04/09/2026
ڈپٹی کمشنر کوٹ ادو بلال سلیم کی ہدایت پر شہر میں نکاسی آب کے نظام کو مزید مؤثر بنانے اور شہریوں کو درپیش سیوریج کے مسائل کے فوری ازالے کے لیے واسا کو پانی کی نکاسی کے لیے پمپس فراہم کر دیے گئے ہیں
فراہم کیے گئے پمپس کے ذریعے گلیوں، محلوں اور دیگر نشیبی علاقوں میں جمع ہونے والے پانی کی فوری نکاسی کی جائے گی، تاکہ شہریوں کو مشکلات سے نجات دلائی جا سکے اور نکاسی آب کا نظام بہتر انداز میں فعال رکھا جا سکے
ڈپٹی کمشنر بلال سلیم نے متعلقہ افسران کو ہدایت کی ہے کہ نکاسی آب کے حوالے سے شہریوں کی شکایات پر فوری کارروائی کی جائے اور جہاں کہیں پانی جمع ہو، وہاں مشینری اور پمپس کے ذریعے بلا تاخیر نکاسی یقینی بنائی جائے
انہوں نے کہا کہ شہریوں کو بنیادی سہولیات کی فراہمی اور نکاسی آب کے نظام میں بہتری ضلعی انتظامیہ کی اولین ترجیحات میں شامل ہے، اس سلسلے میں تمام دستیاب وسائل بروئے کار لائے جا رہے ہیں۔
