Landikotal

Landikotal Landi Kotal is a town of the Federally Administered Tribal Areas of Pakistan. It is located at 34°6'4N 71°8'44E and lies on the Khyber.

۔ ایک پلڑے میں بااختیار طبقات کی مراعات اور تنخواہوں میں بھاری اضافہ، جبکہ دوسرے پلڑے میں غریب سرکاری ملازمین کے لیے معم...
01/06/2026

۔ ایک پلڑے میں بااختیار طبقات کی مراعات اور تنخواہوں میں بھاری اضافہ، جبکہ دوسرے پلڑے میں غریب سرکاری ملازمین کے لیے معمولی اضافہ,انصاف کے تقاضوں کو پورا کیا جایں ، سرکاری ملازمین کی تنخواہوں میں ۱۰۰ فیصد اضافہ کیا جایں ،شریف اللہ افریدی
۔۔۔۔۔۔

شریف اللہ آفریدی صدر تنظیم اساتذہ ضلع خیبر نے ایک بیان جاری کرتے ہوے کہا ہے کہ افسوس ہے کہ ایک سال گزر گیا، مگر حالات آج بھی وہی ہیں۔

انھوں نے کہا کہ ان شاء اللہ اس سال بھی اگیگا کی کال پر بجٹ کے دن اسلام آباد میں اپنے جائز حقوق اور تنخواہوں میں انصاف پر مبنی اضافے کے لیے پرامن احتجاج میں شریک ہوں گے۔

سرکاری ملازمین، بالخصوص اساتذہ، مسلسل بڑھتی ہوئی مہنگائی اور مالی دباؤ کی زد میں ہیں۔ ہر ماہ تنخواہوں سے مختلف کٹوتیاں، ...
23/05/2026

سرکاری ملازمین، بالخصوص اساتذہ، مسلسل بڑھتی ہوئی مہنگائی اور مالی دباؤ کی زد میں ہیں۔ ہر ماہ تنخواہوں سے مختلف کٹوتیاں، زیادہ ٹیکسز اور دوسری مدات میں رقوم کی وصولی نے ان کی معاشی حالت مزید کمزور کر دی ہے، جبکہ تنخواہوں میں خاطر خواہ اضافہ نہ ہونا صورتحال کو مزید تشویشناک بنا رہا ہے۔
جو طبقہ قوم کے بچوں کی تعلیم و تربیت کی ذمہ داری نبھا رہا ہے، وہی آج اپنے گھریلو اخراجات پورے کرنے میں مشکلات کا شکار ہے۔ ایسے حالات میں عید قربانی جیسی عظیم سعادت بھی بہت سے اساتذہ کے لیے مشکل بنتی جا رہی ہے۔
یہ وقت اس بات کا متقاضی ہے کہ سرکاری ملازمین اور خصوصاً اساتذہ کے مسائل کو سنجیدگی سے دیکھا جائے اور ان کی معاشی حالت بہتر بنانے کے لیے عملی اقدامات کیے جائیں۔
شریف اللہ آفریدی صدر تنظیم اساتذہ ضلع خیبر

تنظیم اساتذہ کے شعبہ بہبود فنڈ کے تحت گورنمنٹ ہائی سکول محمد خان اور گرلز پرائمری سکول سلطان خیل میں یتیم و نادار طلبہ و...
20/05/2026

تنظیم اساتذہ کے شعبہ بہبود فنڈ کے تحت گورنمنٹ ہائی سکول محمد خان اور گرلز پرائمری سکول سلطان خیل میں یتیم و نادار طلبہ و طالبات میں مفت یونیفارم اور سٹیشنری تقسیم کی گئی۔ اس اقدام کا مقصد مستحق بچوں کو تعلیمی سہولیات فراہم کرنا اور انہیں تعلیم کے سفر میں حوصلہ دینا ہے۔

اس موقع پر تنظیم اساتذہ لنڈہ کوتل کے صدر ارشد علی آفریدی نے کہا کہ ہمارا عزم ہے کہ کوئی بھی بچہ یا بچی غربت اور وسائل کی کمی کی وجہ سے تعلیم سے محروم نہ رہے۔ تعلیم ہر بچے کا بنیادی حق ہے اور اس حق کی فراہمی کے لیے ہماری جدوجہد جاری رہے گی۔

