Ministry of Planning, Development and Special Initiatives

Ministry of Planning, Development and Special Initiatives Contact information, map and directions, contact form, opening hours, services, ratings, photos, videos and announcements from Ministry of Planning, Development and Special Initiatives, Government Organization, P Block, Pak Secretariat, Islamabad.

Welcome to Official Page of Ministry of , & | | Government of Pakistan

Our Vision:

07/09/2026

دفاعی قوت کے بعد پاکستان کا اگلا قومی مشن—معاشی خودمختاری اور برآمدی برتری۔

وفاقی وزیر پروفیسر احسن اقبال نے کہا کہ پاکستان کو 2035ء تک ایک ٹریلین ڈالر کی معیشت بنانے کے لیے 26 کروڑ پاکستانیوں کو اپنی صلاحیتیں، محنت اور تخلیقی قوت یکجا کرنا ہوگی۔ پیداوار اور برآمدات میں اضافہ ملک کو عالمی معیشت میں زیادہ مضبوط، خودمختار اور باوقار مقام دلائے گا۔

جس قومی عزم، مہارت اور اتحاد سے ہمارے سائنس دانوں اور انجینئروں نے پاکستان کو ایٹمی قوت بنایا، اب اسی جذبے کو معاشی قوت میں ڈھالنے کا وقت ہے۔

ہر شہری، ہر ادارہ اور ہر شعبہ—ایک مضبوط، برآمدی اور ناقابلِ تسخیر معیشت کی تعمیر میں شریک ہو۔

#6ستمبر

07/09/2026

مضبوط فوج کمزور معیشت پر، مضبوط معیشت کمزور نظامِ تعلیم پر اور جدید ریاست فرسودہ سائنسی ڈھانچے پر زیادہ دیر قائم نہیں رہ سکتی۔

وفاقی وزیر پروفیسر احسن اقبال نے کہا کہ اکیسویں صدی میں دفاع صرف فوج کی ذمہ داری یا اسلحے کا نام نہیں؛ مضبوط معیشت، معیاری تعلیم، مستحکم سماجی ڈھانچہ، جدید سائنس و ٹیکنالوجی، اختراعی صلاحیت اور قومی یکجہتی بھی دفاعِ وطن کے بنیادی ستون ہیں۔

انہوں نے جامعات، تحقیقی مراکز، دفاعی اداروں اور نجی شعبے کو تحقیق و جدت کی ایک مربوط قومی زنجیر میں جوڑنے پر زور دیا تاکہ پاکستان ایسی باصلاحیت افرادی قوت، ایجادات اور مصنوعات تیار کر سکے جو دفاعی برتری کے ساتھ ملک کو ایک مضبوط برآمدی معیشت بنانے میں بھی کردار ادا کریں۔

اکیسویں صدی میں قومی دفاع کی اصل طاقت، علم، معیشت، جدت اور اتحاد ہے۔

#6ستمبر

07/09/2026

6 مئی 2025ء کو پاکستان نے ثابت کر دیا کہ معاشی مشکلات کوئی بھی مشکل قوم کے دفاعی عزم اور صلاحیت کو کمزور نہیں کر سکتیں۔

وفاقی وزیر پروفیسر احسن اقبال نے کہا کہ دشمن نے رات کی تاریکی میں پاکستان کی معاشی کمزوری کا غلط اندازہ لگا کر جارحیت کی، لیکن وزیراعظم محمد شہباز شریف کی رہنمائی اور فیلڈ مارشل سید عاصم منیر کی قیادت میں پاکستان نے فیصلہ کن اور مؤثر جواب دیا۔

پاکستان کی مسلح افواج نے اپنی پیشہ ورانہ مہارت، جدید ٹیکنالوجی اور فضائی برتری سے دنیا کو واضح پیغام دیا کہ قوم دفاع کے بدلتے تقاضوں سے پوری طرح آگاہ اور اپنی خودمختاری کے تحفظ کی بھرپور صلاحیت رکھتی ہے۔

پاکستان کی جانب میلی آنکھ سے دیکھنے والوں کو ہمیشہ قوم کے غیرمتزلزل عزم اور ناقابلِ تسخیر دفاع کا سامنا کرنا پڑے گا۔

#6ستمبر

07/09/2026

1965ء سے 2026ء تک دنیا بدل چکی ہے اور دفاعِ وطن کا تصور بھی۔

وفاقی وزیر پروفیسر احسن اقبال نے کہا کہ آج جنگ صرف روایتی اسلحے، ٹینکوں، توپوں اور طیاروں کے ذریعے نہیں لڑی جاتی؛ معیشت، اطلاعات، نفسیاتی حربے اور جدید ٹیکنالوجی بھی میدانِ جنگ کا حصہ بن چکے ہیں۔

