SPU Punjab Police

02/09/2026

کمانڈنٹ ایس پی یو، ڈی آئی جی طیب حفیظ چیمہ کی ہدایت پر ایس پی منصور الحسن ملک نے بٹالین-III فیصل آباد میں اردل روم کا انعقاد کیا، جہاں فرائض میں غفلت اور محکمانہ ہدایات کی خلاف ورزی کے معاملات کا جائزہ لیا گیا۔
قواعد و ضوابط کے مطابق متعلقہ اہلکاروں کے خلاف کارروائی کی گئی۔ ایس پی منصور الحسن ملک نے محکمانہ نظم و ضبط اور فارنرز کی سکیورٹی مزید مؤثر بنانے کی ہدایات جاری کیں۔

31/08/2026

کمانڈنٹ ایس پی یو، ڈی آئی جی طیب حفیظ چیمہ کی ہدایات پر بٹالین -II کمانڈر ایس پی شفقت رشید نے اردل روم کا انعقاد کیاـ
محکمانہ ایس او پیز کی خلاف ورزی پر اہلکاروں کے خلاف قواعد و ضوابط کے مطابق کارروائی کی گئی۔
ایس پی شفقت رشید نے نظم و ضبط اور ایس او پیز پر سختی سے عملدرآمد یقینی بنانے کی ہدایت کی۔

28/08/2026

کمانڈنٹ ایس پی یو، ڈی آئی جی طیب حفیظ چیمہ کا پولیس ٹریننگ کالج سہالہ کا دورہ
کمانڈنٹ ایس پی یو، ڈی آئی جی طیب حفیظ چیمہ نے پولیس ٹریننگ کالج سہالہ کا دورہ کیا، جہاں انہوں نے سکیورٹی انتظامات کا جائزہ لیا اور مختلف سکیورٹی امور کو چیک کیا۔
ڈی آئی جی طیب حفیظ چیمہ نے سکیورٹی انتظامات کو مزید مؤثر بنانے کے لیے متعلقہ افسران کو ضروری ہدایات جاری کیں۔
دورے کے اختتام پر ڈی آئی جی طیب حفیظ چیمہ نے جوانوں سے دربار کیا، جوانوں کے مسائل سنے اور ان کے فوری حل کے لیے ہدایات جاری کیں۔

27/08/2026

کمانڈنٹ ایس پی یو، ڈی آئی جی طیب حفیظ چیمہ کا کروٹ ہائیڈرو پاور پروجیکٹ کہوٹہ کا دورہ، سکیورٹی انتظامات کا تفصیلی جائزہ۔
کمانڈنٹ ایس پی یو، ڈی آئی جی طیب حفیظ چیمہ نے کروٹ ہائیڈرو پاور پروجیکٹ کہوٹہ، راولپنڈی کا دورہ کیا۔ اس موقع پر ایڈیشنل ڈائریکٹر کرنل (ر) محمد شاہد نے سکیورٹی امور کے حوالے سے تفصیلی بریفنگ دی۔
ڈی آئی جی طیب حفیظ چیمہ نے پروجیکٹ کے سکیورٹی انتظامات کا تفصیلی جائزہ لیا اور سکیورٹی کو مزید مؤثر بنانے کے لیے ضروری ہدایات جاری کیں۔ بعدازاں انہوں نے چینی ماہرین اور پروجیکٹ انتظامیہ کے ساتھ ملاقات کی، جس میں چینی باشندوں کی سکیورٹی اور مجموعی سکیورٹی لائحہ عمل پر تفصیلی تبادلہ خیال کیا گیا۔
اس موقع پر کمانڈنٹ ایس پی یو، ڈی آئی جی طیب حفیظ چیمہ نے کہا:
"چینی ماہرین، سی پیک اور نان سی پیک منصوبوں کی سکیورٹی ہماری اولین ترجیح ہے۔ ان کی حفاظت کے لیے تمام ممکنہ اقدامات یقینی بنائے جائیں گے اور کسی قسم کی کسر اٹھا نہیں رکھی جائے گی۔"
بعدازاں کمانڈنٹ ایس پی یو، ڈی آئی جی طیب حفیظ چیمہ نے پروجیکٹ پر تعینات ایس پی یو کے جوانوں کے ساتھ دربار کا انعقاد کیا۔ دربار میں جوانوں کے مسائل سنے گئے اور ان کے فوری حل کے لیے متعلقہ افسران کو ضروری احکامات جاری کیے گئے۔