انہوں نے مخیر حضرات سے اپیل کی کہ وہ ہمارے ساتھ تعاون کریں تاکہ زیادہ سے زیادہ مستحق بچوں تک تعلیمی سہولیات، یونیفارم اور سٹیشنری پہنچائی جا سکے۔

🚨 اہم اعلان 🚨لنڈیکوتل کے عوام سے گزارش ہے کہ اختر علی شینواری کا فیس بک آئی ڈی کسی ہیکر نے ہیک کر لیا ہے۔اگر اس آئی ڈی س...
19/05/2026

🚨 اہم اعلان 🚨
لنڈیکوتل کے عوام سے گزارش ہے کہ اختر علی شینواری کا فیس بک آئی ڈی کسی ہیکر نے ہیک کر لیا ہے۔
اگر اس آئی ڈی سے کسی کو کوئی میسج، تصویر یا بے ہودہ ویڈیو وغیرہ موصول ہو یا اپلوڈ کی جائے تو میرا اس سے کوئی تعلق نہیں ہوگا۔
جب تک آئی ڈی دوبارہ ریکور نہیں ہو جاتی، تب تک کسی بھی ضروری رابطے کیلئے براہِ راست اس نمبر پر رابطہ کریں:
📞 03009111621
شکریہ۔

“پی ٹی سی فنڈ اساتذہ کو عید سے قبل تنخواہیں جاری کی جائیں، تاخیر تعلیم دشمن اقدام ہے”— شریف اللہ آفریدیپی ٹی سی فنڈ سے ب...
16/05/2026

“پی ٹی سی فنڈ اساتذہ کو عید سے قبل تنخواہیں جاری کی جائیں، تاخیر تعلیم دشمن اقدام ہے”
— شریف اللہ آفریدی
پی ٹی سی فنڈ سے بھرتی شدہ اساتذہ گزشتہ چار ماہ سے تنخواہوں سے محروم ہیں، جس کی وجہ سے اساتذہ شدید ذہنی اور مالی پریشانی کا شکار ہیں۔ اس مہنگائی کے دور میں اساتذہ کو تنخواہوں سے محروم رکھنا نہ صرف افسوسناک بلکہ تعلیم دشمن پالیسی کے مترادف ہے۔ جب اساتذہ ہی معاشی مشکلات میں گھرے ہوں گے تو اس کے براہِ راست منفی اثرات طلبہ کی تعلیم پر بھی پڑیں گے۔
صدر تنظیم اساتذہ ضلع خیبر شریف اللہ آفریدی نے کہا کہ پی ٹی سی فنڈ سے بھرتی شدہ اساتذہ نہایت محنت، ذمہ داری اور لگن کے ساتھ تدریسی فرائض انجام دے رہے ہیں، جبکہ سکول ہیڈز بھی ان کی کارکردگی سے مکمل طور پر مطمئن ہیں۔ ان اساتذہ نے مختصر عرصے میں اپنی بہترین تدریسی صلاحیتوں سے طلبہ اور سکولوں کے لیے مثبت کردار ادا کیا ہے۔
انہوں نے وزیراعلیٰ خیبرپختونخوا سہیل آفریدی اور متعلقہ حکام سے مطالبہ کیا کہ عید سے قبل فوری طور پر پی ٹی سی فنڈ سے بھرتی شدہ اساتذہ کی تنخواہیں جاری کی جائیں تاکہ اساتذہ اور ان کے خاندان عید کی خوشیوں میں شریک ہوسکیں اور تعلیمی سرگرمیاں بھی متاثر نہ ہوں۔
شریف اللہ آفریدی
صدر تنظیم اساتذہ ضلع خیبر

میرا ڈرائیونگ لائسنس لنڈیکوتل بازار میں کہیں گم ہو گیا ہے۔ جس کسی کو بھی ملے، رابطہ کریں: 📞 [ 03005954686 ] مہربانی ہوگی...
11/05/2026

میرا ڈرائیونگ لائسنس لنڈیکوتل بازار میں کہیں گم ہو گیا ہے۔ جس کسی کو بھی ملے، رابطہ کریں:
📞 [ 03005954686 ] مہربانی ہوگی اگر اس پیغام کو شیئر بھی کریں 🙏

لنڈی کوتل: ڈسٹرکٹ پریس کلب لنڈی کوتل رجسٹرڈ میں سینئر صحافیوں کا ایک اہم اجلاس منعقد ہوا جس میں صحافیوں کو درپیش مسائل، ...
08/05/2026

