Assistant Commissioner Kot Momin - Sargodha

01/06/2026

گزشتہ رات جان محمد والا کے قریب موٹروے کے اطراف اچانک آگ بھڑک اٹھی، جس کی اطلاع موصول ہوتے ہی اسسٹنٹ کمشنر کوٹ مومن کے حکم پر فائر بریگیڈ کا عملہ فوری طور پر موقع پر پہنچ گیا۔ بروقت کارروائی کرتے ہوئے آگ پر قابو پا لیا گیا اور اسے مزید پھیلنے سے روک دیا گیا۔
ابتدائی اطلاعات کے مطابق آگ خشک گھاس اور جھاڑیوں تک محدود رہی جبکہ کوئی درخت متاثر نہیں ہوا۔ آگ موٹروے کے ساتھ تقریباً 400 میٹر کے فاصلے پر لگی تھی۔ الحمدللہ اس واقعے میں کوئی جانی نقصان نہیں ہوا اور صورتحال مکمل طور پر کنٹرول میں ہے۔
آج صبح اسسٹنٹ کمشنر کوٹ مومن نے خود موقع کا دورہ کیا اور آگ سے متاثرہ علاقے کا تفصیلی جائزہ لیا۔ انہوں نے متعلقہ اداروں کی بروقت کارروائی کو سراہتے ہوئے ہدایت کی کہ مستقبل میں ایسے واقعات کی روک تھام اور فوری رسپانس کو یقینی بنانے کے لیے تمام ضروری اقدامات جاری رکھے جائیں۔

01/06/2026

اسسٹنٹ کمشنر کوٹ مومن کی ہدایت پر ریسکیو 1122 کی جانب سے شدید گرمی کے پیشِ نظر کوٹ مومن میں ریلیف کیمپ قائم کر دیا گیا ہے، جہاں راہگیروں اور گرمی سے متاثرہ شہریوں کو ٹھنڈا پانی فراہم کیا جا رہا ہے۔ کیمپ میں ابتدائی طبی امداد سمیت ہنگامی صورتحال سے نمٹنے کے لیے تمام ضروری سہولیات بھی موجود ہیں۔

31/05/2026

“پنجرے اتارنے کا عمل باقاعدہ طور پر شروع کر دیا گیا ہے۔ تمام متعلقہ افراد فوری طور پر اپنے گھروں کی چھتوں پر موجود پنجرے ہٹا دیں، بصورتِ دیگر قانونی کارروائی عمل میں لائی جائے گی

31/05/2026

اعلان
Date : 31-05-2026
گھروں کی چھتوں پر رکھے گئے پنجرے ہٹانے کا عمل جاری ہے۔ تمام شہریوں کو ہدایت کی جاتی ہے کہ جن کے گھروں کی چھتوں پر پنجرے موجود ہیں وہ انہیں فوری طور پر ازخود ہٹا لیں۔ بصورتِ دیگر متعلقہ قوانین کے تحت سخت قانونی کارروائی عمل میں لائی جائے گی۔

عوامی مفاد، شہریوں کی پرائیویسی اور امن و امان کے پیشِ نظر اس ہدایت پر فوری عملدرآمد یقینی بنایا جائے

30/05/2026

کوٹ مومن شہر میں چھتوں پر قائم غیر قانونی کبوتروں کے پنجروں کے خلاف کارروائی کاآغاز کرنےکےبعد مختلف دیہات اور چکوک سے بھی عوام الناس کی طرف سے پیغامات موصول ہو رہے ہیں کہ ان کے علاقوں میں بھی یہ آپریشن کیا جائے۔
میں تمام معزز شہریوں کو واضح کرنا چاہتا ہوں کہ یہ کارروائی کسی ایک شہر یا علاقے تک محدود نہیں بلکہ حکومتِ پنجاب کی ہدایات کے مطابق پوری تحصیل کوٹ مومن میں بلاامتیاز جاری رہے گی۔
چھتوں پر قائم غیر قانونی پنجرے نہ صرف قوانین کی خلاف ورزی ہے بلکہ چادر اور چار دیواری کے تقدس کو بھی متاثر کرتے ہیں۔ تحصیل کے کسی بھی گاؤں، چک یا شہر میں ایسی خلاف ورزی پائی گئی تو قانونی کارروائی عمل میں لائی جائے گی۔
ان شاء اللہ، بہت جلد دیہات میں بھی گرینڈ آپریشن کا آغاز کیا جائے گا۔منجاب اسسٹنٹ کمشنرکوٹ مومن

30/05/2026

🚨 اب کسی بھی شہری کے گھر کی بے حرمتی، بے پردگی اور پرائیویسی کی خلاف ورزی ہرگز برداشت نہیں کی جائے گی۔ ایسے عناصر جو چھتوں پر پنجرے قائم کرکے یا وہاں غیر ضروری اجتماعات لگا کر دیگر گھروں کے تقدس کو پامال کرتے ہیں، ان کے خلاف قانون کے مطابق سخت کارروائی عمل میں لائی جائے گی 🚨

