TMA Mailsi

27/03/2026

ڈپٹی کمشنر وہاڑی خالد جاوید گورائیہ نے زیر تعمیر ملٹی پرپز سپورٹس گراؤنڈ 63ڈبلیو بی کا وزٹ کیا ڈپٹی کمشنر کو سپورٹس گراؤنڈ کے تعمیراتی کام بارے تفصیلی بریفنگ دی گئی ڈپٹی کمشنر نے سپورٹس گراؤنڈ کے کام کی رفتار اور معیار کا جائزہ لیا اور ملٹی پریز سپورٹس گراؤنڈ کے کام کو مزید تیز کرنے کا حکم دیا.
ڈپٹی کمشنر خالد جاوید گورائیہ نے کہا کہ وزیراعلیٰ پنجاب مریم نواز شریف کی طرف سے کھیلوں کے فروغ کیلئے مثالی اقدامات کئے جارہے ہیں سالانہ ترقیاتی پروگرام کے تحت 3کروڑ روپے کی لاگت سے سپورٹس گراؤنڈ تعمیر کیا جارہا ہے سپورٹس گراؤنڈ کی تعمیر سے نوجوانوں کو کھیل کی بہترین سہولیات میسر آئے گی۔
اس موقع پر ڈی ڈی ڈویلپمنٹ محمد افضال، ڈسٹرکٹ سپورٹس آفیسر محمد عاصم بھٹی, اسسٹنٹ ڈائریکٹر پلاننگ محمد اصغر اور دیگرا فسران موجود تھے

27/03/2026

ڈپٹی کمشنر وہاڑی خالد جاوید گورائیہ کی ہدایت پر محکمہ سول ڈیفنس کی ٹیم نے تحصیل میلسی میں ایل پی جی کی غیر قانونی ڈیکینٹنگ کرنے والی دکانوں کے خلاف بڑی کارروائی کی۔
کارروائی کے دوران متعدد دکانوں پر چھاپے مارے گئے جہاں سے ایل پی جی ڈیکینٹنگ کا سامان قبضے میں لے کر 4 افراد کو گرفتار کر لیا گیا جبکہ 4 مقدمات بھی درج کر لیے گئے ہیں۔
ڈپٹی کمشنر وہاڑی خالد جاوید گورائیہ نے کہا کہ غیر قانونی ایل پی جی ڈیکینٹنگ نہ صرف قانون کی خلاف ورزی ہے بلکہ انسانی جانوں کے لیے بھی انتہائی خطرناک عمل ہے۔ اس حوالے سے زیرو ٹالرنس پالیسی اپنائی گئی ہے اور ایسے عناصر کے خلاف بلا امتیاز کارروائیاں جاری رہیں گی۔
ڈپٹی کمشنر خالد جاوید گورائیہ نے کہا کہ عوام کی جان و مال کے تحفظ کو یقینی بنانے کے لیے کارروائیاں جاری رہیں گی ۔

27/03/2026

ڈپٹی کمشنر وہاڑی خالد جاوید گورائیہ نے تحصیل ہیڈ کوارٹرز ہسپتال میلسی کا وزٹ کیا انہوں نے تمام وارڈز ، فارمیسی سٹورکا تفصیلی معائنہ کرتے ہوئے علاج معالجہ، ادویات کی فراہمی، وہیل چئیرز کی دستیابی اور صفائی کا جائزہ لیا.
ڈپٹی کمشنر نے مریضوں کی تیمار داری کی اور طبی سہولیات کی فراہمی بارے دریافت کیا۔جس پر مریضوں نے طبی سہولیات کی فراہمی پر اطمینان کا اظہار کیا
ڈپٹی کمشنر وہاڑی خالد جاوید گورائیہ نے کہا کہ وزیراعلیٰ پنجاب مریم نواز شریف کے وژن پر ہسپتالوں میں بہترین سروس ڈیلیوری اولین ترجیح ہے ڈاکٹرز و سٹاف مریضوں سے حسن سلوک سے پیش آئیں.ڈاکٹرز یا سٹاف روسٹر کے مطابق ڈیوٹی پر موجود ہونے چاہئیں.
ڈپٹی کمشنر نے مزید کہا کہ مریضوں کو علاج معالجہ کی فراہمی میں کسی کی سستی یا غفلت برداشت نہیں کی جائے گی ہسپتال میں صفائی ستھرائی کا خاص خیال رکھا جائے۔
اس موقع پر اسسٹنٹ کمشنر میلسی سعد بن خالد، ڈی ڈی ڈویلپمنٹ محمد افضال، ایم ایس ٹی ایچ کیو ہسپتال اور دیگر افسران موجود تھے

