11/07/2026
ٹریفک پولیس جھنگ
مورخہ 11 جولائی 2026
حکومتِ پنجاب اور ڈپٹی انسپکٹر جنرل آف پولیس ٹریفک پنجاب، محمد وقاص نذیر کے احکامات پر،
ڈسٹرکٹ ٹریفک آفیسر جھنگ سعید اختر دھولکہ کی خصوصی ہدایات پر،
ٹریفک پولیس جھنگ کی جانب سے ضلع بھر میں ٹریفک قوانین کی پاسداری اور حادثات کے تدارک کے لیے ٹریفک آگاہی مہم جاری ہے۔
اسی سلسلے میں انچارج ایجوکیشن ونگ ٹریفک پولیس جھنگ، محسن اقبال نے پبلک ٹرانسپورٹ کے اڈوں اور مختلف شاہراہوں پر پبلک سروس گاڑیوں کے ڈرائیورز، کنڈکٹرز اور مسافروں کو روڈ سیفٹی اور ٹریفک قوانین کے بارے میں تفصیلی بریفنگ دی۔
ڈرائیور حضرات سڑکوں پر مسافر گاڑی کی رفتار ہمیشہ قابو میں رکھیں، بغیر PSV ڈرائیونگ لائسنس گاڑی ہرگز نہ چلائیں، دورانِ سفر مسافروں سے اخلاق اور احترام سے پیش آئیں، گاڑیوں میں گنجائش سے زیادہ مسافر یا سامان لوڈ نہ کریں اور نہ ہی مسافروں سے مقررہ کرایوں سے زائد کرایہ وصول کریں، ہمیشہ اپنی مخصوص لین میں گاڑی چلائیں، گاڑی کے ٹائر، بریک اور لائٹس کو سفر پر نکلنے سے پہلے لازمی چیک کریں اور چھتوں پر مسافر بٹھانے سے گریز کریں، ہمیشہ ٹریفک رولز کو فالو کریں۔
محفوظ سفر-محفوظ زندگی
🚔ٹریفک پولیس جھنگ
