17/09/2022
ضلعی انتظامیہ خیبر
ضلعی انتظامیہ خیبر کا منشیات کے عادی افراد کیخلاف کریک ڈاون کا اغاز
جمرود کے مختلف علاقوں میں 150 سے زائد منشیات کے عادی افراد پشاور کے فلاحی مراکز منتقل۔ شاہ فہد ڈپٹی کمشنر خیبر
کمشنر پشاور ریاض خان کی ہدایت پر ڈپٹی کمشنر خیبر شاہ فہد کی زیرنگرانی اج بروز ہفتہ نشئیوں کیخلاف اپریشن کیا اغاز کیا گیا جس میں ایڈیشنل ڈپٹی کمشنر حامد خان بونیرے، ایڈیشنل ڈپٹی کمشنر ریلیف نعمان علی شاہ، ضلعی سربراہ محکمہ صحت ڈاکٹر ظفر علی خان، سپرنٹنڈنٹ اف پولیس عبد السلام خالد، اسسٹنٹ کمشنر جمرود شکیل احمد، ایڈیشنل اسسٹنٹ کمشنر انجینئر احسن طاہر،ضلعی سربراہ سوشل ویلفئیر اجلال نعیم خان،ڈی ایس پی نواز خان، تحصیلدار بلال خٹک، تحصیلدار تیمور خان، سمیت ریسکیو 1122 خیبر اور خیبر پولیس کے جوانوں نے حصہ لیا۔اپریشن کے دوران 150 سے زائد نشے کے عادی افراد کو تحویل میں لیکر پشاور کے بحالی مراکز منتقل کردیا گیا ہے۔ اپریشن کا اغاز جمرود کے علاقے غنڈی، شاہ کس،تختہ بیگ، ٹیڈی بازار، وزیر ڈھنڈ اور دیگر علاقوں میں کیا گیا۔منشیات کے عادی افراد کیخلاف مختلف علاقوں میں کارروائیاں جاری رہے گی جس میں منشیات کے عادی افراد کو بحالی سنٹرز منتقل کیا جارہا ہے۔ڈپٹی کمشنر خیبر شاہ فہد کے مطابق منشیات کے عادی افراد کی خاندان سے رابطہ کیا جا رہا ہے۔فلاحی مراکز میں ان افراد کا مفت علاج کیا جائے گا تاکہ وہ نشہ آور اشیاء کو ترک کر کے باعزت شہری کی طرح معاشرے میں زندگی گزار سکیں۔ڈپٹی کمشنر خیبر شاہ فہد اس مہم کی خود نگرانی کررہے ہے تاکہ ضلع خیبر کو نشیئوں سے خالی کیا جاسکیں۔
میڈیا سیل ڈپٹی کمشنر افس خیبر
