Sarhad

Directions

Sarhad Facts, Figures and What Locals Say

ٹانک کے جنڈولہ ہسپتال گیٹ پر مامور پولیس اہلکاروں پر دو موٹر سائیکل سوار مسلح افراد نے حملہ کردیا۔پولیس رپورٹ کے مطابق ح...
02/10/2026

ٹانک کے جنڈولہ ہسپتال گیٹ پر مامور پولیس اہلکاروں پر دو موٹر سائیکل سوار مسلح افراد نے حملہ کردیا۔

پولیس رپورٹ کے مطابق حملہ آوروں نے پولیس اہلکاروں پر دستی بم پھینکا اور پستول سے فائرنگ کی، جس کے نتیجے میں پولیس اہلکار معراج الدین ہلاک ہوگئے۔

حملے کے بعد دونوں حملہ آور موٹر سائیکل پر فرار ہوگئے۔ واقعے کے بعد پولیس نے علاقے میں کارروائی اور تفتیش شروع کردی ہے، جبکہ واقعے کی رپورٹ بھی مرتب کرلی گئی ہے۔

بنوں کے تھانہ احمد زئی کے پہاڑی علاقے سے چار افراد کی لاشیں برآمد ہوئی ہیں۔مقامی ذرائع کے مطابق عمرزئی سے چار افراد گزشت...
02/10/2026

بنوں کے تھانہ احمد زئی کے پہاڑی علاقے سے چار افراد کی لاشیں برآمد ہوئی ہیں۔

مقامی ذرائع کے مطابق عمرزئی سے چار افراد گزشتہ چار سے پانچ روز سے گاڑی سمیت لاپتہ تھے۔

پولیس کے مطابق لاشوں کی شناخت حضر علی، کامران، رحمت اللہ اور ابوزر کے نام سے ہوئی ہے۔ تاہم واقعے کے حالات و واقعات اور ہلاکتوں کی وجوہات سے متعلق مزید تفصیلات سامنے آنا باقی ہیں۔

پشاور کے تھانہ چمکنی کی حدود مہرگل کلے میں مسلح افراد نے رات تقریباً 2 بجے پولیس کانسٹیبل شاہ مست خان کو ان کے گھر سے اٹ...
02/10/2026

پشاور کے تھانہ چمکنی کی حدود مہرگل کلے میں مسلح افراد نے رات تقریباً 2 بجے پولیس کانسٹیبل شاہ مست خان کو ان کے گھر سے اٹھا لیا۔

ذرائع کے مطابق مسلح افراد بعد ازاں کانسٹیبل شاہ مست خان کو فائرنگ کرکے ہلاک کرکے فرار ہوگئے۔ شاہ مست خان پولیس اسٹیشن پہاڑی پورہ میں تعینات تھے۔

واقعے کے بعد کانسٹیبل کی نمازِ جنازہ ملک سعد شہید پولیس لائن پشاور میں سرکاری اعزاز کے ساتھ ادا کی گئی۔ نمازِ جنازہ میں گورنر خیبرپختونخوا، آئی جی پولیس، سی سی پی او پشاور، سینئر پولیس و فوجی حکام اور شہید کے لواحقین نے شرکت کی۔

01/10/2026

افغانستان میں پاکستانی فضائی حملے — یکم اکتوبر 2026
ذرائع کے مطابق کنڑ میں جس مکان کو نشانہ بنایا گیا، وہ مبینہ طور پر TTP کمانڈر ملنگ باچا کی رہائش گاہ تھی، تاہم ذرائع کا کہنا ہے کہ وہ تقریباً تین ماہ قبل وہاں سے منتقل ہو چکا تھا۔

دوسری جانب افغان طالبان کی حکومت نے 24 ستمبر کو جاری بیان میں پاکستان پر افغانستان کے صوبوں قندھار، پکتیا اور خوست میں فضائی حملوں کا الزام عائد کرتے ہوئے کہا تھا کہ ان حملوں میں چار افغان شہری ہلاک ہوئے۔ افغان حکام نے ان حملوں کو شدید جارحیت قرار دیتے ہوئے مذمت کی تھی۔

یکم اکتوبر کو جاری بیان “ میں پاکستانی حکام نے دعویٰ کیا کہ افغانستان میں طالبان کے زیرِ کنٹرول علاقوں میں دو مقامات پر فضائی اور ڈرون حملوں کے ذریعے فتنہ الخوارج اور فتنہ الہندوستان سے منسلک مبینہ ٹھکانوں اور کیمپوں کو تباہ کیا گیا۔ بیان کے مطابق ان مقامات پر موجود بڑی مقدار میں اسلحہ اور گولہ بارود بھی تباہ کیا گیا۔

