06/03/2026
جماعت اسلامی پاکستان کے تحت ایران سے اظہارِ یکجہتی اور اسرائیل و امریکہ کے ایران پر حملوں کے خلاف پاکستان بھر میں احتجاجی مظاہرے۔
نوجوانوں سمیت لاکھوں افراد نے امیر جماعت اسلامی پاکستان حافظ نعیم الرحمٰن کی اپیل پر اسلام آباد،تمام صوبائی ہیڈکوارٹرز اور ڈسٹرکٹ ہیڈ کوارٹرز پر پُرامن مظاہروں میں حصہ لیا۔ اور ایران کے عوام، حکومت کے ساتھ اظہارِ یکجہتی اور ایران پر اسرائیل و امریکی جارحیت کی شدید مذمت کی۔
امیر جماعت اسلامی پاکستان حافظ نعیم الرحمٰن نے سکھر میں ایک بڑے اجتماع سے خطاب میں امریکہ، اسرائیل اور بھارت کو تثلیث خبیثہ قرار دیا،جن کی شیطانی کارروائیوں کے باعث دنیا بھر میں مسلمانوں کا خون بہایا جا رہا ہے۔ حافظ نعیم الرحمٰن نے معصوم انسانوں کے خون کے پیاسے امریکی صدرٹرمپ کو امن کے نوبل انعام کے لیے نامزد کرنے کی مذمت کرتے ہوۓ حکومتِ پاکستان سے نام نہاد بورڈ آف پیس سے علیحدہ ہونے کا مطالبہ کیا۔
