MSF - District Korangi Official

27/02/2026

پاکستان مسلم لیگ فنکشنل ضلع کورنگی کے مرکزی آفس میں ایک بھرپور، ولولہ انگیز اور جارحانہ تنظیمی اجلاس منعقد کیا گیا جس میں واضح پیغام دیا گیا کہ ضلع کورنگی میں اب سیاسی میدان خالی نہیں چھوڑا جائے گا۔

اجلاس کی صدارت تنویر چوہدری صدر ضلع کورنگی نے کی۔ اس موقع پر سابق ڈی ایس پی اسلم جوئیہ، سابق سیکٹر انچارج طارق انصاری، محمّد توقیر اور ان کے ساتھیوں نے بھی اجلاس میں خصوصی شرکت کی۔ مسلم لیگ فنکشنل کے ذمہ داران و اجلاس کے شرکاء نے نئے ساتھیوں کا پُرجوش استقبال کیا اور اس عزم کا اظہار کیا کہ ضلع کورنگی میں تنظیم کو ناقابلِ شکست قوت بنایا جائے گا۔

اجلاس میں سیکرٹری اطلاعات انجنیئر ملک شاہ زین، صدر لیبر ونگ ضلع کورنگی منظور جانوری، رابطہ سیکرٹری محمد علی، نائب صدورز رانا اسلم، معروف چشتی، سید عظیم، فصیح الدین، سعد عزیزی, محمّد عمران، شہزاد بگٹی لیبر ونگ اور دیگر ضلعی و پی ایس ذمہ داران نے شرکت کی اور دوٹوک انداز میں کہا کہ اب عوامی مسائل پر خاموشی نہیں بلکہ بھرپور اپوزیشن کا رول ادا کیا جائے گا۔

اسلم جوئیہ نے خطاب کرتے ہوئے کہا کہ کارکنان ہمارا اصل سرمایہ اور طاقت ہیں، اور جو لوگ عوام کو نظرانداز کر رہے ہیں انہیں میدان میں جواب دیا جائے گا۔ انہوں نے کہا کہ ضلع کورنگی میں حقیقی عوامی سیاست کا آغاز ہوچکا ہے۔

طارق انصاری نے کہا کہ قوم کو کمزور اور مفاد پرست قیادت نہیں بلکہ جرات مند اور باصلاحیت نوجوان قیادت کی ضرورت ہے۔ مسلم لیگ فنکشنل ہر قومیت اور ہر مکتبہ فکر کے لوگوں کو ساتھ لے کر چلنے والی جماعت ہے اور یہی اتحاد مخالفین کے لیے سب سے بڑا چیلنج ہے۔

منظور جانوری اور انجنیئر ملک شاہ زین نے کہا کہ پارٹی سربراہ پیر صاحب پگارا کے خاندان نے پاکستان کے لیے جو لازوال قربانیاں دی ہیں وہ تاریخ کا روشن باب ہیں۔ انہوں نے واضح اعلان کیا کہ مسلم لیگ فنکشنل کسی مصلحت کی سیاست نہیں کرتی، بلکہ نظریۂ پاکستان، افواجِ پاکستان اور قومی سلامتی کے دفاع میں ہمیشہ صفِ اول میں کھڑی رہی ہے اور آئندہ بھی ہر محاذ پر ڈٹ کر مقابلہ کرے گی۔

جاریکردہ!
انجنیئر ملک شاہ زین
انفارمیشن سیکرٹری ضلع کورنگی
پاکستان مسلم لیگ فنکشنل

06/02/2026

ارجنٹ ٹکرز/ سیکرٹری اطلاعات انجنیئر ملک شاہ زین
پاکستان مسلم لیگ فنکشنل ضلع کورنگی

سندھ انوائرنمنٹ پروٹیکشن ایجنسی کورنگی کی کارکردگی صرف بیانات تک محدود، عملی اقدامات ناپید۔ انجنیئر ملک شاہ زین*

*گتہ کارخانہ میں فائر اینڈ سیفٹی کا نظام موجود نہیں، سول ڈیفینس اور ضلعی انتظامیہ غفلت برتنے والوں کے خلاف قانونی کارروائی کریں۔ انجنیئر ملک شاہ زین*

