04/06/2026
آج ہمارے ٹی بی ایس کے پاس ایک معاملہ ہوا، جس میں پورے علاقے کے سینکڑوں لوگ جمع تھے۔ یہاں کچھ لوگ گیس کے کنکشن حاصل کر رہے تھے۔ میں ان کنکشنز کے خلاف نہیں ہوں، کیونکہ وہ بھی ہمارے بھائی ہیں، وہ بھی انہی آبادیوں میں رہتے ہیں، وہ بھی انسان ہیں۔
لیکن دکھ اس بات کا ہے کہ ہم چار سال سے اس سسٹم کے لیے دوڑ رہے ہیں، سکندر حیات بھائی اور عبدالقیوم بھائی ، اور اس دوران کسی نے ہمارا ساتھ نہیں دیا۔ الحمدللہ ہمارے ٹی بی ایس کے معاملات حل ہو گئے ہیں، اور کنکشن بھی لگ گیا، لیکن آج پورا ہمارا علاقہ گیس جیسی بنیادی سہولت سے محروم ہے۔
یہ مسئلہ صرف کنکشن کا نہیں، بلکہ پہلے موجودہ لائنوں اور سسٹم کا ہے۔ اگر ہمارا علاقہ مکمل طور پر گیس فراہم ہو جائے، یعنی ہمارے تمام پرانے اور جاری معاملات حل ہو جائیں، تو پھر نئے کنکشن دینے میں کوئی اعتراض نہیں۔ لیکن اس وقت، جب ہمارے علاقے کو بنیادی سہولت ہی نہیں مل رہی، کسی اور علاقے کو کنکشن دینا ہمیں دکھ دیتا ہے۔
میں آج بھی، کل بھی، اور ہمیشہ اس اصول پر کھڑا رہوں گا کہ پہلے سسٹم کو درست کریں، پہلے پرانے مسائل حل کریں، اور پھر نئے کنکشنز دیے جائیں۔ یہ بات ہمارا حق ہے اور ہماری ذمہ داری بھی کہ ہم اپنے پورے علاقے کے حقوق کے لیے آواز بلند کریں۔