شمالی وزیرستان کے تحصیل میر علی کے مختلف دیہات میں گزشتہ رات سے وقفے وقفے سے مارٹر گولہ باری کی اطلاعات ہیں، جبکہ بعض مق...
30/09/2026

شمالی وزیرستان کے تحصیل میر علی کے مختلف دیہات میں گزشتہ رات سے وقفے وقفے سے مارٹر گولہ باری کی اطلاعات ہیں، جبکہ بعض مقامات پر کواڈ کاپٹر ڈرونز کے ذریعے بھی حملے کیے گئے۔

اطلاعات کے مطابق کسی جانی نقصان کی اطلاع نہیں ملی، تاہم گولہ باری اور ڈرون حملوں کے باعث مقامی آبادی کے معمولات زندگی اور تحفظ کا احساس شدید متاثر ہوا ہے۔

مقامی افراد کے مطابق چھوٹے بچے رات بھر خوف کے باعث سو نہیں پاتے اور انہیں مسلسل خدشہ رہتا ہے کہ کوئی اور مارٹر گولہ یا بم ان کے گھروں کو نشانہ بنا سکتا ہے۔

متاثرہ دیہات میں سے ایک میں حاجی ملادر خان کے گھر کو بھی مارٹر گولہ لگنے کی اطلاع ہے۔ حاجی ملادر خان ایک محنت کش اور محدود وسائل رکھنے والے مقامی رہائشی ہیں۔ واقعے کے وقت گھر میں موجود افراد محفوظ رہے، تاہم مکان کو مالی نقصان پہنچا ہے۔

مقامی آبادی نے شہریوں کے تحفظ اور علاقے میں امن و امان کی بحالی کے لیے مؤثر اقدامات کا مطالبہ کیا ہے۔

کرم میں ایک کمسن بچی کے بارے میں مقامی اطلاعات کے مطابق ایک روز قبل سیکیورٹی فورسز کی جانب سے فائر کیے گئے مارٹر گولے کی...
30/09/2026

کرم میں ایک کمسن بچی کے بارے میں مقامی اطلاعات کے مطابق ایک روز قبل سیکیورٹی فورسز کی جانب سے فائر کیے گئے مارٹر گولے کی زد میں آنے کے باعث اس کی دونوں آنکھیں متاثر ہوئیں اور وہ بینائی سے محروم ہوگئی۔
خیبر پختون خواہ کے نئے ضم شدہ اضلاع میں مارٹر گولہ باری، بارودی سرنگوں کے دھماکوں اور مشتبہ کواڈ کاپٹر حملوں کے واقعات میں بچے بھی متاثر ہوتے رہے ہیں۔ متعدد بچوں کو شدید زخمی ہونے کے علاوہ بینائی اور جسمانی اعضا کو مستقل نقصان کا سامنا کرنا پڑا ہے۔

ان علاقوں میں رہنے والے خاندانوں کے لیے خطرہ صرف فعال جھڑپوں تک محدود نہیں۔ بارودی سرنگیں اور جنگی باقیات لڑائی ختم ہونے کے طویل عرصے بعد بھی خطرناک رہ سکتی ہیں، جبکہ ڈرون حملے اور گولہ باری رہائشی علاقوں میں موجود بچوں اور دیگر شہریوں کے لیے خطرہ بن سکتی ہے۔

مسلسل پیش آنے والے ایسے واقعات کے باوجود متاثرہ بچوں اور ان کے خاندانوں کو دستیاب تحفظ اور معاونت کے حوالے سے مقامی سطح پر خدشات کا اظہار کیا جاتا رہا ہے۔ مقامی برادریاں شہریوں کے تحفظ، بارودی سرنگوں اور غیر پھٹے ہوئے جنگی مواد کی صفائی، جبکہ متاثرین کے لیے طبی اور بحالی کی سہولیات کی فراہمی کے مطالبات کرتی رہی ہیں۔

30/09/2026

مقامی ذرائع کے مطابق خیبر ضلع کے باڑہ بازار میں مینار مسجد کے مقام پر سیکیورٹی فورسز نے انٹیلی جنس بیسڈ آپریشن کیا، جس کے نتیجے میں ایک مبینہ ٹارگٹ کلر یا مقامی ذرائع کے مطابق خودکش ہلاک ہوگیا۔

مقامی ذرائع کے مطابق ہلاک ہونے والے شخص کی شناخت عمر محمد کے نام سے ہوئی ہے۔

تاہم، مذکورہ شخص کی وابستگی اور آپریشن کی دیگر تفصیلات تاحال سامنے نہیں آئی ہیں.