لنڈی کوتل: ڈسٹرکٹ پریس کلب لنڈی کوتل رجسٹرڈ میں سینئر صحافیوں کا ایک اہم اجلاس منعقد ہوا جس میں صحافیوں کو درپیش مسائل، عوامی خدمات اور لنڈی کوتل صحافیوں کی جانب سے عوامی آواز کو اجاگر کرنے سے متعلق اہم امور پر تفصیلی بحث کی گئی۔

اجلاس میں سینئر صحافی اور ٹی یو جے سابق فاٹا کے سابق چیئرمین قاضی فضل اللہ، ٹی یو جے فاٹا کے نائب صدر ابوذر آفریدی، نورست آفریدی، اکمل خان قادری، شاہ رحمان شینواری ، شاہد شینواری، امین الحق آفریدی، نصیب شاہ شینواری، عطاء اللہ آفریدی، کامران شینواری ، اجمیر شینواری اور سراج آفریدی نے شرکت کی ۔

اس موقع پر قاضی فضل اللہ نے کہا کہ لنڈی کوتل کے صحافیوں نے مشکل اور کٹھن حالات میں بھی عوامی آواز کو اربابِ اختیار تک پہنچانے میں اہم کردار ادا کیا ہے۔ انہوں نے کہا کہ قبائلی صحافیوں نے عوامی خدمت کے بدلے قربانیاں دی ہیں اور کئی صحافیوں نے اپنے خون کے نذرانے بھی پیش کیے ہیں۔

صحافیوں نے کہا کہ ڈسٹرکٹ پریس کلب لنڈی کوتل رجسٹرڈ، تورخم روڈ دلاور خان بلڈنگ میں سن 2004 سے فعال ہے، تاہم اب بعض مخالف عناصر نے ایک نجی عمارت میں پریس کلب کے نام پر ہال کرائے پر لے رکھا ہے اور وہ مسلسل رجسٹرڈ پریس کلب اور صحافیوں کی ساکھ کو نقصان پہنچانے کی کوشش کر رہے ہیں۔

اجلاس کے شرکاء نے عوامی و سیاسی مشران سے مطالبہ کیا کہ وہ آگے بڑھ کر اس مسئلے کے حل کے لیے کردار ادا کریں تاکہ حقائق واضح ہوں اور صحافی برادری میں پائی جانے والی بے چینی کا خاتمہ ہوسکے۔

انہوں نے کہا کہ اگر مخالفین کی چھان بین کی گئی تو ان میں ایک بھی حقیقی صحافی باقی نہیں رہے گا۔

06/05/2026

نشہ سے انکار، زندگی سے پیار
بچوں کے لیے سپیشل کلاسز کا اجراء ،ہمارا مشن ہے کہ بچوں کی بہترین جسمانی اور ذہنی نشونما کریں تاکہ وہ معاشرے میں بہترین اور مثبت رول ادا کریں ، حیات نذیر شینواری ،برانچ چیف انٹرنیشنل کیوکشن کان کراٹے پاکستان
۔۔۔۔۔۔۔۔۔۔۔

ضلع خیبر کے تحصیل لنڈی کوتل میں تین دہائیوں سے نوجوانوں کی تربیت اور مثبت سرگرمیوں کے فروغ میں مصروف انٹرنیشنل کیوکشن کان کراٹے پاکستان اکیڈمی کا فعال اور مثبت کردار رہا ہے۔

حیات نذیر شینواری ،برانچ چیف انٹرنیشنل کیوکشن کان کراٹے پاکستان اور نور اسلم شینواری ،پاکستان برانچ چیف ،اکیڈیمی کے سینیر کوچ اور بین الاقوامی مارشل ارٹس کھلاڑی نے اس موقع پر کہا کہ ہم نے اکیڈیمی میں بچوں کے لیے سپشل کلاسز کا اجراء کیا ہے تاکہ قوم کے بچے مثبت سرگرمیوں میں مصروف ہو اور وہ معاشرے میں منفی سرگرمیوں سے بچ سکیں۔
ان کا کہنا تھا کہ اس علاقے کے نوجوانوں کو منشیات، بے روزگاری اور منفی سرگرمیوں سے محفوظ رکھنے کے لیے کھیلوں کے میدان میں بھی ہماری مارشل ارٹ اکیڈیمی اہم کردار ادا کر رہا ہے ، ان کا کہنا تھا کہ ہم گزشتہ تیس برسوں سے علاقے میں نوجوانوں کی جسمانی، ذہنی اور اخلاقی تربیت کے لیے سرگرم عمل ہے۔

