DEO M KOHAT

04/06/2026

آج ایس ڈی ای او جناب ڈاکٹر ظاہر الرحمن صاحب نے اے ایس ڈی ای او طارق محمود کے ہمراہ گورنمنٹ پرائمری سکول حکیم آباد، جی پی ایس شاہ آباد جرما، جی پی ایس بانڈہ موسم خان، جی پی ایس نمبر 1 ڈھوڈہ، جی پی ایس نمبر 1 شادی خیل اور جی پی ایس داؤد خیل کا دورہ کیا۔
دورے کے دوران اساتذہ کی حاضری، سکول عمارتوں کی عمومی حالت، تعلیمی ماحول اور پی ٹی سی ریکارڈ کا تفصیلی جائزہ لیا گیا۔ اس موقع پر سکولوں میں جاری تعلیمی سرگرمیوں کو سراہتے ہوئے اداروں کی مزید بہتری، طلبہ کے لیے بہتر تعلیمی سہولیات کی فراہمی اور سکول ماحول کو مزید مؤثر بنانے کے لیے مفید تجاویز بھی پیش کی گئیں۔
معیاری تعلیم، مؤثر نگرانی اور مسلسل رہنمائی ہی تعلیمی اداروں کی ترقی اور طلبہ کے روشن مستقبل کی ضمانت ہے۔ ہم سب کی مشترکہ کاوشیں ایک بہتر اور مضبوط تعلیمی نظام کے قیام میں اہم کردار ادا کریں گی۔

04/06/2026

🚨📍🚨📍

03/06/2026

ڈسٹرکٹ ایجوکیشن آفیسر (DEO) کوہاٹ، ظہور خان صاحب کی خصوصی ہدایات اور گڈ گورننس (Good Governance) کے وژن کے تحت، سب ڈویژنل ایجوکیشن آفیسر (SDEO) کوہاٹ ڈاکٹر ظاہر الرحمن صاحب نے دور دراز علاقوں کے تعلیمی نظام اور اسکولوں کی کارکردگی کا جائزہ لینے کے لیے اچانک دورہ کیا۔
اس سلسلے میں انہوں نے دور افتادہ اور پس ماندہ علاقوں کا رخ کیا اور گورنمنٹ پرائمری اسکول مرائی پایاں اور گورنمنٹ پرائمری اسکول حاجی آباد مرائی بالا کا تفصیلی دورہ کیا۔
دورے کے دوران سکولوں میں طلبہ کی حاضری کا باریک بینی سے جائزہ لیا گیا اور ہدایت کی گئی کہ حاضری کے تناسب کو سو فیصد تک لانے کے لیے اساتذہ، والدین کے ساتھ مسلسل رابطے میں رہیں۔
کلاس رومز اور اسکول کے ماحول میں صفائی کے معیار کو چیک کیا گیا۔ اساتذہ اور بچوں کو روزانہ کی بنیاد پر صفائی کا خاص خیال رکھنے اور ایک صحت مند تعلیمی ماحول برقرار رکھنے کی سخت ہدایات جاری کی گئیں۔
سکولوں کے پی ٹی سی (PTC) فنڈز کے ریکارڈ کا تفصیلی معائنہ کیا گیا۔ دورے کے دوران فنڈز کے شفاف اور مروجہ قوانین کے مطابق استعمال کو یقینی بنانے کے لیے موقع پر موجود اسٹاف کو اہم گائیڈ لائنز دی گئیں، تاکہ اسکول کی بنیادی ضروریات کو بروقت اور بہتر طریقے سے پورا کیا جا سکے۔
اسی دوران سکول میں موجود گروپ لیٹرینز کا بھی معائنہ کیا گیا اور متعلقہ اسٹاف کو ہدایت کی گئی کہ پی ٹی سی فنڈز کے ذریعے ان کی فوری مرمت اور صفائی کو یقینی بنایا جائے تاکہ بچوں کو صحت و صفائی کی بہترین سہولیات میسر ہوں۔
ایس ڈی ای او صاحب کا کہنا تھا کہ ڈی ای او کوہاٹ ظہور خان صاحب کے احکامات کی روشنی میں دور دراز کے سکولوں میں تعلیمی معیار پر کوئی سمجھوتہ نہیں کیا جائے گا اور گڈ گورننس کے تحت ایسے سرپرائز وزٹس کا سلسلہ مستقبل میں بھی جاری رہے گا۔

