15/06/2026
کراچی، 15 جون 2026:
پی ایس 112 بلدیہ ٹاؤن کے نوجوانوں کے لیے بلدیہ ڈگری کالج سیکٹر 4E میں پاکستان آرمی کے زیرِ اہتمام خصوصی سلیکشن پروگرام کا انعقاد کیا گیا، جس میں بڑی تعداد میں نوجوانوں نے شرکت کرتے ہوئے پاکستان آرمی میں شمولیت کے لیے بھرتی کے عمل میں حصہ لیا۔
اس موقع پر رکن صوبائی اسمبلی حلقہ پی ایس 112 محمد آصف موسٰی نے کالج کا دورہ کیا اور پاکستان آرمی کے کرنل ذکی صاحب سمیت دیگر افسران سے ملاقات کی۔
چیئرمین یوسی 9 زیشان تنولی، وائس چیئرمین یوسی 8 فیصل موسٰی، سر ہدایت، سر شکیل، سر آصف و دیگر بھی ہمراہ
ایم پی اے آصف موسٰی نے نوجوانوں کے لیے اس اہم اقدام کو سراہتے ہوئے اسے علاقے کے نوجوانوں کے روشن مستقبل کے لیے ایک مثبت اور خوش آئند پیش رفت قرار دیا۔
بعد ازاں ایم پی اے آصف موسٰی نے سلیکشن کیمپ کا دورہ کیا اور بھرتی کے خواہشمند آئے ہوئے نوجوانوں سے ملاقات کی اور انکی حوصلہ افزائی کی۔