انھوں نے کہا کہ لنڈی کوتل میں قائم یہ اکیڈمی نہ صرف مارشل آرٹس کی تربیت فراہم کر رہی ہے بلکہ نوجوانوں کو نظم و ضبط، خود اعتمادی، برداشت اور مثبت طرزِ زندگی اپنانے کا شعور بھی دے رہی ہے۔
اکیڈمی کے منتظمین کا کہنا تھا کہ ان کا بنیادی مقصد نوجوان نسل کو منشیات اور جرائم سے دور رکھ کر کھیلوں کی طرف راغب کرنا ہے تاکہ وہ معاشرے کے مفید شہری بن سکیں۔

اکیڈمی کے برانچ چیف حیات نذیر شینواری نے میڈیا سے خصوصی گفتگو کرتے ہوئے کہا کہ “نشہ سے انکار، زندگی سے پیار” صرف ایک نعرہ نہیں بلکہ ان کے ادارے کا مشن ہے۔ انہوں نے کہا کہ آج کے دور میں نوجوان نسل مختلف سماجی مسائل اور منفی رجحانات کا شکار ہو رہی ہے، جن میں منشیات سب سے بڑا خطرہ بن چکی ہیں۔ ایسے حالات میں کھیلوں کی سرگرمیاں نوجوانوں کو ایک مثبت راستہ فراہم کرتی ہیں۔ انھوں نے کہا کہ بچوں کی جسمانی اور ذہنی تربیت کے لیے سپشل کلاسز شروع کیے ہیں ۔

حیات نذیر شینواری کے مطابق انٹرنیشنل کیوکشن کان کراٹے پاکستان اکیڈمی گزشتہ تیس سال سے مسلسل علاقے کے بچوں اور نوجوانوں کو مارشل آرٹس کی تربیت فراہم کر رہی ہے۔
انہوں نے کہا کہ اگرچہ ہمارے ساتھ وسائل محدود ہیں اور سہولیات بھی نہ ہونے کے برابر ہیں تاہم جذبہ، محنت اور نوجوانوں کے شوق نے اس ادارے کو کامیابی کی طرف گامزن رکھا ہے ۔
ان کا کہنا تھا کہ وقت گزرنے کے ساتھ ساتھ اکیڈمی نے نہ صرف مقامی سطح پر شناخت حاصل کی ہے بلکہ اس کے تربیت یافتہ کھلاڑی قومی سطح پر بہترین کارکردگی دکھا چکے ہیں ، ان کا کہنا تھا کہ ہمارے کھلاڑیوں نے بین الاقوامی مقابلوں میں بھی پاکستان کی نمایندگی کی ہے اور پاکستان کا نام بین الاقوامی سطح پر روشن کیا ہے ۔

انہوں نے اس بات پر افسوس کا اظہار کیا کہ قبائلی اضلاع میں کھیلوں کے میدان اور سہولیات اب بھی ناکافی ہیں۔ ان کے مطابق یہاں ٹیلنٹ کی کوئی کمی نہیں، لیکن سرکاری سرپرستی اور بنیادی سہولیات کی عدم دستیابی نوجوانوں کی صلاحیتوں کے راستے میں رکاوٹ بنتی ہے۔ انہوں نے حکومت، اسپورٹس بورڈ اور متعلقہ اداروں سے مطالبہ کیا کہ قبائلی علاقوں میں کھیلوں کے فروغ کے لیے خصوصی اقدامات کیے جائیں تاکہ نوجوانوں کو بہتر مواقع میسر آ سکیں۔

اکیڈمی میں تربیت حاصل کرنے والے نوجوانوں نے بھی اپنے خیالات کا اظہار کرتے ہوئے کہا کہ کراٹے نے ان کی زندگی میں مثبت تبدیلی پیدا کی ہے۔ نوجوانوں کے مطابق کھیلوں کی سرگرمیوں نے انہیں نہ صرف جسمانی طور پر مضبوط بنایا بلکہ نظم و ضبط، وقت کی پابندی اور خود اعتمادی بھی سکھائی۔ ان کا کہنا تھا کہ اگر کھیلوں کے مزید مواقع فراہم کیے جائیں تو علاقے کے نوجوان بین الاقوامی سطح پر پاکستان کا نام روشن کر سکتے ہیں۔

