27/08/2026
جيئي شاگرد سياست
جيئي شاگرد جدوجهد اتحاد
شاگرد جدوجهد اتحاد، سنڌ زرعي يونيورسٽي ٽنڊوڄام پاران يونيورسٽي انتظاميا جي شاگرد دشمن پاليسين، بنيادي سهولتن جي کوٽ ۽ شاگردن سان ٿيندڙ ناانصافين خلاف سومر جي ڏينهن صبح جو 10 وڳي احتجاجي ريلي ڪڍي ويندي.
سنڌ زرعي يونيورسٽي جي هر شاگرد ۽ شاگردياڻي کي خاص اپيل آهي:
پنهنجي حقن لاءِ خاموش نه رهو! پنهنجي مستقبل، پنهنجي تعليم ۽ پنهنجي يونيورسٽي جي بهتر ماحول لاءِ وڏي انگ ۾ ريلي جو حصو بڻجو.
يونيورسٽي انتظاميا شاگردن جي جائز مسئلن کي مسلسل نظرانداز ڪري رهي آهي. بنيادي سهولتن جي کوٽ، صاف پاڻي، بهتر هاسٽل، ٽرانسپورٽ، صحت، لائبريري ۽ تعليمي ماحول بابت شاگردن جا مطالبا بار بار سامهون آڻڻ باوجود انتظاميا سنجيدگي جو مظاهرو نه ڪيو آهي. شاگردن سان امتيازي سلوڪ، فيسن ۾ واڌ، غيرضروري پابنديون ۽ مسئلا حل ڪرڻ بدران دٻاءُ وجهڻ واري روش ناقابلِ قبول آهي.
ٽنڊوڄام جي سمورن صحافي ڀائرن، ميڊيا نمائندن ۽ وڪيل دوستن کي پڻ دعوت ڏجي ٿي ته هن پرامن احتجاج ۾ شرڪت ڪري شاگردن جي جائز مسئلن ۽ مطالبن کي عوام تائين پهچائڻ ۾ پنهنجو ڪردار ادا ڪن.
جيئي شاگرد جدوجهد اتحاد
سنڌ زرعي يونيورسٽي ٽنڊوڄام
