06/10/2026
ون ویلنگ اور خطرناک کرتب بہادری نہیں، موت کا کھیل ہیں | سوشل میڈیا پر وائرل رجحان کے خلاف سخت کریک ڈاؤن
سوشل میڈیا پر تیزی سے پھیلتے ون ویلنگ، تیز رفتاری اور خطرناک موٹر سائیکل کرتب کے جان لیوا رجحان پر لاہور پولیس کا سخت ایکشن ۔ لاہور پولیس اور پنجاب سیف سٹیز اتھارٹی سڑکوں کی کڑی نگرانی کر رہی ہے اور ان غیر قانونی سرگرمیوں میں ملوث افراد کو ٹریس کر کے انہیں فوری گرفتار کیا جا رہا ہے۔
نوجوانوں کے نام اپنے پیغام میں ڈی آئی جی آپریشنز نے واضح کیا ہے کہ یہ حرکتیں بہادری نہیں بلکہ آپ کی اور سڑک پر موجود دیگر شہریوں کی جان کے لیے انتہائی خطرناک ہیں۔ سوشل میڈیا پر عارضی داد وصول کرنے کے لیے خدارا اپنی جان خطرے میں ڈال کر اپنے والدین اور خاندان کو عمر بھر کا دکھ نہ دیں۔
لاہور پولیس کی والدین سے بھی خصوصی اپیل ہے کہ وہ اپنے بچوں کی سرگرمیوں پر کڑی نظر رکھیں تاکہ وہ ایسے جان لیوا کاموں کا حصہ نہ بنیں۔ تمام شہریوں سے گزارش ہے کہ سڑکوں پر ون ویلنگ یا خطرناک ڈرائیونگ دیکھنے کی صورت میں فوری طور پر پولیس ہیلپ لائن 15 پر اطلاع دیں۔
#لاہورپولیس #پنجاب #لاہور
