Government Graduate College Isa Khel

03/06/2026

گورنمنٹ گریجویٹ کالج عیسی خیل

ایف ایس سی اور آئی سی ایس ضرور کریں ، اچھے مارکس کی اہمیت ابھی بھی کم نہیں ہوئی مگر ضروری ہے کہ جدید دور کے تقاضوں کے مطابق اپنے کمیونیکیشن سکلز ، پرابلم سالونگ سکل اور دوسری سکلز پر ساتھ ساتھ کام کریں تاکہ کل آپ اپنی بات ہر جگہ پر موثر انداز میں پیش کر سکیں اپنی صلاحیت کو حقیقی مسائل حل کرنے کے لیے استعمال کر سکیں ۔

02/06/2026

ایک لاکھ روپے مالیت کے کمپیوٹرز: اپنے کالج کے لیے محبت کا اظہار

بعض اوقات ایک تحفے کی قیمت اس کی مالیت سے نہیں بلکہ اس جذبے سے معلوم ہوتی ہے جس کے ساتھ وہ دیا جاتا ہے۔

آج گورنمنٹ گریجویٹ کالج عیسیٰ خیل اپنے ایک ایسے سابق طالب علم کو خراجِ تحسین پیش کر رہا ہے جس نے کامیابی کی منزلیں طے کرنے کے بعد اپنے مادرِ علمی کو نہیں بھلایا۔

شیخ محمود والا سے تعلق رکھنے والے جناب عبد الغفار نے اسی کالج سے ایف ایس سی کی تعلیم حاصل کی۔ زندگی کا سفر انہوں نے بھی وہیں سے شروع کیا جہاں ہمارے اکثر طلبہ آج کھڑے ہیں۔ محدود وسائل، مسلسل محنت، نجی ملازمتوں اور سافٹ ویئر ہاؤسز میں کام کرتے ہوئے انہوں نے اپنی راہ خود بنائی۔ آج وہ دبئی میں بطور مارکیٹنگ اسپیشلسٹ خدمات انجام دے رہے ہیں، لیکن کامیابی کی بلندیوں تک پہنچ کر بھی انہوں نے اپنی جڑوں سے تعلق برقرار رکھا۔

عبد الغفار صاحب نے کالج کے طلبہ کے لیے ایک لاکھ روپے مالیت کے جدید کمپیوٹرز عطیہ کیے ہیں۔ یہ صرف کمپیوٹرز نہیں، بلکہ ان نوجوانوں کے خوابوں میں کی گئی سرمایہ کاری ہے جو بہتر مستقبل کی امید لیے اس ادارے میں تعلیم حاصل کر رہے ہیں۔

ایک سابق طالب علم کا اپنے ادارے کو اس طرح یاد رکھنا اس بات کا ثبوت ہے کہ تعلیم صرف ڈگری نہیں دیتی، بلکہ انسان کے اندر اپنے معاشرے اور آنے والی نسلوں کے لیے کچھ کرنے کا جذبہ بھی پیدا کرتی ہے۔

ہم عبد الغفار صاحب کا شکریہ ادا کرتے ہوئے فخر محسوس کرتے ہیں۔ ان کا یہ عمل ہمارے موجودہ طلبہ کے لیے امید کا پیغام ہے کہ عزم، محنت اور مستقل مزاجی انسان کو کہاں سے کہاں پہنچا سکتی ہے، اور یہ بھی کہ اصل کامیابی وہ ہے جو دوسروں کے لیے آسانیاں پیدا کرے۔

گورنمنٹ گریجویٹ کالج عیسیٰ خیل کی پوری فیکلٹی، طلبہ اور انتظامیہ کی جانب سے عبد الغفار صاحب کے لیے دل کی گہرائیوں سے دعا ہے کہ اللہ تعالیٰ انہیں مزید کامیابیاں، عزت، خوشحالی اور خدمتِ خلق کی توفیق عطا فرمائے۔

آپ نے صرف کمپیوٹرز عطیہ نہیں کیے، بلکہ بہت سے طلبہ کے امکانات کو ایک نئی سمت دی ہے۔

02/06/2026

4 جون 2026 رجسٹریشن کی آخری تاریخ ہے ۔
سیٹیں ختم ہو جانے یا مقررہ تاریخ گزر جانے کے بعد کسی صورت کوئی ایڈمیشن نہیں کیا جائے گا ۔

01/06/2026

🚭 انسدادِ تمباکو نوشی آگاہی سیمینار

ہائر ایجوکیشن ڈیپارٹمنٹ کی ہدایات کے مطابق گورنمنٹ گریجویٹ کالج عیسیٰ خیل میں آج ایک آگاہی سیمینار کا انعقاد کیا گیا۔ سیمینار کا مقصد نوجوانوں میں تمباکو نوشی کے مضر اثرات کے بارے میں شعور اجاگر کرنا اور انہیں صحت مند طرزِ زندگی اپنانے کی ترغیب دینا تھا۔

