Khushab Police

04/06/2026

04/06/2026

السلام علیکم! صبح بخیر
نوجوانوں کے تحفظ کے لیے ایک جدید قدم۔
وزیراعلیٰ پنجاب مریم نواز شریف کے یوتھ وژن کے تحت پنجاب سیف سٹیز اتھارٹی نے PSCA نیکسٹ جن سیفٹی ایپ متعارف کروا دی ہے۔ یہ اسمارٹ ایپ نوجوانوں کو ہنگامی صورتحال میں فوری مدد، پیشہ ورانہ رہنمائی اور مختلف حفاظتی سہولیات تک آسان رسائی فراہم کرتی ہے۔
اب تحفظ، رہنمائی اور مدد صرف ایک ایپ کے فاصلے پر۔

https://play.google.com/store/apps/details?id=com.psca.ppic3.nextgensafety&pcampaignid=web_share

03/06/2026

*پریس ریلیز*

*ڈی پی او خوشاب ڈاکٹر عمارہ شیرازی کی خصوصی ہدایات پر ضلع خوشاب میں جدید ٹریفک مینجمنٹ نظام کے تحت سیف سٹی کا ای چالان سسٹم کا باقاعدہ آغاز کر دیا گیا۔*

اس سلسلہ میں ڈی ایس پی ٹریفک خوشاب، انچارج سیف سٹی خوشاب اور پی آر او ٹو ڈی پی او خوشاب نے مشترکہ پریس کانفرنس کرتے ہوئے میڈیا نمائندگان کو بریفنگ دی۔ پریس کانفرنس کے دوران بتایا گیا کہ جدید ٹیکنالوجی کے استعمال سے ٹریفک قوانین کی خلاف ورزیوں کی مؤثر نگرانی کی جائے گی جبکہ شہریوں کو شفاف اور منظم نظام کے تحت ای چالان جاری کیے جائیں گے۔

افسران کا کہنا تھا کہ سیف سٹی کیمروں کے ذریعے ٹریفک قوانین کی خلاف ورزی کرنے والی گاڑیوں کی نشاندہی کی جائے گی اور متعلقہ افراد کو ای چالان جاری کیے جائیں گے۔ اس اقدام کا مقصد ٹریفک کے نظام کو بہتر بنانا، شہریوں میں قوانین کی پاسداری کا شعور اجاگر کرنا اور حادثات کی روک تھام کو یقینی بنانا ہے۔

جدید ٹیکنالوجی کا استعمال وقت کی اہم ضرورت ہے اور خوشاب پولیس شہریوں کو محفوظ اور بہتر ٹریفک ماحول فراہم کرنے کے لیے ہر ممکن اقدامات کر رہی ہے۔ انہوں نے شہریوں سے اپیل کی کہ وہ ٹریفک قوانین کی پابندی کو یقینی بنائیں اور ذمہ دار شہری ہونے کا ثبوت دیں۔

*ترجمان خوشاب پولیس*