27/03/2026

پٹی کمشنر وہاڑی خالد جاوید گورائیہ نے اراضی ریکارڈ سنٹر کا وزٹ کیا اراضی ریکارڈ سنٹر میں سروس ڈیلیوری،سائلین کیلئے سہولیات کی فراہمی کا جائزہ لیا ۔ سائلین کیلئے بیٹھنے، پینے کے پانی کی فراہمی کا جائزہ بھی لیا
ڈپٹی کمشنر خالد جاوید گورائیہ نے کہا کہ اراضی ریکارڈ سنٹر میں سائلین کو بہترین ریونیو سروسز کی فراہمی یقینی بنائی جائےسنٹر میں اعلیٰ نظم ونسق کو ہمہ وقت برقرار رکھا جائےسائلین کو انتظار کی زحمت نہ کرنی پڑے کام رفتار سے نمٹائیں.
ڈپٹی کمشنر نے ستھرا پنجاب دفتر کا بھی وزٹ کیا سروسز کی فراہمی کا معائنہ کیا اورسروسز کی فراہمی کے طریقہ کار اور مختلف امور کا جائزہ لیا ۔
اس موقع پر اسسٹنٹ کمشنر سعد بن خالداور اراضی ریکارڈ سنٹر کے افسران موجود تھے

27/03/2026

زیراعلیٰ پنجاب مریم نواز شریف کے وژن پر میلسی شہر میں مثالی ترقیاتی کام جاری ہیں.
ڈپٹی کمشنر وہاڑی خالد جاوید گورائیہ نے میلسی میں زیر تعمیر جمنیزیم اورریلوے پارک کا دورہ کیا انہوں نے ترقیاتی سکیموں پر کام کی رفتار اور معیار کا جائزہ لیا گیا. ڈپٹی کمشنر نے ترقیاتی کاموں میں شفافیت کو یقینی بناتے ہوئے بروقت مکمل کرنے کا حکم دیا.
ڈپٹی کمشنر خالد جاوید گورائیہ نے کہا کہ 5کروڑ روپے کی لاگت سے جمنیزیم کی بحالی کا کام جاری ہے۔6کروڑ50لاکھ روپے سے ریلوے پارک تعمیر کیا جارہا ہے جمنیزیم سے نوجوانوں کو ان ڈور گیمز کی سہولیات میسر آئیں گی.
ڈپٹی کمشنر نے مزید کہا کہ ریلوے پارک کی تعمیر سے عوام کو معیاری تفریح کی سہولت ملے گی ترقیاتی منصوبے شہریوں کے معیار زندگی میں بہتری اور صحت مند ماحول کی فراہمی میں اہم کر دار ادا کریں گے۔
اس موقع پر اسسٹنٹ کمشنر میلسی سعد بن خالد،ڈی ڈی ڈویلپمنٹ محمد افضال، اسسٹنٹ ڈائریکٹر پلاننگ محمد اصغر اور دیگر افسران موجود تھے

05/03/2026

ڈپٹی کمشنر وہاڑی خالد جاوید گورائیہ کی زیر صدارت لوکل گورنمنٹ جوائنٹ اتھارٹی کا اجلاس منعقد ہوا۔اجلاس میں 7کروڑ44لاکھ روپے کی 5ترقیاتی سکیموں کی منظوری دی گئی ڈپٹی کمشنر نے کہا کہ وزیراعلیٰ پنجاب مریم نواز شریف کے وژن پر شہروں کی بیوٹیفکیشن اور عوامی فلاح و بہبود کے منصوبوں پر تیزی سے کام جاری ہے۔4کروڑ روپے کی لاگت سے کلین اینڈ گرین پارک لڈن روڈ کی بحالی و تزئین آرائش اور سپورٹس ایرینا تعمیر کیا جائے گا۔
ڈپٹی کمشنر نے مزید کہا کہ شاہراہوں کے اطراف و چوکوں میں 59لاکھ روپے سے آر سی سی پلانٹر اور پودے لگائے جائیں گے ایک کروڑ99لاکھ روپے لاگت سے سلاٹر ہاؤس کی بحالی پر خرچ کئے جائیں گے۔
انہوں نے مزید کہا کہ پارکوں میں فلڈ لائٹس،اوپن جم، بچوں کے کھیلنے کیلئے اقدامات کئے جائیں گے۔ پارکوں میں خوبصورت رنگا رنگ، دلکش لائٹس لگائی جارہی ہیں۔ڈپٹی کمشنر نے مزید کہا کہ ڈی ایس پی چوک میلسی میں 19لاکھ 82ہزار روپے سے مونومنٹس لگائے جائیں گے50لاکھ روپے سے نتھے شاہ کے قریب وہاڑی روڈ پر پبلک ٹوائلٹس تعمیر کئے جائیں گے۔

21/02/2026

نجاب کی وزیر اعلیٰ مریم نواز شریف نے گزشتہ سال 76 بسوں کے ساتھ چیف منسٹر ٹرانسپورٹ پروگرام کا آغاز کیا تھا، جس کا مقصد صوبے بھر کے گرلز کالجز میں تیز رفتاری سے تعلیمی سہولیات فراہم کرنا ہے۔ اس پروگرام کے تحت پہلے مرحلے میں 19 تحصیلوں میں بسوں کی تقسیم کی گئی ہے
ان شاء اللہ کل وزیر اعلیٰ کی پِنک بس فیمیل اسٹوڈنٹس کے لیے ان کالجز میں بھیجی جائے گی:
1. میلسی
2. بوریوالا
3.ماچھیوال
4. سمندری
5. عارفوالا
6. گوجر خان
7. صادق آباد اور سمن آباد فیصل آباد

