29/08/2026
PRESS RELEASE
پيپلز پارٽي ھميشہ سنڌ کي نقصان ئي ڏنو آھي.
ٻٽو بلدياتي نظام آڻڻ ۽ سنڌ جي پاڻيءَ تي ڌاڙي ۾ پي پي پي اڳيان اڳيان رھي آهي، ھاڻي سنڌ ۾ نوان صوبا ٺاھڻ جي رٿ تي سنڌ اسيمبليءَ ۾ بحث ڪرائڻ لاءِ آتا آھن. جڏھن ته ساڳي اسيمبليءَ مان ھن سال ئي نون صوبن خلاف قرارداد منظور ٿيل آھي. پي پي پي جي صدر نثار کھڙو کي اھڙِي مھملي جي رٿ پيش ڪرڻ وقت سنڌ سان ڪجھ نمڪ حلالي جو سوچڻ گھرجي ھا، پر نه پي پي پي اڪثر پنهنجي آقائن کي خوش ڪرڻ جا جتن ڪيا آھن. ان ۾ سنڌ ۽ سنڌي قوم جو ڪيترو نقصان ٿئي ٿو ان جو پي پي پي سان ڪو واسطو ناھي.
2024 ۾ انڊس رور بيسن مان غير آئيني طور صدر آصف زرداري نون ڪينال ٺاھڻ جو منصوبو پاس ڪري سنڌ جي معيشت، تھذيب ۾ انڊس ڊيلٽا کي برباد ڪرڻ جو پروانو جاري ڪيو. پر سنڌ جي محب وطن ھارين، وڪيلن، شاگردن، عورتن گڏجي ان منصوبي کي پوئتي ڌڪي ڇڏيو.
پيپلزپارٽي پنهنجي ڪارن ڪرتوتن ۽ ڪرپشن کي لڪائڻ لاءِ سنڌ جا سڀ معاشي وسيلا لکي ڏنا آھن، ھاڻ سنڌ کي ورھائڻ جي سازش ۾ شامل آھي جنھن جو تازو مثال ھي مھملي واري رٿ پيش ڪري ايم ڪيو ايم کي موقعو فراھم ڪرڻ آھي ته ھو سنڌ کي ورھائڻ لاءِ آزادي سان بحث ڪن، جڏھن ته ڪي پي ڪي توڙي سنڌ اسيمبلي صوبن ورھائڻ خلاف قراردادون منظور ڪري چڪيون آھن.
سنڌ يونائيٽيڊ پارٽي واضع ڪري ٿي ته سنڌ 1943 ۾ پاس ٿيل قرارداد جيڪا 1940 واري قرارداد لاھور جي روشني ۾ ھئي ان تحت ھن ملڪ ۾ شامل ٿي ھئي ۽ ان تحت ئي امن، ڀائيچاري ۽ برابري سان رھي سگھجي ٿو، جيڪا ڳالھ سنڌ ۾ رھندڙ اردو ڳالھائيندڙ کي به سمجھڻ گھرجي. سنڌ ھڪ تاريخي وطن آھي ان جي ورھاست ناممڪن آھي.
سنڌ توڙي ملڪ جي ترقي ڀائيچاري، انصاف ۽ امن سان ئي ممڪن آھي.
سنڌ يونائيٽيڊ پارٽيء جو موقف آهي ته صوبن جي ورھاست جون ڳالھيون ڪندڙ ھن ملڪ جا سڄڻ ناھن انھن کي اھڙو راڳ بند ڪرڻ گھرجي ۽ سنڌ جي وحدت، وسيلن ۽ پاڻيءَ جي بچاء لاءِ سنڌ يونائيٽيڊ پارٽي اڳ به ميدان ۾ ھئي ھاڻ به سنڌ واسين کي اپيل ٿا ڪريون ته سنڌ خلاف ٿيندڙ منصوبن کي رد ڪريو ۽ اسان جو ساٿ ڏيو.
رمضان ٻرڙو | ترجمان | سنڌ يونائيٽيڊ پارٽي