مصنوعی ذہانت، سائبر سکیورٹی، خودکار نظام، خلائی ٹیکنالوجی اور دیگر ابھرتے ہوئے سائنسی شعبوں میں مہارت اب قومی دفاع اور تزویراتی برتری کا ناگزیر تقاضا ہے۔

اکیسویں صدی میں مضبوط دفاع وہی ہے جو عسکری قوت کے ساتھ معاشی استحکام، علمی برتری اور تکنیکی خودانحصاری پر قائم ہو۔

یوم دفاع کے موقع پر وفاقی وزیر احسن اقبال کا اہم خطاب

#6ستمبر

06/09/2026

شہادت صرف ایک فرد کی قربانی نہیں؛ اس کے ساتھ پورا خاندان وطن کی خاطر عمر بھر کی قربانی دیتا ہے۔

وفاقی وزیر پروفیسر احسن اقبال نے 6 ستمبر کے شہداء سمیت آج بھی دہشت گردی کے خلاف جنگ میں جانوں کا نذرانہ پیش کرنے والے بہادر جوانوں اور افسران کو سلام پیش کیا۔

انہوں نے کہا کہ وطن کا محافظ اپنے والدین کی دعاؤں، بچوں کی محبت اور شریکِ حیات کی امیدوں کو دل میں لیے محاذ پر پہنچتا ہے۔ ممکنہ شہادت کا احساس بھی اس کے قدموں میں لغزش پیدا نہیں کرتا، کیونکہ قومی فرض کی پکار اس کے ہر خوف سے بلند ہوتی ہے۔

شہید کے ساتھ اس کے بچے باپ کا سایہ، والدین جوان بیٹے کا سہارا اور شریکِ حیات زندگی بھر کا رفیق کھو دیتی ہے۔ قوم اپنے شہداء کے ساتھ ان کے باہمت خاندانوں کو بھی سلام پیش کرتی ہے۔

آپ تنہا نہیں; پوری قوم آپ کی مقروض اور آپ کے ساتھ کھڑی ہے۔

#6ستمبر

06/09/2026

6 ستمبر محض کیلنڈر کی ایک تاریخ نہیں؛ یہ شہداء کے لہو سے منور قومی عزم کی ایک لازوال علامت ہے۔

وفاقی وزیر پروفیسر احسن اقبال نے کہا کہ کسی قوم کی آزادی صرف نقشے پر کھینچی گئی سرحدوں سے محفوظ نہیں ہوتی؛ اس کے اصل محافظ عوام کا جذبہ، قومی ارادہ، داخلی استحکام اور اتحاد ہوتے ہیں۔

جب قوم کے جذبوں کی دیواریں مضبوط ہوں تو بڑی سے بڑی طاقت بھی اس کے عزم کو شکست نہیں دے سکتی۔ یومِ دفاع ہمیں یاد دلاتا ہے کہ دفاعِ وطن کی مساوات قوم کے عزم و اتحاد کے بغیر ہمیشہ ادھوری رہتی ہے۔

یوم دفاع کے موقع پر وفاقی وزیر احسن اقبال کا اہم خطاب

#6ستمبر

06/09/2026

مضبوط دفاع کی بنیاد مضبوط معیشت، جدید ٹیکنالوجی اور قومی یکجہتی ہے. وفاقی وزیر پروفیسر احسن اقبال

یومِ دفاع پاکستان کی تقریب سے اپنے جامع خطاب میں وفاقی وزیر برائے منصوبہ بندی، ترقی و خصوصی اقدامات نے شہداء اور غازیوں کو خراجِ عقیدت پیش کرتے ہوئے کہا کہ اکیسویں صدی میں قومی دفاع محض سرحدوں کی حفاظت تک محدود نہیں؛ معاشی خودمختاری، تکنیکی برتری، باصلاحیت انسانی سرمایہ، توانائی و آبی تحفظ، مضبوط ادارے اور قومی اتحاد بھی جامع قومی طاقت کے بنیادی ستون ہیں۔

انہوں نے برآمدات میں اضافے کو قومی سلامتی کا مشن قرار دیتے ہوئے پاکستان کو قرض اور کھپت پر انحصار کرنے والی معیشت سے نکال کر پیداوار، جدت، سرمایہ کاری اور برآمدات پر مبنی معیشت بنانے کی ضرورت پر زور دیا۔