کوہاٹ کے علاقے لاچی کے گاؤں غورزنڈی میں ٹی ٹی پی نے شاہین اللہ عرف شین کو مبینہ طور پر پاکستانی انٹیلی جنس اداروں کے لیے...
30/09/2026

کوہاٹ کے علاقے لاچی کے گاؤں غورزنڈی میں ٹی ٹی پی نے شاہین اللہ عرف شین کو مبینہ طور پر پاکستانی انٹیلی جنس اداروں کے لیے جاسوسی کے الزام میں حراست میں لینے اور بعد ازاں قتل کرنے کا دعویٰ کیا ہے۔ ٹی ٹی پی کے مطابق شاہین اللہ نے مبینہ طور پر دورانِ تفتیش جاسوسی کا اعتراف کیا.

دوسری جانب مقتول کے اہلِ خانہ نے لاش انڈس ہائی وے پر رکھ کر احتجاج کیا، جس کے باعث شاہراہ پر ٹریفک کی آمدورفت متاثر ہوئی اور سڑک بند رہی۔

ٹی ٹی پی کے دعوے اور قتل کے حوالے سے تمام تفصیلات کی آزادانہ طور پر تصدیق نہیں ہوسکی۔

بنوں کے علاقے پینگ میں چند روز قبل کواڈ کاپٹر حملے میں زخمی ہونے والا ٹی ٹی پی کمانڈر نذیر عرف شاہین زخموں کی تاب نہ لات...
30/09/2026

بنوں کے علاقے پینگ میں چند روز قبل کواڈ کاپٹر حملے میں زخمی ہونے والا ٹی ٹی پی کمانڈر نذیر عرف شاہین زخموں کی تاب نہ لاتے ہوئے آج ہلاک ہوگیا۔

اطلاعات کے مطابق نذیر عرف شاہین کی میت تحصیل ڈومیل منتقل کی گئی، جہاں ان کی تدفین کر دی گئی۔

واقعے اور ہلاکت کی سرکاری تصدیق تاحال سامنے نہیں آئی۔

باجوڑ کے عنایت کلے بازار میں فائرنگ سے ناوگئی بازار تاجر ایسوسی ایشن کے صدر اسماعیل زرگر اور ان کے ساتھی اجمل خان ہلاک ہ...
30/09/2026

باجوڑ کے عنایت کلے بازار میں فائرنگ سے ناوگئی بازار تاجر ایسوسی ایشن کے صدر اسماعیل زرگر اور ان کے ساتھی اجمل خان ہلاک ہوگئے۔

پولیس اور مقامی ذرائع کے مطابق واقعہ منگل کے روز عنایت کلے بازار کے بائی پاس کے قریب پیش آیا، جہاں مسلح افراد نے اسماعیل زرگر کی گاڑی کو نشانہ بنایا۔ دونوں زخمیوں کو ڈسٹرکٹ ہیڈکوارٹر اسپتال خار منتقل کیا گیا، تاہم وہ زخموں کی تاب نہ لاتے ہوئے دم توڑ گئے۔ پولیس کے مطابق حملہ آور فائرنگ کے بعد فرار ہوگئے اور واقعے کی تحقیقات جاری ہیں۔
داعش خراسان (ISKP) نے اس حملے کی ذمہ داری قبول کی ہے ۔

یہ دعویٰ ایسے وقت سامنے آیا ہے جب حالیہ عرصے میں داعش خراسان کی جانب سے خیبر پختونخوا میں مختلف حملوں کی ذمہ داری قبول کرنے کے دعوے سامنے آتے رہے ہیں۔ جنوبی وزیرستان میں بھی حالیہ دنوں میں 2 شہریوں کے قتل کی ذمہ داری داعش. نے قبول کی تھی۔

نوٹ: حملے کی ذمہ داری سے متعلق داعش خراسان کا دعویٰ تنظیم سے منسوب بیان کی بنیاد پر ہے؛ آزادانہ تصدیق اور پولیس کی باضابطہ تصدیق کا انتظار ہے۔

Address

Islamabad

Website

Alerts

Be the first to know and let us send you an email when Sarhad posts news and promotions. Your email address will not be used for any other purpose, and you can unsubscribe at any time.

Shortcuts

Share