27/03/2026
محترمہ مائرہ طلال، ایم پی اے (چیئرپرسن: اسپیشلائزڈ ہیلتھ کیئر اینڈ میڈیکل ایجوکیشن، ہیلتھ اینڈ پاپولیشن، کالونیز، لٹریسی و نان فارمل بیسک ایجوکیشن) کا گورنمنٹ جنرل ہسپتال سمن آباد لاہور کا دورہ
دورے کے دوران ایمرجنسی وارڈ، پیڈز وارڈ، لیبارٹری، ڈینٹل ڈیپارٹمنٹ، این سی ڈی یونٹ اور پیراپلیجک سنٹر کا معائنہ کیا اور فراہم کی جانے والی طبی سہولیات کا جائزہ لیا۔
خصوصی طور پر پیڈز (بچوں کے) وارڈ کے دورے کے موقع پر انہوں نے زیرِ علاج بچوں کی عیادت کی اور ان کے لواحقین سے بھی بات چیت کی۔ انہوں نے اس بات پر اطمینان کا اظہار کیا کہ بچوں کو بروقت، معیاری اور بہترین طبی سہولیات فراہم کی جا رہی ہیں۔ انہوں نے عملے کو ہدایت کی کہ بچوں کے علاج معالجے میں مزید بہتری، خصوصی توجہ اور ہر ممکن سہولت کی فراہمی کو یقینی بنایا جائے۔
انہوں نے ہسپتال انتظامیہ اور عملے کی کارکردگی کو سراہتے ہوئے مریضوں کو بہترین سہولیات کی فراہمی کی ہدایت کی۔
حکومت پنجاب عوام کو معیاری صحت کی سہولیات فراہم کرنے کے لیے پرعزم ہے۔