کورنگی انڈسٹریل ایریا سیکٹر 24، گیٹز فارما کے سامنے واقع گلی میں قائم گتہ (کارڈ بورڈ) کارخانہ علاقے کے ماحولیاتی نظام کو شدید نقصان پہنچا رہا ہے، مگر افسوسناک امر یہ ہے کہ سندھ انوائرنمنٹ پروٹیکشن ایجنسی کورنگی مکمل خاموشی اختیار کیے ہوئے ہے۔

اس گتہ کارخانے میں فائر اینڈ سیفٹی کا کوئی مؤثر نظام موجود نہیں، جس کے باعث کسی بھی وقت ایک بڑا اور المناک حادثہ رونما ہونے کا شدید خدشہ ہے۔ لکڑی، گتہ اور بوائلر میں استعمال ہونے والا آتش گیر ایندھن کھلے عام رکھا گیا ہے، جو نہ صرف مزدوروں بلکہ اطراف میں رہنے والے شہریوں کی جانوں کے لیے بھی سنگین خطرہ بن چکا ہے۔

انتظامیہ کی کھلی غفلت کا عالم یہ ہے کہ کارخانہ مالکان نے سڑک پر میٹریل رکھ کر عوامی روڈ مکمل طور پر بند کر دی ہے، جس کے باعث کسی بھی ایمرجنسی کی صورت میں ایمبولینس، فائر بریگیڈ یا دیگر ہنگامی اداروں کی بروقت رسائی ناممکن ہو چکی ہے۔ کسی حادثے یا آگ لگنے کی صورت میں یہ بند سڑک قیمتی انسانی جانوں کے ضیاع کا سبب بن سکتی ہے، جس کی تمام تر ذمہ داری متعلقہ اداروں پر عائد ہوگی۔

سندھ حکومت اور اعلیٰ حکام سے مطالبہ کرتا ہوں کہ فوری طور پر اس گتہ کارخانے کے خلاف سخت کارروائی کی جائے، فائر اینڈ سیفٹی قوانین پر عملدرآمد یقینی بنایا جائے، سڑک کو فوری طور پر بحال کیا جائے اور ذمہ دار افسران کی غفلت کا سخت نوٹس لیا جائے۔ اگر عوام کی جان و مال کا تحفظ ریاست کی ذمہ داری ہے تو پھر یہ مجرمانہ خاموشی ناقابلِ قبول ہے۔

05/02/2026

سندھ سالڈ ویسٹ مینیجمنٹ کورنگی کی غفلت نہیں، منظم بدعنوانی ہے, برساتی نالے بند، عوام زیرِ عذاب۔ انجنیئر ملک شاہ زین!

پاکستان مسلم لیگ فنکشنل ضلع کورنگی کے سیکرٹری اطلاعات انجنیئر ملک شاہ زین نے کہا ہے کہ سندھ سالڈ ویسٹ مینیجمنٹ کورنگی صفائی جیسے بنیادی فریضے کو بھول کر برساتی نالوں کو بند کرنے کے عمل میں براہِ راست ملوث ہے، جو واضح طور پر عوام دشمن پالیسی اور مجرمانہ فعل ہے۔

سالڈ ویسٹ کورنگی کی سرکاری گاڑیاں اور وسائل کھلے عام پرائیویٹ مقاصد کے لیے استعمال ہو رہے ہیں اور انہی کے ذریعے برساتی نالوں کو مٹی اور کچرے سے بھر کر بند کیا جا رہا ہے، جس کے نتیجے میں مون سون کے دوران کورنگی کے عوام کو ڈوبنے پر مجبور کیا جاتا رہا ہے۔

انجنیئر ملک شاہ زین نے مذمّتی بیان میں کہا کہ سندھ سالڈ ویسٹ مینیجمنٹ کورنگی گھر گھر سے کچرا اٹھانے میں مکمل طور پر ناکام ہو چکی ہے۔ عوامی خدمت کے وقت وسائل اور اختیارات کی کمی کا بہانہ بنایا جاتا ہے، مگر پرائیویٹ کاموں میں یہی ادارہ پوری طاقت اور مشینری کے ساتھ سرگرم نظر آتا ہے، یہ کھلی ناانصافی اور عوام کے ساتھ سنگین دھوکہ ہے۔

اانجنیئر ملک شاہ زین نے مطالبہ کیا کہ میئر کراچی، کمشنر کراچی، ڈپٹی کمشنر کورنگی، اسسٹنٹ کمشنر کورنگی اور ڈپٹی ڈائریکٹر سندھ سالڈ ویسٹ مینیجمنٹ ضلع کورنگی فوری نوٹس لیتے ہوئے ذمہ دار افسران اور عملے کے خلاف سخت قانونی کارروائی کریں، سرکاری وسائل کے غلط استعمال کی مکمل تحقیقات کروائیں اور ملوث عناصر کو نشانِ عبرت بنایا جائے۔

05/02/2026

5 فروری یومِ یکجہتیٔ کشمیر!