21/02/2026

حکومتِ پنجاب کی ہدایات اور ڈپٹی کمشنر وہاڑی کے جاری کردہ احکامات کے مطابق ضلع وہاڑی میں عوامی جان و مال کے تحفظ کو یقینی بنانے کے لیے دفعہ 144 نافذ کر دی گئی ہے۔ اس اقدام کا مقصد غیر محفوظ تعمیرات اور بغیر اجازت کھدائی جیسے خطرناک عوامل کی روک تھام ہے، تاکہ کسی بھی ناخوشگوار واقعہ سے بچا جا سکے۔
احکامات کے تحت متعلقہ لوکل گورنمنٹ کی پیشگی تحریری اجازت کے بغیر 3 فٹ سے زائد گہرائی تک گڑھے، کھائیاں یا کنویں کھودنے پر پابندی عائد کی گئی ہے۔ اسی طرح کسی بھی عمارت کی تعمیر یا انہدام کے دوران مناسب حفاظتی انتظامات کرنا لازمی قرار دیا گیا ہے، جن میں سائٹ کو لوہے کی چادروں سے کور کرنا، 24 گھنٹے سیکیورٹی گارڈز کی تعیناتی اور رات کے وقت مناسب روشنی کا انتظام شامل ہے۔
یہ حکم فوری طور پر نافذ العمل ہے اور 28 فروری 2026 تک مؤثر رہے گا۔
عوام الناس سے اپیل ہے کہ ان ہدایات پر سختی سے عملدرآمد کریں اور کسی بھی خلاف ورزی کی صورت میں فوری طور پر ضلعی انتظامیہ کو آگاہ کریں۔ ضلعی انتظامیہ عوام کے جان و مال کے تحفظ کے لیے ہر ممکن اقدامات بروئے کار لا رہی ہے۔

31/01/2026

28/01/2026

مئونسپل کمیٹی میلسی کی جانب سے اطلاع دی جاتی ہے کہ 13 جنوری 2026 کو ریڑھی بازار میلسی میں شفٹنگ کے لئے قرعہ اندازی کی گئی تھی۔ جو صاحبان شفٹ ہونے کے لئے منتخب ہوئے تھے، ان میں سے کچھ شفٹ ہو رہے ہیں اور کچھ نہیں ہوئے۔
اس سلسلے میں اطلاع دی جاتی ہے کہ جو ریڑھی بان *جمعہ، 30 جنوری 2026* کی دن 3 بجے تک ریڑھی بازار میں شفٹ نہیں ہوں گے، ان کا نام کینسل کر دیا جائے گا اور ان کے سٹال Priority والے دوسرے بندوں کو الاٹ کر دیے جائیں گے۔
میونسپل کمیٹی میلسی کی جانب سے ریڑھی بانوں سے درخواست ہے کہ وہ اپنی شفٹنگ کے لئے تعاون کریں اور وقت پر ریڑھی بازار میں پہنچ جائیں۔
بحکم : میونسپل کمیٹی میلسی

25/01/2026

حکومتِ پنجاب اور ڈپٹی کمشنر وہاڑی کی ہدایات پر عملدرآمد کرتے ہوئے میونسپل کمیٹی میلسی نے ٹی ایم اے پارک (کمیٹی باغ) میلسی میں جدید اور معیاری لائٹنگ کا شاندار کام مکمل کر لیا ہے۔ اس منصوبے کی تکمیل سے پارک کی مجموعی خوبصورتی میں نمایاں اضافہ ہوا ہے اور اب یہ پارک رات کے اوقات میں بھی دیدہ زیب منظر پیش کر رہا ہے۔
لائٹنگ کے اس منصوبے کی نگرانی اسسٹنٹ کمشنر میلسی محمد سعد بن خالد نے کی، جبکہ چیف آفیسر میونسپل کمیٹی میلسی مہر اویس اقبال نے رات گئے کمیٹی باغ کا دورہ کر کے لائٹنگ کے کام کا باقاعدہ معائنہ کیا۔ اس موقع پر چیف آفیسر نے کہا کہ کمیٹی باغ میں لائٹنگ کی تنصیب عوام کو بہتر تفریحی سہولیات فراہم کرنے کی جانب ایک اہم قدم ہے۔
انہوں نے مزید کہا کہ میونسپل کمیٹی میلسی شہریوں کی فلاح و بہبود اور عوامی مقامات کی بہتری کے لیے مسلسل اقدامات کر رہی ہے، تاکہ شہری ایک محفوظ، خوبصورت اور خوشگوار ماحول میں تفریح حاصل کر سکیں۔
میونسپل کمیٹی میلسی کے عہدیداروں کا کہنا ہے کہ پارک کی تزئین و آرائش اور سہولیات میں بہتری کا یہ سلسلہ آئندہ بھی جاری رہے گا، تاکہ عوام اس پارک سے زیادہ سے زیادہ فائدہ اٹھا سکیں۔