Malakand Forest Division at Batkhela - Official

20/08/2026

14/08/2026

Independence Day Mega Plantation 2026. Malakand Forest Division.

14/08/2026

Dated: 14 Aug 2026
Mega plantation drive

Today the worthy chief conservator of forests Malakand forest region. III and Mr. Peer Islam Tehsil Chairman Dargai visited haryankot planting site and took active part in mega plantation drive. On the eve, they planted saplings of olive. In the event, staff of forest dept, workers of PTi, VDC members, PIC team BTASP and students participated with full spirit.

Malakand Forest Division.

13/08/2026

تاریخ: 13 اگست 2026
یومِ آزادی پاکستان، 14 اگست کے موقع پر منعقد ہونے والے میگا ایونٹس میں محکمہ جنگلات ملاکنڈ ڈویژن بھرپور شرکت کر رہا ہے۔ اس قومی دن کی مناسبت سے شجرکاری اور ماحولیاتی تحفظ کے پیغام کو اجاگر کرنے کے لیے محکمہ جنگلات کی جانب سے خصوصی شجرکاری سرگرمیوں کا انعقاد کیا جا رہا ہے۔

اسی سلسلے میں 14 اگست 2026 کو منعقد ہونے والے میگا ایونٹس میں شجرکاری کو خصوصی اہمیت دی گئی ہے،

اس شجرکاری کا بنیادی مقصد عوام میں درختوں کی اہمیت، ماحولیاتی تحفظ، موسمیاتی تبدیلی کے اثرات میں کمی اور سرسبز و شاداب پاکستان کے فروغ کے حوالے سے شعور اجاگر کرنا ہے۔
محکمہ جنگلات ملاکنڈ ڈویژن اس عزم کا اعادہ کرتا ہے کہ شجرکاری صرف ایک دن کی سرگرمی نہیں بلکہ ایک مسلسل قومی ذمہ داری ہے۔ اس مقصد کے لیے محکمہ جنگلات آئندہ بھی مختلف سرکاری اداروں، تعلیمی اداروں، کمیونٹی اور عوامی نمائندوں کے تعاون سے شجرکاری مہم کو مزید مؤثر بنائے گا۔
“ایک پودا، ایک عہد — سرسبز پاکستان کے نام”

12/08/2026

14 اگست — یومِ آزادی شجرکاری مہم 🌱
خیبر پختونخوا میں 1.4 ملین پودوں کی شجرکاری
یومِ آزادی کے موقع پر خیبر پختونخوا میں 1.4 ملین پودے لگانے کی مہم کا مقصد صوبے کے جنگلات اور سبز رقبے میں اضافہ، ماحولیاتی آلودگی میں کمی، حیاتیاتی تنوع کا تحفظ اور آنے والی نسلوں کے لیے صاف و سرسبز ماحول کی فراہمی ہے۔
آئیں! آزادی کا جشن ایک پودا لگا کر منائیں۔
🌳 درخت لگائیں — مستقبل سنواریں
سرسبز خیبر پختونخوا — مضبوط پاکستان

11/08/2026

🌱 ڈی سی ہاؤس ملاکنڈ میں مون سون شجرکاری مہم کا انعقاد

🌿 صوبائی حکومت خیبر پختونخوا اور ڈپٹی کمشنر ملاکنڈ، محمد فیاض خان شیرپاؤ کی ہدایات پر محکمہ جنگلات ملاکنڈ کے زیرِ اہتمام ڈی سی ہاؤس ملاکنڈ میں مون سون شجرکاری مہم کا انعقاد کیا گیا۔ ڈپٹی کمشنر ملاکنڈ نے مون سون شجرکاری مہم میں بطور مہمانِ خصوصی شرکت کی۔ اس موقع پر ڈویژنل فاریسٹ آفیسر ملاکنڈ، ریجنل فاریسٹ آفیسر بٹ خیلہ اور محکمہ جنگلات کے دیگر افسران بھی موجود تھے۔

🌳 ڈپٹی کمشنر ملاکنڈ نے ڈی سی ہاؤس کے احاطے میں دیودار کا پودا لگا کر مہم کا باقاعدہ آغاز کیا۔ مہم کے دوران مجموعی طور پر 50 پودے لگائے گئے.