پاکستان مسلم لیگ فنکشنل ضلع کورنگی کے صدر تنویر چوہدری اور سیکرٹری اطلاعات انجنیئر ملک شاہ زین نے یومِ یکجہتیٔ کشمیر کے موقع پر اپنے مشترکہ پیغام میں کہا ہے کہ 5 فروری محض ایک دن نہیں بلکہ کشمیری عوام کے ساتھ ہمارے غیرمتزلزل عزم، درد، ہمدردی اور یکجہتی کا عملی اظہار ہے۔

مقبوضہ جموں و کشمیر میں بھارتی افواج کی جانب سے جاری ظلم، جبر، قتلِ عام، جبری گمشدگیاں اور انسانی حقوق کی بدترین پامالیاں پوری دنیا کے ضمیر پر ایک کھلا سوالیہ نشان ہیں۔ نہتے کشمیری مرد، خواتین، بزرگ اور معصوم بچے آج بھی آزادی کی قیمت اپنے خون سے ادا کر رہے ہیں۔

کشمیری عوام کی یہ قربانیاں ہرگز رائیگاں نہیں جائیں گی۔ پاکستان کا ہر باشعور شہری کشمیری بھائیوں اور بہنوں کے درد کو اپنا درد سمجھتا ہے اور ان کے شانہ بشانہ کھڑا ہے۔ ہم عالمی ضمیر سے مطالبہ کرتے ہیں کہ وہ خاموشی توڑے اور بھارتی مظالم کا نوٹس لے۔

پاکستان مسلم لیگ فنکشنل کے رہنماؤں نے دعا کی کہ اللہ تعالیٰ مقبوضہ جموں و کشمیر کے مظلوم عوام کے زخموں پر مرہم رکھے، ان کے صبر کو طاقت عطا فرمائے، اور انہیں جلد آزادی، انصاف اور حقِ خودارادیت نصیب فرمائے۔

*کشمیر کی آزادی تک ہماری جدوجہد جاری رہے گی۔کشمیر بنے گا پاکستان 🇵🇰*

01/02/2026

سندھ کی تباہی کی سب سے بڑی وجہ کرپشن ہے۔

اب مزید خاموشی نہیں ہم احتساب اور ایماندار قیادت کا مطالبہ کرتے ہیں۔

میں کرپشن کے خلاف، عوام کے حقوق کے لیے، اور سندھ کے مستقبل کے لیے کھڑا ہوں۔

25/01/2026

*عوام کے بنیادی حقوق، جان و مال کے تحفظ اور انصاف کی فراہمی کے لیے آواز بلند کرنا ہمارا آئینی، جمہوری اور اخلاقی حق ہے۔ انجنیئر ملک شاہ زین*

*ہم پیر صاحب پگارا کے حر مجاہد ہیں، جو انتقامی کارروائیوں، دباؤ اور جھوٹے مقدمات سے خوفزدہ ہونے والے نہیں۔ انجنیئر ملک شاہ زین*

*گل پلازہ آتش زدگی سندھ حکومت، میئر کراچی اور ضلعی انتظامیہ کی نااہلی کا منہ بولتا ثبوت ہے۔ انجنیئر ملک شاہ زین*

پاکستان مسلم لیگ فنکشنل کے سیکرٹری اطلاعات ضلع کورنگی انجنیئر ملک شاہ زین نے کہا کہ گل پلازہ میں آتش زدگی نے شہر میں بلڈنگ کنٹرول، فائر سیفٹی اور ایمرجنسی رسپانس کے نظام کی قلعی کھول دی ہے، جس کی مکمل ذمہ داری سندھ حکومت، میئر کراچی اور ضلعی انتظامیہ پر عائد ہوتی ہے۔

عوام کے بنیادی حقوق، جان و مال کے تحفظ اور انصاف کی فراہمی کے لیے آواز بلند کرنا ہمارا آئینی، جمہوری اور اخلاقی حق ہے۔ اگر ایسے سانحات پر خاموشی اختیار کی گئی تو یہ نااہلی اور ظلم کو مزید تقویت دینے کے مترادف ہوگا، اور پاکستان مسلم لیگ فنکشنل کسی صورت اس مجرمانہ غفلت پر خاموش نہیں رہ سکتی۔