مقامی سماجی شخصیات کے مطابق لنڈی کوتل جیسے سرحدی علاقے میں اس قسم کی سرگرمیاں انتہائی اہمیت رکھتی ہیں، کیونکہ یہ نوجوانوں کو منفی سرگرمیوں سے بچانے اور معاشرے میں مثبت سوچ کو فروغ دینے میں مددگار ثابت ہوتی ہیں۔ انہوں نے انٹرنیشنل کیوکشن کان کراٹے پاکستان اکیڈمی کی خدمات کو سراہتے ہوئے کہا کہ تین دہائیوں تک مستقل مزاجی کے ساتھ نوجوانوں کی تربیت کرنا ایک بڑا کارنامہ ہے۔

ضلع خیبر کے تحصیل باڑہ میں نامعلوم افراد کی جانب سے سکول کے مرکزی دروازے پر فائرنگ کے نتیجے میں سینئر سبجیکٹ ٹیچر (SST)...
06/05/2026

ضلع خیبر کے تحصیل باڑہ میں نامعلوم افراد کی جانب سے سکول کے مرکزی دروازے پر فائرنگ کے نتیجے میں سینئر سبجیکٹ ٹیچر (SST) مسافر شاہ جاں بحق ہو گئے۔ واقعے پر تعلیمی حلقوں میں گہرے دکھ اور تشویش کی لہر دوڑ گئی ہے۔
تنظیم اساتذہ پاکستان خیبر پختونخوا نے واقعے کی سخت الفاظ میں مذمت کرتے ہوئے مرحوم کے اہلِ خانہ سے دلی ہمدردی اور تعزیت کا اظہار کیا ہے۔ تنظیم کے ترجمان کے مطابق اساتذہ جیسے باوقار پیشے سے وابستہ افراد کو نشانہ بنانا نہایت افسوسناک اور ناقابلِ برداشت عمل ہے۔
تنظیم نے حکومت اور قانون نافذ کرنے والے اداروں سے مطالبہ کیا ہے کہ واقعے کی فوری اور شفاف تحقیقات کی جائیں، ملوث عناصر کو جلد از جلد گرفتار کر کے قانون کے مطابق سخت سزا دی جائے، اور تعلیمی اداروں سمیت سرکاری ملازمین کی سکیورٹی کو یقینی بنایا جائے۔

اعلان برائے مدرسہ مسجد امیر حمزہ و مدرسہ تعلیم القران طورخم باچامینہ طورخماسلام علیکم ورحمۃ اللہ وبرکاتہآپ حضرات کی خدمت...
03/05/2026

اعلان برائے مدرسہ مسجد امیر حمزہ و مدرسہ تعلیم القران طورخم باچامینہ طورخم

اسلام علیکم ورحمۃ اللہ وبرکاتہ

آپ حضرات کی خدمت میں ایک اہم گزارش پیش کر رہا ہوں۔
ہمارے مدرسہ مسجد امیر حمزہ و مدرسہ تعلیم القران طورخم باچامینہ کے لیے ایک اللہ کے نیک بندے نے 360 فٹ گہرا ٹیوب ویل وقف کیا ہے، جو ایک بہت بڑا صدقہ جاریہ ہے۔ تاہم اس ٹیوب ویل کو قابلِ استعمال بنانے کے لیے درج ذیل سامان کی فوری ضرورت ہے:
• بجلی کی تار — 360 فٹ
• پائپ — 360 فٹ
• مضبوط رسی — 360 فٹ
تمام صاحبِ حیثیت حضرات سے اپیل ہے کہ اس نیک کام میں بڑھ چڑھ کر حصہ لیں اور صدقہ جاریہ کا موقع حاصل کریں۔
مدرسہ کے طلباء اس وقت پانی کی شدید قلت کا سامنا کر رہے ہیں، جس کی وجہ سے انہیں سخت مشکلات کا سامنا ہے۔
رابطہ:
مفتی کاظم اللہ
مدرسہ مسجد امیر حمزہ و مدرسہ تعلیم القران طورخم باچامینہ
رابطہ نمبر:03078787573
اللہ تعالیٰ آپ سب کو اس کارِ خیر میں حصہ لینے کی توفیق عطا فرمائے۔ آمین

Address

Landi Kotal
25000

Website

Alerts

Be the first to know and let us send you an email when Landikotal posts news and promotions. Your email address will not be used for any other purpose, and you can unsubscribe at any time.

Shortcuts

Share