26/08/2026

عید میلاد النبی ﷺ مبارک
سپیشل پروٹیکشن یونٹ (ایس پی یو) پنجاب پولیس کی جانب سے تمام اہلِ اسلام کو عید میلاد النبی ﷺ کی دلی مبارکباد پیش کی جاتی ہے۔

19/08/2026

19/08/2026

ایس پی شفقت راشد نے بطور بٹالین-2 لاہور کمانڈر کا چارج سنبھال لیا

ایس پی شفقت راشد نے سپیشل پروٹیکشن یونٹ میں بطور بٹالین کمانڈر کی حیثیت سے اپنے عہدے کا چارج سنبھال لیا۔چارج سنبھالنے کے بعد ایس پی شفقت راشد نے بٹالین میں تعینات تمام سینئر افسران کے ساتھ میٹنگ کا انعقاد کیا۔ میٹنگ میں فارنرز کی سکیورٹی کو مزید مؤثر بنانے اور فول پروف سکیورٹی انتظامات یقینی بنانے کے لیے تمام سینئر افسران کو ضروری ہدایات جاری کیں۔ اس موقع پر انہوں نے ایس پی یو کے جوانوں کو بہترین ویلفئیر فراہم کرنے پر بھی زور دیا۔

18/08/2026

کمانڈنٹ ایس پی یو ڈی آئی جی طیب حفیظ چیمہ کی ہدایت پر ایس پی یو ملازمان کے ہونہار بچوں کے اعزاز میں تقریب

کمانڈنٹ ایس پی یو ڈی آئی جی طیب حفیظ چیمہ کی ہدایت پر ایس پی یو ملازمان کے ہونہار بچوں کے اعزاز میں تقریب کا انعقاد کیا گیا۔ تقریب میں ڈی آئی جی طیب حفیظ چیمہ، ایس ایس پی آپریشن عثمان اعجاز باجوہ، ایس پی شفقت راشد اور دیگر سینئر افسران نے شرکت کی۔
تقریب میں ایس پی یو ملازمان کے ان بچوں کو مدعو کیا گیا جنہوں نے میٹرک کے امتحانات میں نمایاں اور شاندار نمبر حاصل کیے۔ اس موقع پر افسران نے ہونہار طلبہ و طالبات کی تعلیمی کامیابیوں کو سراہتے ہوئے ان کی حوصلہ افزائی کی اور انہیں اعزازات سے نوازا۔
کمانڈنٹ ایس پی یو ڈی آئی جی طیب حفیظ چیمہ نے طلبہ و طالبات کو مبارکباد دیتے ہوئے کہا کہ محنت، لگن اور مسلسل جدوجہد کامیابی کی بنیاد ہیں۔ انہوں نے بچوں کے والدین کو بھی ان کی بہترین تربیت اور تعلیم کے لیے خراجِ تحسین پیش کیا۔

16/08/2026

پاکستان مین اینڈ وومین ڈیڈ لفٹ چیمپئن شپ 2026 میں شاندار کامیابی

ایس پی یو پنجاب پولیس کے اہلکار محمد عظیم نے پاکستان مین اینڈ وومین ڈیڈ لفٹ چیمپئن شپ 2026 میں پہلی پوزیشن حاصل کرکے شاندار کارکردگی کا مظاہرہ کیا اور ایس پی یو پنجاب پولیس کا نام روشن کیا۔

14/08/2026

سپیشل پروٹیکشن یونٹ (ایس پی یو)کے کیمپس پریومِ آزادی پاکستان کی پُروقار تقریبات 🇵🇰۔
کمانڈنٹ ایس پی یو طیب حفیظ چیمہ کی ہدایت پر سپیشل پروٹیکشن یونٹ (ایس پی یو) پنجاب کے مختلف کیمپس میں 14 اگست، یومِ آزادی پاکستان کے موقع پر خصوصی تقریبات کا انعقاد کیا گیا۔
تقریبات میں افسران و جوانوں نے بھرپور جوش و جذبے کے ساتھ شرکت کی، قومی پرچم لہرایا گیا اور پاکستان کی سلامتی، ترقی، خوشحالی اور استحکام کے لیے خصوصی دعائیں کی گئیں۔