انجنیئر ملک شاہ زین نے کہا کہ ہم پیر صاحب پگارا کے حر مجاہد ہیں، جو انتقامی کارروائیوں، دباؤ اور جھوٹے مقدمات سے خوفزدہ ہونے والے نہیں۔ عوام کے حقوق کے لیے جدوجہد ہماری پہچان ہے اور ہم ہر فورم پر حق کی آواز بلند کرتے رہیں گے۔

انہوں نے واضح کیا کہ پیر صاحب پگارا کی مضبوط و اصولی قیادت،سندھ کے صدر یونس سائیں کی سربراہی اور سندھ کے جنرل سیکرٹری سردار عبدالرحیم کی زیرِ نگرانی پاکستان مسلم لیگ فنکشنل صوبے بھر میں عوامی مسائل کے حل، نااہل حکمرانوں کے احتساب اور انصاف کی بالادستی کے لیے بھرپور اور منظم جدوجہد کر رہی ہے، جو کسی بھی دباؤ کے باوجود جاری رہے گی۔

انجنیئر ملک شاہ زین نے مطالبہ کیا کہ گل پلازہ آتش زدگی کے واقعے کی فوری، شفاف اور غیرجانبدار تحقیقات کی جائیں، ذمہ دار عناصر کے خلاف سخت قانونی کارروائی عمل میں لائی جائے اور مستقبل میں ایسے المناک واقعات کی روک تھام کے لیے ٹھوس اور عملی اقدامات کیے جائیں تاکہ قیمتی انسانی جانوں کا تحفظ یقینی بنایا جا سکے۔

22/01/2026

سانحہ گُل پلازہ سندھ حکومت کی نااہلی، میئر کراچی کی بے حسی اور ضلعی انتظامیہ کی ناقص کارکردگی کا ثبوت ہے۔ تنویر چوہدری

گُل پلازہ کی آگ محض حادثہ نہیں بلکہ نظام کی مکمل ناکامی ہے۔ انجنیئر ملک شاہ زین

پاکستان مسلم لیگ فنکشنل سندھ کے جنرل سیکرٹری سردار عبدالرحیم کی ہدایت پر پاکستان مسلم لیگ فنکشنل ضلع کورنگی کے صدر تنویر چوہدری کے ہمراہ سیکرٹری اطلاعات ضلع کورنگی انجنیئر ملک شاہ زین نے سانحہ گُل پلازہ کے مقام کا دورہ کیا اور صورتحال کا تفصیلی جائزہ لیا۔

اس موقع پر میڈیا سے گفتگو کرتے ہوئے صدر ضلع کورنگی تنویر چوہدری نے سخت الفاظ میں کہا کہ سانحہ گُل پلازہ سندھ حکومت کی سنگین نااہلی، میئر کراچی کی مکمل بے حسی اور ضلعی انتظامیہ کی مجرمانہ غفلت کا براہِ راست نتیجہ ہے۔

اگر فائر سیفٹی کے قوانین محض فائلوں کی زینت بنے رہیں اور عملی نفاذ نہ ہو تو ایسے سانحات ناگزیر ہو جاتے ہیں۔

سیکرٹری اطلاعات انجنیئر ملک شاہ زین نے کہا کہ گُل پلازہ میں لگنے والی آگ کوئی حادثہ نہیں بلکہ ایک ناکام، کرپٹ اور بے رحم نظام کا شاخسانہ ہے۔

تنویر چوہدری نے حکومتی جماعت سے سوال کیا کہ آگ لگنے کی وجوہات بعد میں تلاش کی جائیں گی، لیکن اصل سوال یہ ہے کہ فائر سیفٹی کہاں تھی ایمرجنسی راستے بند کیوں تھے؟ اور ان قیمتی انسانی جانوں کے ضیاع کا ذمہ دار کون ہے؟

کراچی کی درجنوں کمرشل عمارتیں موت کے کنویں بن چکی ہیں، جہاں حفاظتی انتظامات کے نام پر صرف رشوت، چشم پوشی اور سرکاری خاموشی نظر آتی ہے۔ یہ رویہ شہریوں کی جانوں سے کھلا کھیل ہے۔