مقررین نے تمباکو نوشی سے پیدا ہونے والی مختلف جسمانی، ذہنی اور سماجی مسائل پر روشنی ڈالی اور طلبہ پر زور دیا کہ وہ اس نقصان دہ عادت سے خود بھی بچیں اور دوسروں کو بھی اس کے خطرات سے آگاہ کریں۔

تمباکو نوشی سے انکار، صحت مند مستقبل کا انتخاب۔

31/05/2026

موجودہ دور میں سوشل میڈیا ٹرینڈز کے برعکس تعلیم حاصل کرنے کی اہمیت جوں کی توں قائم ہے ۔ موجودہ دور میں صرف ڈگری لینے کی کوئی وقعت باقی نہیں رہی مگر معیاری تعلیم کی قدر و قیمت پہلے سے بھی بڑھ کر ہے۔ اسکے ساتھ ساتھ تعلیم کا حصول بھی بے حد مہنگا ہو چکا ہے۔ عیسی خیل کے شہریوں کی اکثریت لاکھوں روپے فیس بھر کر بچوں کو تعلیم دینے سے قاصر یے ۔ مگر ایسے حالات میں بھی گورنمنٹ گریجویٹ کالج عیسی خیل ناقابل یقین حد تک طلبہ کی فلاح کے لیے اقدامات اٹھا رہا یے۔ یہ کالج کوئی کاروباری مرکز نہیں بلکہ مکمل طور پر ایک فلاحی ادارہ بن کر طلبہ کو اس قابل بنا رہا ہے کہ وہ تعلیم کا سفر جاری رکھ سکیں ۔ کالج ہذا میں 5-6 ہزار کی کم ترین فیس کے باوجود مکمل اور نہایت متحرک تعلیمی ماحول دیا جاریا ہے ۔ الحمدللہ فرسٹ ائیر 2026 میں داخلے شروع ہو چکے ہیں اور جن طلبہ کی نویں کلاس پاس ہے اب وہ فرسٹ ائیر میں ریگولر داخلہ لے سکتے ہیں ۔ اس مہم کا آغاز پرنسپل صاحب نے طلبہ کے لیے اپنے خصوصی پیغام سے کیا ہے۔

30/05/2026

سوشل میڈیا مارکیٹنگ

جیسے ہی کورس کا اعلان ہوا کچھ سوال مسلسل پوچھے جارہے ہیں ۔ کورس کون کروائے گا ؟ اس میں کیا کیا پڑھایا جائے گا ؟ اس سے کتنی ارننگ کی جا سکتی ہے ؟
ان تمام سوالوں کا جواب اس پوسٹر میں دے دیا گیا ہے۔
اس کے علاؤہ تمام تر تفصیل پر مبنی ویڈیو کا لنک بھی کمنٹ میں دیا جارہا ہے۔
مزید کسی بھی معلومات کے لیے واٹس ایپ کریں
03177491461

29/05/2026

Beautiful Evening 🌆
At GGC Isa Khel

28/05/2026

موجودہ دور میں یہ بات تسلسل سے ثابت ہورہی ہے کہ پڑھائی کے ساتھ ساتھ سکلز کا ہونا بھی نہایت ضروری ہے۔ اگر آپ کے پاس ڈگری ہے مگرآپ کو بولنا نہیں آتا آپ کو پریزینٹیشن دینی نہیں آتی اور اس طرح کے دیگر سکلز نہیں آتے تو عملاً آپ کی ڈگری بیکار ہے ۔ اس بات کو مد نظر رکھتے ہوئے گورنمنٹ گریجویٹ کالج عیسی خیل کی انتظامیہ نوجوانوں کے لیے ایک ماہ پر مشتمل کورس شروع کرنے جارہی ہے۔ اگر آپ خود کو وقت کے بدلتے تقاضوں کے مطابق اپگریڈ کرنا چاہتے ہیں تو یہ کورس آپ کے لیے شاندار موقع ہوگا۔ معیار برقرار رکھنے کے لیے صرف 20 نشستیں ہی مخصوص کی جارہی ہیں جس کے بعد کوئی انرولمنٹ قابل قبول نہیں ہوگی۔

28/05/2026

28 مئی 1998 صرف ایک تاریخ نہیں بلکہ پاکستان کی خودمختاری، عزم اور قومی وقار کی علامت ہے۔ چاغی کے پہاڑوں میں ہونے والے ایٹمی تجربات نے دنیا کو یہ پیغام دیا کہ پاکستانی قوم اپنے دفاع اور نظریے پر کبھی سمجھوتہ نہیں کرے گی۔
یومِ تکبیر ہمیں اتحاد، حوصلے، قربانی اور قومی یکجہتی کا درس دیتا ہے۔

گورنمنٹ گریجویٹ کالج عیسیٰ خیل کی جانب سے پوری قوم کو یومِ تکبیر مبارک۔

21/05/2026