے متعلقہ ادارے متحرک ہیں۔

عوام الناس سے اپیل کی جاتی ہے کہ اگر کسی علاقے میں غیر قانونی کان کنی، معدنیات کی غیر قانونی ترسیل یا اس سے متعلق کسی بھی مشکوک سرگرمی کی اطلاع ہو تو فوری طور پر پولیس ہیلپ لائن 15 پر اطلاع دیں۔

آپ کا تعاون قدرتی وسائل کے تحفظ کے لیے نہایت اہم ہے۔

(ترجمان گلگت بلتستان پولیس)