پاکستان مسلم لیگ فنکشنل کے رہنماؤں نے مذمتی بیان میں مطالبہ کیا کہ سانحہ گُل پلازہ میں جاں بحق اور متاثرہ افراد کو فوری اور شفاف انصاف فراہم کیا جائے،
فائر سیفٹی قوانین کی خلاف ورزی کے مرتکب گل پلازہ کی یونین، متعلقہ افسران اور اداروں کا تعین کر کے ان کے خلاف سخت ترین قانونی کارروائی کی جائے، اور مستقبل میں ایسے واقعات کی روک تھام کے لیے نمائشی اقدامات نہیں بلکہ عملی اصلاحات نافذ کی جائیں۔

تنویر چوہدری کا مزید کہنا تھا کہ اگر اس سانحے کو بھی روایتی فائل ورک اور بیانات کی نذر کیا گیا تو پاکستان مسلم لیگ فنکشنل عوام کے ساتھ سڑکوں سے ایوانوں تک بھرپور احتجاج اور جدوجہد کا حق محفوظ رکھتی ہے۔

20/01/2026

سابق ڈی ایس پی کورنگی اسلم جویا کی پاکستان مسلم لیگ فنکشنل میں شمولیت خوش آئند قرار۔ سردار عبدالرحیم

اسلم جویا کی شمولیت کا خیرمقدم کرتے ہیں، پارٹی میں ایسی شخصیات کی آمد عوامی سیاست کو مزید مضبوط کرے گی۔ سردار عبدالرحیم

پاکستان مسلم لیگ فنکشنل ضلع کورنگی کے صدر تنویر چوہدری کے ہمراہ سابق ڈی ایس پی کورنگی اسلم جویا، بزنس مین پاکستان توقیر عباس اور رسول خان کی پاکستان مسلم لیگ فنکشنل سندھ کے جنرل سیکرٹری و سیکرٹری اطلاعات جی ڈی اے سردار عبدالرحیم سے فنکشنل ہاؤس کراچی میں ملاقات۔ ملاقات کے دوران مجموعی سیاسی صورتحال، کراچی کے مسائل اور سندھ کے عوام کو درپیش چیلنجز پر تفصیلی تبادلۂ خیال کیا گیا۔

سردار عبدالرحیم نے کہا کہ اسلم جویا نے سندھ پولیس میں اپنی ذمہ داریاں دیانت داری، جرات اور عوام دوستی کے ساتھ انجام دیں، اور ہمیں یقین ہے کہ وہ مسلم لیگ فنکشنل کے پلیٹ فارم سے بھی عوام کے حقوق کے تحفظ اور مسائل کے حل کے لیے بھرپور کردار ادا کریں گے۔

اس موقع پر اسلم جویا نے کہا کہ وہ پیر صاحب پگارا کی ملک و قوم کے لیے خدمات اور یونس سائیں کی سندھ کے عوام کے حقوق کے لیے جدوجہد سے متاثر ہو کر اپنے ساتھیوں کے ہمراہ پاکستان مسلم لیگ فنکشنل میں شامل ہوئے ہیں۔

سردار عبدالرحیم نے کہا کہ تنویر چوہدری کی متحرک قیادت اور اسلم جویا کی شمولیت سے پاکستان مسلم لیگ فنکشنل ضلع کورنگی میں مزید مستحکم ہوگی، اور آنے والے دنوں میں ضلع کورنگی سمیت کراچی میں پارٹی کی سیاسی سرگرمیاں ایک نئی قوت کے ساتھ ابھر کر سامنے آئیں گی۔

ملاقات میں پاکستان مسلم لیگ فنکشنل ضلع کورنگی کے سیکرٹری اطلاعات انجنیئر ملک شاہ زین، ضلعی ممبران محمد علی خان، رانا اسلم، محمد فیض، گل حسن دشتی، کریم بخش، نوازش شیخ اور احمد ترین بھی موجود تھے۔

18/01/2026

کراچی الیکٹرک سماج دشمن کردار ادا کر رہی ہے، عوامی استحصال فوری بند کیا جائے۔ تنویر چوہدری!