03/06/2026

السلام عليكم🚨📍🚨📍
تمام پرنسپلز / ہیڈماسٹرز / انچارج GHSS/GHS/GMS
سب ڈویژنل ایجوکیشن آفیسرز (SDEOs) مردانہ، کوہاٹ
بشمول TSD درہ، ضلع کوہاٹ
آپ سب کو ہدایت کی جاتی ہے کہ طلبہ کی حاضری سرکاری نوٹیفکیشن کے مطابق سختی سے یقینی بنائی جائے۔
تاہم، عوامی مفاد کے پیشِ نظر تمام تدریسی اور غیر تدریسی عملہ اپنی متعلقہ درسگاہوں میں دوپہر 12:00 بجے تک حاضر رہے گا۔
مذکورہ ہدایات پر سختی سے عمل درآمد یقینی بنایا جائے۔ کسی بھی قسم کی خلاف ورزی یا کوتاہی کو سنجیدگی سے لیا جائے گا۔

03/06/2026

03/06/2026

ڈسٹرکٹ ایجوکیشن آفیسر کوہاٹ ظہور خان صاحب کا گورنمنٹ ہائر سیکنڈری سکول کاغذئی اور گورنمنٹ پرائمری سکول کا غذائی کا دورہ دورے کے دوران انہوں نے مختلف کلاسز کا معائنہ کیا اور تدریسی سرگرمیوں کا جائزہ لیا۔
معائنے کے دوران طلبہ کی حاضری، تدریسی معیار اور تعلیمی ماحول کا مشاہدہ کیا گیا۔ ڈسٹرکٹ ایجوکیشن آفیسر نے سکول انتظامیہ اور اساتذہ کو تعلیمی معیار میں مزید بہتری لانے، طلبہ کی تعلیمی کارکردگی بہتر بنانے اور نظم و ضبط کو مزید مؤثر بنانے کی ہدایت کی۔
ڈسٹرکٹ ایجوکیشن افیسر کا کہنا تھا کہ تعلیمی معیار کو بہتر بنانے کے لیے مزید اقدامات کیے جائیں گے تاکہ طلبہ کو معیاری تعلیم کی فراہمی یقینی بنائی جا سکے۔

03/06/2026

ڈسٹرکٹ ایجوکیشن آفیسر کوہاٹ ظہور خان صاحب کا گورنمنٹ ہائر سیکنڈری سکول نمبر 1 کا دورہ دورے کے دوران انہوں نے سکول میں جاری تدریسی سرگرمیوں، نظم و ضبط اور صفائی ستھرائی کا تفصیلی معائنہ کیا۔
معائنے کے دوران سکول میں تعلیمی ماحول، صفائی اور نظم و ضبط کو تسلی بخش قرار دیتے ہوئے اطمینان کا اظہار کیا گیا۔ اس موقع پر سکول کے پرنسپل جناب لقمان صاحب نے سکول کو درپیش چند اہم مسائل، بالخصوص امتحانی ہال سے متعلق مسائل، ڈسٹرکٹ ایجوکیشن آفیسر کے سامنے پیش کیے۔ انہوں نے بتایا کہ طلبہ کی بڑھتی ہوئی تعداد کے باعث امتحانات کے انعقاد میں بعض مشکلات کا سامنا ہے۔
ڈسٹرکٹ ایجوکیشن آفیسر جناب ظہور خان صاحب نے مسائل کے جلد حل کی یقین دہانی کراتے ہوئے متعلقہ حکام سے رابطہ کرنے کا وعدہ کیا۔ انہوں نے سکول کی مجموعی کارکردگی کو سراہا اور پرنسپل، اساتذہ اور انتظامیہ کی محنت، لگن اور تعلیمی خدمات کی تعریف کی۔
سکول انتظامیہ نے ڈسٹرکٹ ایجوکیشن آفیسر کے دورے کو خوش آئند قرار دیتے ہوئے امید ظاہر کی کہ ان کی رہنمائی اور تعاون سے ادارہ مزید ترقی کی منازل طے کرے گا۔

