27/05/2026
السلام و علیکم ورحمتہ اللہ
اَللّٰهُ أَكْبَرُ ، اَللّٰهُ أَكْبَرُ ، لَا إِلٰهَ إِلَّا اللّٰهُ وَاللّٰهُ أَكْبَرُ ، اَللّٰهُ أَكْبَرُ وَلِلّٰهِ الْحَمْدُ
آپ تمام اہلِ اسلام و اہلِ وطن کو دل کی گہرائیوں سے عید الاضحٰی مبارک ہو۔
حضرتِ علامہ اقبال رح فرماتے ہیں کہ:
غریب و سادہ و رنگین ہے داستانِ حرم
نہایت اس کی حسین، ابتدا ہے اسماعیل
اسلام ہمیں صرف عید الاضحٰی پر جانور کی قربانی کا درس نہیں دیتا بلکہ یہ عید ہمیں حضرت ابراہیمؑ و حضرت اسماعیلؑ کی عظیم قربانی کی یاد دلاتی ہے۔ اقبال کے فلسفے کے مطابق یہ محض ایک رسم نہیں بلکہ اطاعت، ایثار اور حق پرستی کی عملی تربیت ہے۔
اللہ تعالیٰ کو ہماری قربانیوں کی ضرورت نہیں، بلکہ اس کی بارگاہ میں ہمارا تقویٰ، نیت کی پاکیزگی اور اخلاص قبول ہوتا ہے۔ ہمیں چاہئے کہ جانور کی قربانی کے ساتھ ساتھ اپنے اندر سے انا، تکبر، غرور اور نفس کی خواہشات کی بھی قربانی دیں اور ہر حال میں حق و سچ کے راستے پر ثابت قدم رہیں۔
آج تقریباً تین سال کا عرصہ گزرنے کے باوجود سابق وزیراعظم پاکستان عمران خان، ان کی اہلیہ اور پاکستان تحریکِ انصاف کے متعدد قائدین و کارکنان مختلف مقدمات میں قید و بند کی صعوبتیں برداشت کر رہے ہیں۔ وہ اس آزمائش کے دور میں بھی عید سادگی اور صبر کے ساتھ گزار رہے ہیں۔ ان کی یہ جدوجہد اور قربانی پاکستان کی سیاسی تاریخ میں ایک نمایاں اور سنہری باب کی حیثیت رکھتی ہے۔
ہم ان تمام اسیرانِ راہِ حق کو خراجِ تحسین پیش کرتے ہیں اور دعا گو ہیں کہ اللہ تعالیٰ انہیں جلد رہائی، عزت اور کامیابی عطا فرمائے، اور پاکستان کو حقیقی آزادی، انصاف اور استحکام نصیب ہو۔آمین۔
محمد اریب صدیقی