پاکستان مسلم لیگ فنکشنل ضلع کورنگی کے صدر تنویر چوہدری نے کراچی الیکٹرک کے خلاف سخت الفاظ میں مذمتی بیان دیتے ہوئے کہا ہے کہ کراچی الیکٹرک عوام کے خون پسینے کی کمائی کو بھاری بلوں، ناجائز ٹیکسوں اور مختلف مدات کے نام پر بھتہ بنا کر وصول کر رہی ہے، لیکن اس کے باوجود شہریوں کو روزانہ 15 سے 16 گھنٹے کی اذیت ناک لوڈشیڈنگ کا سامنا کرنا پڑ رہا ہے، جو نہ صرف شرمناک بلکہ کھلی عوام دشمنی ہے۔

رمضان المبارک کی آمد میں محض ایک ماہ باقی ہے، ایسے مقدس مہینے سے قبل کراچی الیکٹرک کی جانب سے ظالمانہ لوڈشیڈنگ اس بات کا ثبوت ہے کہ ادارہ مکمل طور پر عوام دشمن پالیسی پر گامزن ہو چکا ہے۔

تنویر چوہدری نے خاص طور پر کورنگی اور لانڈھی کے علاقوں کا ذکر کرتے ہوئے کہا کہ یہاں کے مکین بدترین صورتحال سے دوچار ہیں۔ باقاعدگی سے بجلی کے بل ادا کرنے والے ایماندار صارفین کو سزا دی جا رہی ہے، جبکہ کنڈا مافیا اور بجلی چوری کرنے والوں کے خلاف مؤثر کارروائی کرنے کے بجائے انہیں کھلی چھوٹ دی جا رہی ہے۔

مزید تشویشناک امر یہ ہے کہ کراچی الیکٹرک کا بعض عملہ خود بھی بجلی چوری میں ملوث ہے، جس سے مسائل میں مزید اضافہ ہو رہا ہے۔
انہوں نے کہا کہ اس ناانصافی، لوڈشیڈنگ اور استحصالی رویے کے خلاف عوام میں شدید غم و غصہ پایا جاتا ہے۔ حالات یہاں تک پہنچ چکے ہیں کہ شہری احتجاج پر مجبور ہو رہے ہیں، اور اگر یہ ظلم بند نہ ہوا تو کراچی الیکٹرک کے دفاتر کے سامنے شدید عوامی احتجاج ناگزیر ہو جائے گا۔

صدر تنویر چوہدری نے کہا کہ بجلی کے بل ادا کرنے والی عوام کے ساتھ یہ کھلی ناانصافی کسی صورت قابلِ قبول نہیں۔ پاکستان مسلم لیگ فنکشنل عوام کے شانہ بشانہ کھڑی ہے اور ہر آئینی، قانونی اور عوامی فورم پر کراچی الیکٹرک کی اس ظالمانہ پالیسی کے خلاف بھرپور آواز بلند کرتی رہے گی۔

*جاریکردہ!*
*انجنیئر ملک شاہ زین*
*سیکرٹری اطلاعات ضلع کورنگی*
*پاکستان مسلم لیگ فنکشنل*

10/01/2026

ضلع کورنگی میں سیوریج نظام مکمل ناکام، گٹروں پر ڈھکن نہیں، مرکزی شاہراہیں دو فٹ پانی میں ڈوبی ہوئی ہے واٹر بورڈ کا عملہ بےحس، بے یارو مددگار۔ تنویر چوہدری

واٹر بورڈ اور سالڈ ویسٹ مینیجمنٹ عوامی خدمت کے بجائے سیاسی سرپرستی اور ذاتی مفادات میں مصروف، کھلے گٹر، کچرے کے ڈھیر اور وبائی امراض، کورنگی کے شہریوں کی زندگی اور صحت شدید خطرے میں۔ انجنیئر ملک شاہ زین

پاکستان مسلم لیگ فنکشنل ضلع کورنگی کے صدر تنویر چوہدری اور سیکرٹری اطلاعات انجنیئر ملک شاہ زین نے ضلع کورنگی کی بدترین بلدیاتی تباہ حالی پر شدید ردِعمل ظاہر کرتے ہوئے کہا ہے کہ کورنگی کو جان بوجھ کر کھلا گٹر، کچرا کنڈی اور بیماریوں کا مرکز بنایا گیا ہے، جہاں عوام کی جان و مال کی کوئی قدر نہیں رہی۔

