01/06/2026
عوامی دادرسی اور فوری انصاف؛ ڈی آئی جی آپریشنز لاہور کی کھلی کچہری میں شہریوں کے مسائل کی سماعت
شہریوں کو فوری اور دہلیز پر انصاف کی فراہمی کے لیے ڈی آئی جی آپریشنز لاہور نے کھلی کچہری کا انعقاد کیا۔ اس موقع پر انہوں نے شہریوں کی مختلف شکایات براہ راست سنیں اور ان کے فوری حل کے لیے متعلقہ افسران کو موقع پر ہی احکامات جاری کیے۔ کھلی کچہری میں جائیدادوں پر قبضے، فراڈ، لڑائی جھگڑے اور دیگر شہری شکایات پر سخت نوٹس لیتے ہوئے ملزمان کے خلاف میرٹ پر فوری قانونی کارروائی کی ہدایت کی گئی۔ ڈی آئی جی آپریشنز نے افسران کو واضح ہدایت کی کہ تھانوں میں آنے والے سائلین کے مسائل کو ترجیحی بنیادوں پر حل کر کے عوام کا پولیس پر اعتماد بحال کیا جائے۔ اس موقع پر ان کا کہنا تھا: "کھلی کچہری کا بنیادی مقصد شہریوں کو پولیس تک براہ راست رسائی فراہم کرنا ہے۔ قبضہ مافیا اور جرائم پیشہ عناصر کے لیے کوئی رعایت نہیں؛ عوام کو فوری اور بلا تفریق انصاف فراہم کرنا ہماری اولین ترجیح ہے۔"
#لاہور #لاہورپولیس
