09/08/2026
پیپلز پارٹی ضلع خوشاب کا ماہانہ اجلاس، بلدیاتی انتخابات کی تیاری تیز کرنے کا فیصلہ
خوشاب (پ ر) پاکستان پیپلز پارٹی ضلع خوشاب کا ماہانہ ضلعی ایگزیکٹو اجلاس ملک جاوید اعوان کی رہائش گاہ کھوڑہ میں منعقد ہوا۔ اجلاس کی صدارت ضلعی صدر ملک محمد علی ساول اعوان نے کی، جبکہ سابق وفاقی وزیر، رکن سنٹرل ایگزیکٹو کمیٹی اور صدر پیپلز پارٹی سرگودھا ڈویژن جناب تسنیم احمد قریشی مہمانِ خصوصی تھے۔
اجلاس میں ضلعی و تحصیلی عہدیداران، میونسپل کمیٹیوں، پیپلز یوتھ آرگنائزیشن، پیپلز اسٹوڈنٹس فیڈریشن اور دیگر الائیڈ ونگز کے عہدیداران نے شرکت کی۔ ضلعی جنرل سیکرٹری ملک عبدالباسط راجڑ نے ایجنڈے اور تنظیمی امور پر بریفنگ دی۔
اجلاس میں تنظیمی امور، سنٹرل پنجاب کی سیاسی صورتحال، حالیہ آزاد جموں و کشمیر انتخابات، انفارمیشن بیورو کی سرگرمیوں اور خصوصاً پنجاب میں آئندہ بلدیاتی انتخابات کی تیاریوں پر تفصیلی گفتگو ہوئی۔
شرکاء نے فیصلہ کیا کہ ضلع خوشاب میں پارٹی کی سیاسی، تنظیمی اور انتخابی تیاریوں کو تیز کیا جائے گا، تنظیموں کو گراس روٹ لیول تک فعال کیا جائے گا، کارکنوں سے رابطے بڑھائے جائیں گے اور عوامی رابطہ مہم کو مزید مؤثر بنایا جائے گا۔
تسنیم احمد قریشی نے کہا کہ مضبوط تنظیم، متحرک کارکن اور عوام سے مسلسل رابطہ سیاسی کامیابی کی بنیاد ہیں۔
ملک محمد علی ساول اعوان نے کہا کہ بلدیاتی انتخابات کے لیے ضلعی، تحصیلی اور مقامی سطح پر پارٹی کو منظم اور متحرک کیا جائے گا۔
اجلاس میں انفارمیشن بیورو سنٹرل پنجاب کی ہدایات اور سوشل میڈیا سرگرمیوں کا بھی جائزہ لیا گیا۔ جشنِ آزادی کی مناسبت سے کیک کاٹا گیا اور پاکستان کی سلامتی و خوشحالی کے لیے دعا کی گئی۔
جاری کردہ:
غلام اکبر بھٹی
سیکرٹری اطلاعات، پاکستان پیپلز پارٹی ضلع خوشاب