ضلع کورنگی کا سیوریج نظام مکمل طور پر ناکام ہو چکا ہے، گٹروں پر ڈھکن غائب ہیں، اور مرکزی شاہراہیں دو دو فٹ گندے پانی میں ڈوبی ہوئی ہیں۔ یہ کوئی قدرتی آفت نہیں، بلکہ واٹر بورڈ، بلدیاتی اداروں اور سیاسی سرپرستی میں کرپشن کا واضح نتیجہ ہے، جو روزانہ کی بنیاد پر شہریوں کی زندگیاں نگل رہا ہے۔

تنویر چوہدری نے کہا کہ واٹر بورڈ کا عملہ سیاسی دباؤ میں کام کر رہا ہے، شکایات فائلوں میں دفن ہیں، فنڈز لوٹ مار اور بدعنوانی کی نذر ہو رہے ہیں، اور عوام کو کھلے گٹروں، تعفن اور گندگی کے درمیان جینے پر مجبور کیا جا رہا ہے۔ یہ محض نااہلی نہیں بلکہ عوام کے خلاف سنگین جرم ہے۔

سندھ سالڈ ویسٹ مینیجمنٹ کی کارکردگی بھی ایک شرمناک مذاق بن چکی ہے۔ گھر گھر سے کچرا اٹھانے کے دعوے جھوٹ ثابت ہو چکے ہیں، سرکاری گاڑیاں اور عملہ عوامی خدمت کے بجائے ذاتی اور پرائیویٹ کاموں میں مصروف ہیں، جبکہ پورا ضلع کچرے کے ڈھیروں اور وبائی امراض کی لپیٹ میں ہے۔

تنویر چوہدری اور انجنیئر ملک شاہ زین نے اپنے بیان میں واضح کہا کہ اگر میئر کراچی، وزیر بلدیات سندھ، واٹر بورڈ اور سالڈ ویسٹ مینیجمنٹ نے فوری اقدامات نہ کیے، کرپٹ افسران کے خلاف کارروائی نہ کی اور عوام کو ریلیف نہ دیا تو پاکستان مسلم لیگ فنکشنل پیر صاحب پگارا کی قیادت میں عوام کے ساتھ سڑکوں پر احتجاج اور عوامی تحریک شروع کرے گی، جس کی مکمل ذمہ داری نااہل حکمرانوں اور انتظامیہ پر ہوگی۔

کورنگی کے عوام کے بنیادی حقوق پر کوئی سمجھوتہ نہیں کیا جائے گا اور ظالم نظام کے خلاف جدوجہد آخری حد تک جاری رہے گی۔

08/09/2025

08/09/2025

پاکستان مسلم لیگ فنکشنل ضلع کورنگی کے صدر تنویر چودھری کا مین نالوں کی صفائی نہ ہونے پر شدید اظہار برہمی

کورنگی ٹاؤن اور لانڈھی ٹاؤن کو کھنڈرات میں تبدیل کرنے والے ٹاؤن چیئرمین صرف فوٹو سیشن اور سوشل میڈیا کی حد تک محدود ہیں، عوامی مسائل کے حل میں ان کی کوئی دلچسپی نہیں۔

تھوڑی سی بارش ہوتے ہی نالوں میں تغیانی جیسی صورتحال پیدا ہوجاتی ہے، نالوں کی صفائی نہ ہونا انتظامیہ کی ناکامی اور عوام کے ساتھ سنگین مذاق ہے۔

گزشتہ دنوں ہونے والی چند روز کی بارشوں نے ہی ان کی کارکردگی کا پول کھول دیا۔ کورنگی نمبر 2 کی مارکیٹ میں نالوں کی صفائی نہ ہونے کے باعث کاروباری طبقہ مفلوج ہوکر رہ گیا اور عوام کو شدید مشکلات کا سامنا کرنا پڑا۔

افسوس ہے کہ ٹاؤن چیئرمینز کورنگی اور لانڈھی عوامی مسائل کے حل کے بجائے صرف پیدا گیری اور سیاسی دکھاوے میں مصروف ہیں، جبکہ عوام گندے پانی اور کچرے کے ڈھیر میں زندگی گزارنے پر مجبور ہیں۔

پاکستان مسلم لیگ فنکشنل، پیر صاحب پگارا کی قیادت میں عوامی خدمت کے منشور پر قائم ہے اور ہر فورم پر عوام کے حقوق کی جنگ لڑتی رہے گی۔ حکومت اور بلدیاتی نمائندے ہوش کے ناخن لیں، ورنہ ہم عوامی احتجاج اور جدوجہد کو مزید تیز کرنے پر مجبور ہوں گے۔