وفاقی وزیر نے پاکستان کے لیے سات نکاتی قومی طاقت و استحکام کا لائحۂ عمل بھی پیش کیا، جس میں دفاعی و تکنیکی برتری، برآمدی ہنگامی پروگرام، انسانی سرمائے کی ترقی، توانائی، پانی و غذائی تحفظ، مقامی پیداوار، ادارہ جاتی اصلاحات اور قومی یکجہتی کو بنیادی ترجیحات قرار دیا گیا۔

انہوں نے کہا کہ ہمارے شہداء نے سرحدوں پر پاکستان کی خودمختاری کا دفاع کیا؛ اب پوری قوم کی ذمہ داری ہے کہ معیشت، علم، ٹیکنالوجی، قومی کردار اور اتحاد کے ذریعے اس خودمختاری کو مزید مضبوط بنائے۔

وفاقی وزیر پروفیسر احسن اقبال کا مکمل خطاب ملاحظہ کیجیے۔

PakistanDefenceDay

06/09/2026

6 ستمبر کا پیغام صرف عسکری فتح نہیں، بلکہ یہ سبق ہے کہ جب عوام اور افواج سیسہ پلائی ہوئی دیوار بن جائیں تو وسائل کی کمی کے باوجود کوئی طاقت قوم کا راستہ نہیں روک سکتی!

یومِ دفاع و شہداء محض تاریخ کا ایک ورق نہیں بلکہ ہماری قومی حمیت، بے مثال اتحاد اور قربانیوں کی لازوال داستان ہے۔

میجر راجہ عزیز بھٹی شہید (نشانِ حیدر) کا بی آر بی نہر پر ڈٹ جانا ہو یا ایم ایم عالم کی فضائی شجاعت، 1965ء کی جنگ نے ثابت کیا کہ عددی برتری جذبۂ ایمانی اور غیر متزلزل عزم کے سامنے ریت کی دیوار ہے۔

آج روایتی دفاع کے ساتھ ساتھ ہمیں معاشی استحکام اور خود انحصاری کے محاذ پر بھی اسی تاریخی جذبے کی ضرورت ہے۔ آئیے اپنے شہداء اور غازیوں کو خراجِ عقیدت پیش کرتے ہوئے یہ عہد کریں کہ اسی باہمی یکجہتی سے ہم پاکستان کو ہر میدان میں ناقابلِ تسخیر بنائیں گے!

06/09/2026

6 September; A day to remember the courage of those who stood firm in defence of the motherland, and to honour the sacrifices of our Shuhada and Ghazis.

From the battlefields of 1965 to the evolving frontiers of modern defence, Pakistan’s journey reflects a steadfast national resolve to safeguard its sovereignty and strengthen its defence capabilities.

Today, we salute those who have defended Pakistan with courage, sacrifice and an unshakeable sense of duty,and reaffirm our commitment to a peaceful, secure and stronger Pakistan.

Remembering the heroes. Honouring the sacrifice. Celebrating the resolve.

6 September; Defence Day of Pakistan!

🇵🇰

6 ستمبر ہماری قومی یکجہتی، شجاعت اور عزمِ صمیم کی ایک لازوال علامت ہے۔ اس موقع پر ہم اپنے شہداء کی عظیم قربانیوں، غازیوں...
06/09/2026

6 ستمبر ہماری قومی یکجہتی، شجاعت اور عزمِ صمیم کی ایک لازوال علامت ہے۔ اس موقع پر ہم اپنے شہداء کی عظیم قربانیوں، غازیوں کی بہادری اور ان کے اہلِ خانہ کی استقامت کو سلام پیش کرتے ہیں۔ ان کی قربانیاں پاکستان کی سلامتی، خودمختاری اور قومی وقار کے تحفظ کی روشن تاریخ کا حصہ ہیں۔

پاکستان کی دفاعی قوت ہمارے قومی عزم اور محافظوں کی بے مثال جرأت کی عکاس ہے۔ اب اسی عزم کو معاشی قوت میں ڈھالنا وقت کی ضرورت ہے۔ علم، ٹیکنالوجی، انسانی وسائل اور پیداوار کے میدان میں آگے بڑھ کر ہمیں ایک مضبوط، خوددار اور خوشحال پاکستان کی تعمیر کرنا ہے۔

دفاع میں مضبوط، معیشت میں مضبوط; یہی مضبوط پاکستان کی بنیاد ہے۔

پاکستان ہمیشہ زندہ باد

‪ ‬ ‪ ‬ ‪ ‬

Address

P Block, Pak Secretariat
Islamabad

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Ministry of Planning, Development and Special Initiatives posts news and promotions. Your email address will not be used for any other purpose, and you can unsubscribe at any time.

Shortcuts

Share

Category