س ضمن میں ایسے افراد کی فہرستیں مرتب کی جا رہی ہیں۔

اسسٹنٹ کمشنر کوٹ مومن کے احکامات کی روشنی میں عوام الناس کو مطلع کیا جاتا ہے کہ ایسے کبوتر باز حضرات جنہوں نے اپنی چھتوں پر پنجرے قائم کر رکھے ہیں اورصبح شام کے اوقات میں چھتوں پر جمع ہو کر ہوٹنگ، شور شرابہ اور دیگر گھروں کی بے پردگی کا باعث بنتے ہیں، ان کے خلاف سخت قانونی کارروائی عمل میں لائی جائے گی۔

پیرا ایکٹ کے تحت اس عمل کو پبلک نوئیسنس قرار دیتے ہوئے خلاف ورزی کرنے والوں کے خلاف فوری ایف آئی آر درج کی جائے گی۔ اس ضمن میں ایسے افراد کی فہرستیں مرتب کی جا رہی ہیں۔

قبل ازیں تمام متعلقہ افراد کو سات دن کی مہلت دی گئی تھی کہ وہ اپنے پنجرے چھتوں سے ہٹا کر نیچے منتقل کریں۔ اب صرف تین دن کی مزید مہلت باقی ہے۔ مقررہ مدت کے بعد بھی ہدایات پر عمل نہ کرنے والوں کے خلاف بلاامتیاز قانونی کارروائی، ایف آئی آر کے اندراج اور دیگر قانونی اقدامات عمل میں لائے جائیں گے۔

تمام شہریوں سے گزارش ہے کہ دوسروں کے گھروں کے تقدس، پردے اور پرائیویسی کا احترام کریں اور قانون کی مکمل پابندی یقینی بنائیں۔ یہ کارروائی صرف شہر تک محدود نہیں ہوگی بلکہ کوٹ مومن کے تمام نواحی علاقوں، سیمی اربن آبادیوں اور دیہاتوں میں بھی بلاامتیاز جاری رکھی جائے گی۔ عوام الناس سے گزارش ہے کہ وہ قانون کی پاسداری کریں اور دوسروں کے گھروں کے احترام اور عزتِ نفس کا خیال رکھیں، بصورت دیگر قانونی کارروائی کا سامنا کرنا پڑے گ

30/05/2026

اسسٹنٹ کمشنر کوٹ مومن کے احکامات پر کوٹ مومن میں گرین گارڈن سوسائٹی کے قریب واقع غیر قانونی طور پر تعمیر شدہ سوئمنگ پول کو سیل کر دیا گیا۔ انتظامیہ کی جانب سے کارروائی کرتے ہوئے مذکورہ سوئمنگ پول کو فوری طور پر بند کر کے سیل کر دیا گیا، جبکہ متعلقہ افراد کے خلاف قانونی کارروائی بھی عمل میں لائی جا رہی ہے۔

29/05/2026

FIR has been lodged by DSP Kot momin against owner of swimming pool.

29/05/2026

29/05/2026

کوٹ مومن میں آج سوئمنگ پول میں ایک بچے کی ناگہانی وفات پر انتہائی دکھ اور افسوس ہے۔ اللہ تعالیٰ مرحوم بچے کو جنت الفردوس میں اعلیٰ مقام عطا فرمائے اور لواحقین کو صبر جمیل دے۔

کچھ عرصہ قبل ہاؤسنگ سوسائٹی، موٹروے سٹی ہاؤسنگ سوسائٹی، کے خلاف پہلے بھی اس کی غیر منظور شدہ حیثیت کے باعث بحیثیت ایڈمنسٹریٹر میونسپل کمیٹی کارروائی عمل میں لائی گئی تھی۔ چیف آفیسر میونسپل کمیٹی کے ہمراہ موقع پر ایکشن لیتے ہوئے غیر قانونی تعمیرات اور اوپن مین ہولز کو ختم کیا گیا تھا۔ اس حوالے سے متعلقہ سوسائٹی کے خلاف ایف آئی آر درج کروائی جا چکی ہے۔کسی بھی ہاؤسنگ سوسائٹی میں اوپن مین ہولز قابل قبول نہیں ہین

آج پیش آنے والے افسوسناک واقعے کے بعد سوئمنگ پول کو فوری طور پر سیل کر دیا گیا ہے جبکہ ڈی ایس پی صاحب کی جانب سے بھی متعلقہ ذمہ داران کے خلاف ایف آئی آر درج کر دی گئی ہے۔

تمام شہریوں سے گزارش ہے کہ دفعہ 144 نافذ العمل ہے، لہٰذا سڑکوں، نہروں، نالوں، دریاؤں اور غیر محفوظ سوئمنگ پولز میں نہانے سے گریز کریں۔ اپنی اور اپنے بچوں کی حفاظت کو یقینی بنائیں تاکہ ایسے افسوسناک واقعات سے بچا جا سکے