🌍 اس موقع پر ماحولیات کے تحفظ، موسمیاتی تبدیلیوں کے اثرات میں کمی اور سرسبز و شاداب پاکستان کے قیام کے لیے شجرکاری کی اہمیت کو اجاگر کیا گیا۔ محکمہ جنگلات نے مون سون شجرکاری مہم کے تحت جنگلات کے رقبے میں اضافے اور عوامی آگاہی کے عزم کا اعادہ کیا۔

08/08/2026

پاکستان 🇵🇰 کے نام سبز سلام — آزادی بھی، شجرکاری بھی!
آزادی صرف ایک دن منانے کا نام نہیں؛ یہ اپنی دھرتی، اپنے جنگلات، اپنے ماحول اور آنے والی نسلوں کے مستقبل کی حفاظت کا عہد بھی ہے۔

وزیراعلیٰ خیبرپختونخوا محمد سہیل آفریدی کی قیادت میں گرین پاکستان وژن کے تحت خیبرپختونخوا حکومت نے اس سال یومِ آزادی کو ایک منفرد قومی عزم کے ساتھ جوڑ دیا ہے—آزادی کا جشن، شجرکاری کے عزم کے ساتھ۔

یومِ آزادی: سبز عزم، سبز مستقبل

سرسبز خیبرپختونخوا وژن کو کامیابی سے ہمکنار کرنے کے لیے وزیراعلیٰ خیبرپختونخوا کے مشیر برائے محکمہ موسمیاتی تبدیلی، جنگلات، ماحولیات و جنگلی حیات پیر مصور خان کی خصوصی ہدایات کی روشنی میں شجرکاری کی سرگرمیوں کو منظم اور مؤثر انداز میں آگے بڑھایا جا رہا ہے۔

اسی عزم کے تحت 14 اگست کو پورے صوبے میں یومِ آزادی شجرکاری مہم کا باضابطہ آغاز بھرپور جوش و جذبے کے ساتھ کیا جائے گا، جس میں سرکاری اداروں، محکمہ جنگلات، سول سوسائٹی اور عوامی شمولیت کے ذریعے شجرکاری کو ایک قومی تحریک کی صورت دی جائے گی۔

🌿 14 اگست کی شجرکاری مہم — اہم اعداد و شمار

سیکرٹری موسمیاتی تبدیلی، جنگلات، ماحولیات و جنگلی حیات خیبرپختونخوا جنید خان کے مطابق صوبے بھر میں مون سون شجرکاری مہم پہلے ہی جاری ہے، جبکہ 14 اگست کو 14 لاکھ سے زائد پودے لگانے کی منصوبہ بندی کے تحت پودوں کی متعلقہ مقامات تک ترسیل کا عمل شروع ہو چکا ہے۔ شجرکاری کے لیے مقررہ مقامات پر گڑھوں کی کھدائی کا عمل بھی جاری ہے۔

🌱 44 مقامات پر بیک وقت شجرکاری
🌱 15 اضلاع اور 18 فارسٹ ڈویژنز میں وسیع پیمانے پر سرگرمیاں
🌱 1,469 ایکڑ رقبے پر شجرکاری
🌱 14 لاکھ سے زائد پودے ایک ہی دن میں لگانے کا عزم

یہ اعداد و شمار محض ایک شجرکاری مہم کی وسعت نہیں دکھاتے، بلکہ خیبرپختونخوا کو موسمیاتی تبدیلی کے اثرات سے محفوظ، سرسبز اور پائیدار بنانے کے اجتماعی عزم کی عکاسی کرتے ہیں۔

🌳 یہ صرف پودے لگانے کی مہم نہیں…
یہ دھرتی سے وفا، فطرت سے محبت، ماحول سے ذمہ داری اور نسلِ نو سے ایک سبز وعدہ ہے۔

آئیے اس یومِ آزادی اپنے ہاتھ میں سبز ہلالی پرچم کے ساتھ ایک ننھا سا پودا بھی تھامیں؛ کیونکہ آج کا لگایا ہوا پودا آنے والے کل میں سایہ، آکسیجن، خوبصورتی، حیاتیاتی تنوع اور امید کا درخت بنے گا۔

پرچم ہماری آزادی کی علامت ہے،
اور درخت ہماری آنے والی نسلوں کی ضمانت۔

آزادی بھی — شجرکاری بھی!
پاکستان کے نام — ایک سبز سلام!

لطیف الرحمان
ترجمان
محکمہ موسمیاتی تبدیلی، جنگلات، ماحولیات و جنگلی حیات
حکومتِ خیبرپختونخوا

Latif Ur Rehman
Spokesperson
Forestry Environment & Wildlife Department Khyber Pakhtunkhwa

Government of Khyber Pakhtunkhwa
Junaid Khan
Musavir Khan
Chief Minister Khyber Pakhtunkhwa