02/06/2026

ڈسٹرکٹ ایجوکیشن آفیسر کوہاٹ ظہور خان صاحب نے ضلع بھر کے سرکاری سکولوں میں تعلیمی معیار اور نظم و ضبط کو بہتر بنانے کے لیے احتساب کا دائرہ مزید وسیع کرنے کا اعلان کر دیا ہے۔
ڈسٹرکٹ ایجوکیشن آفیسر کے مطابق شہری علاقوں کے ساتھ ساتھ دور دراز دیہاتی علاقوں میں واقع تمام سکولوں کی بھی باقاعدہ اور خفیہ نگرانی کی جا رہی ہے۔ اس مقصد کے لیے سب ڈویژنل ایجوکیشن آفیسرز، اسسٹنٹ ڈسٹرکٹ ایجوکیشن آفیسرز اور سکول لیڈرز کی خدمات حاصل کی جائیں گی تاکہ سکولوں کی کارکردگی، حاضری اور تدریسی سرگرمیوں کا مؤثر جائزہ لیا جا سکے۔
ظہور خان صاحب کا کہنا تھا کہ ڈیوٹی میں غفلت، غیر حاضری اور ذمہ داریوں سے لاپرواہی کسی صورت برداشت نہیں کی جائے گی۔ انہوں نے واضح کیا کہ بچوں کے روشن مستقبل پر کسی قسم کا سمجھوتہ نہیں کیا جا سکتا اور تعلیمی نظام میں بہتری کے لیے ہر ممکن اقدامات کیے جائیں گے۔
انہوں نے تمام تدریسی و انتظامی عملے کو ہدایت کی کہ وہ اپنی ذمہ داریاں ایمانداری اور احساسِ فرض کے ساتھ انجام دیں تاکہ ضلع کوہاٹ کے طلبہ کو معیاری تعلیم کی فراہمی یقینی بنائی جا سکے۔

02/06/2026

ڈسٹرکٹ ایجوکیشن آفیسر (مردانہ) کوہاٹ ظہور خان صاحب نے آج کے دورے کے دوران غیر حاضر اساتذہ کے خلاف کارروائی کرتے ہوئے واضح کیا کہ ڈیوٹی میں غفلت کسی صورت قابل قبول نہیں۔ انہوں نے کہا کہ اساتذہ کی حاضری اور تعلیمی ذمہ داریوں کی انجام دہی کو یقینی بنایا جائے گا اور بچوں کے مستقبل پر کوئی سمجھوتہ نہیں کیا جائے گا۔
دورے کے دوران غیر حاضر پائے جانے والے اساتذہ کے خلاف محکمانہ قواعد کے مطابق کارروائی عمل میں لائی گئی۔ ظہور خان نے متعلقہ اداروں کے سربراہان کو ہدایت کی کہ تدریسی عمل کو مزید مؤثر بنایا جائے اور اساتذہ کی باقاعدہ حاضری کو یقینی بنایا جائے۔
انہوں نے کہا کہ محکمہ تعلیم معیاری تعلیم کی فراہمی کے لیے تمام دستیاب وسائل بروئے کار لا رہا ہے اور فرائض میں غفلت برتنے والوں کے خلاف کارروائیاں جاری رہیں گی۔
کوہاٹ میں ریموٹ ایریا کہ سکولوں کے لیے منصوبہ بندی کی جا رہی ہے اساتذہ سے ان لائن لائیو لوکیشن مانگی جائے گی لہذا تمام اساتذہ چاہے وہ ریموٹ ایریز ہوں یا قریب اسکول ہوں سب کی خدمت میں عرض ہے کہ اپنی حاضری کو یقینی بنائیں۔

02/06/2026

ڈسٹرکٹ ایجوکیشن آفیسر کوہاٹ ظہور خان صاحب نے گورنمنٹ مڈل سکول میرزئی اور گورنمنٹ پرائمری سکول میرزئی کا دورہ کیا۔ دورے کے دوران انہوں نے مختلف کلاسوں کا معائنہ کیا، طلبہ کی حاضری اور تدریسی سرگرمیوں کا جائزہ لیا، جبکہ سکولوں کی صفائی اور مجموعی انتظامی امور کا بھی تفصیلی معائنہ کیا۔
معائنے کے دوران سکولوں کی مجموعی کارکردگی غیر تسلی بخش پائی گئی۔ اس موقع پر ڈسٹرکٹ ایجوکیشن آفیسر نے متعلقہ عملے کو ہدایت کی کہ وہ تدریسی اور انتظامی ذمہ داریوں کی انجام دہی میں مزید بہتری لائیں اور اپنی پیشہ ورانہ ذمہ داریوں کو احسن طریقے سے نبھائیں۔
ظہور خان صاحب نے واضح کیا کہ ڈیوٹی میں غفلت کسی صورت برداشت نہیں کی جائے گی اور سرکاری ملازمین کو اپنے فرائض پوری دیانتداری اور ذمہ داری کے ساتھ انجام دینے چاہئیں۔
دورانِ معائنہ گورنمنٹ پرائمری سکول میرزئی کے ٹیچر ولید احمد موقع پر غیر حاضر پائے گئے۔ ان کی غیر حاضری کے معاملے کی تحقیقات اور قانونی کارروائی کے لیے انکوائری کمیٹی تشکیل دے دی گئی ہے، جو مقررہ ضوابط کے مطابق اپنی رپورٹ پیش کرے گی۔