12/04/2024
چھ ججز کو دھمکیاں :جسٹس اطہر من اللہ کا اضافی نوٹ
اسلام آباد ہائیکورٹ کے ججز کا خط ظاہر کرتا ہے وہ ہر متعلقہ فورم پر معاملہ اٹھاتے رہے، معاملے کی سنجیدگی کے باوجود ادارے نے ردعمل نہیں دیا،
چھ ججز نے وہی کیا جو ہر جج حلف کیمطابق کرنے کا پابند ہے،
کبھی کسی کا احتساب نہیں ہوا جس کی وجہ سے بگاڑ بدترین شکل اختیار کرچکا ہے،
ملک کی اعلی ترین عدالت کے جج ہونے کی حیثیت سے ہم طاقت کے اس ناجائز استعمال کو نظرانداز نہیں کر سکتے جس کا اثر انسانی بنیادی حقوق اور آزادی پر پڑتا ہے۔ حقیقت ہم سب جانتے ہیں لیکن لاعلمی کا بہانہ کرتے ہیں۔
چھ ججز نے ایک بہت اہم سوال اٹھایا ہے کہ کیا یہ حکومت کی مستقل پالیسی ہے کہ انٹیلیجنس ایجنسی کے لوگ جو حکومت کے تابع ہیں، وہ ججز کو ہراساں کریں اور ان کو بلیک میل کر کے اپنی مرضی کے فیصلے لکھوانے کے لئے عدالتی کاروائی میں مداخلت کریں۔
شہریوں کے بنیادی حقوق کی کھلم کھلا خلاف ورزی اور انفرادی آزادیوں اور حقوق کے تحفظ میں عدالتوں کی ناکامی ادارے پر عوام کے اعتماد کو بری طرح مجروح کرتی ہے۔
