27/01/2026
آج بائیک ٹھیک کروانے کیلئے ٹاؤن شپ مارکیٹ ایک دکان پر جانا ہوا، وہاں سامنے ہی ایک چھوٹا سا کاؤنٹر اور اسٹول پڑا تھا جس پر ایک بندہ ڈپلیکیٹ چابیاں بنانے کی سروس دے رہا تھا۔ کیونکہ موسم بہت سرد تھا، دھوپ نہیں تھی اور سردی کے ساتھ شدید ٹھنڈی ہوا چل رہی تھی کہ ایک معصوم بلی سردی سے شاید ٹھٹھر رہی تھی ناجانے دن بھر کتنے ہی لوگوں سے دُھتکاری گئی ہوگی بیچاری اِدھر تک آ پہنچی۔ اور دیکھنے سے لگ رہا تھا کہ بیٹھنے یا آرام کرنے کی جگہ ڈھونڈ رہی ہے۔ تو وہ اس کاؤنٹر والے کے پاس آ پہنچی، جہاں دن بھر لوگوں نے دھتکارا، وہاں اُسے اپنانے والے ایسے نیک دل انسان بھی موجود ہوتے ہیں۔ کیونکہ کاؤنٹر والا بیٹھا ہوا تھا تو اسٹول اسکے بیٹھنے کی وجہ سے گرم تھا۔ اور اتنے میں اُس کا کلائنٹ آ گیا، وہ اٹھ کر کلائنٹ کو ڈیل کرنے لگ گیا کہ بلی اُس کے اسٹول پر چڑھ گئی اور اسٹول گرم ہونے کی وجہ سے اُسی پر بیٹھ گئی۔ وہ چاہتا تو باقی لوگوں کی طرح اُسے مار یا ڈانٹ کر بھگا بھی سکتا تھا، لیکن اُس نے اپنے اشرف المخلوقات اور نیک دل ہونے کا ثبوت دیا۔ اور نیچے پڑے ہوئے صفائی والے کپڑے کو بلی کے اوپر دے کر اسکے گرد لپیٹ دیا۔ یقین کریں یہ سب میرے آنکھوں دیکھا حال ہے۔ جیسے ہی کپڑا اُس نے بلی کے گرد لپیٹا، وہ فوراً سکون سے بیٹھ گئی اور چند سیکنڈ میں ہی سو گئی اور یہ سب دیکھ کے میرے دل سے بھی اس بندے کیلئے ڈھیر ساری دعائیں نِکلیں۔ اور سوچا کہ کیوں نہ اس منظر کو کیمرے میں قید کر لیا جائے اور آپ سب تک پہنچایا جائے، ہو سکتا ہے اس سے کسی اور انسان کے دل میں بھی جانوروں کے لیے رحم آ جائے، کسی کا دل پسیج جائے۔ اور جہاں جانوروں کو دیکھ کر پتھر اُٹھا کر مارنے والے یا نقصان پہنچانے والے کچھ جاہل انسان ہیں، وہاں ایسے نیک دل انسان بھی اللہ پاک پیدا کرتا ہے۔ وہ کہتے ہیں نا: جہاں فرعون ہوں وہاں اللہ پاک موسیٰؑ بھی بھیج دیتے ہیں۔ اللہ پاک ہم سب کو اپنے چُنے ہوئے بندوں میں شامل کریں اور حضور نبیِ کریم ﷺ کا پکا اور سچا پیروکار بننے کی توفیق عطا فرمائیں۔ آمین ثم آمین۔
#محبت #انسانیت #رحم
