31/10/2025
*ڈی آئی جی ٹریننگ خیبر پختونخواہ جناب غلام مبشر میکن PSP کا دورہ پولیس ٹریننگ سکول مانسہرہ*
*ڈی پی او مانسہرہ شفیع اللہ گنڈاپور PSP ڈائریکٹر پولیس ٹریننگ سکول مانسہرہ نیاز گل خان PSP ڈی ایس پی ایڈمن محمد جاوید خان ڈی ایس پی سی ٹی ڈی سجاد حیدر اور دیگر افسران نے معزز مہمان خصوصی کا مانسہرہ آمد پر شاندار استقبال کیا اور پولیس ٹریننگ سکول مانسہرہ آمد پر خوش آمدید کہا*
*ڈی آئی جی ٹریننگ خیبر پختونخواہ جناب غلام مبشر میکن PSP نے آج پولیس ٹریننگ سکول مانسہرہ کا دورہ کیا۔ دورے کے دوران انہوں نے ٹریننگ سکول کے مختلف شعبہ جات، سیکورٹی پوائنٹس، ریکروٹس میس، لاء کلاسزز، ریکروٹس ہاسٹل، لائبریری، وردی گودام، جنرل گودام، دھوبی خانہ، تھانہ تربیتی، ویجلنس روم ،چاند ماری بٹ، پریڈ گراونڈ، سیکورٹی انتظامات، صفائی کی صورتحال اور زیر تربیت ریکروٹس کی تربیتی کارکردگی کا تفصیلی جائزہ لیا۔*
*ڈی آئی جی ٹریننگ نے ٹرینرز اور زیر تربیت اہلکاروں سے ملاقات کی اور انہیں پیشہ ورانہ مہارت، نظم و ضبط اور خدمتِ خلق کے جذبے کو مزید بہتر بنانے کی ہدایت دی۔ انہوں نے کہا کہ جدید خطوط پر تربیت پولیس فورس کی کارکردگی میں بہتری کی ضامن ہے۔*
*اس موقع پر ڈی آئی جی ٹریننگ نے سیکورٹی و صفائی کے نظام کو مزید مؤثر بنانے اور تربیتی معیار کو بلند کرنے کے حوالے سے ضروری ہدایات بھی جاری کیں۔*
*انہوں نے پولیس ٹریننگ سکول مانسہرہ کی انتظامیہ کی کارکردگی کو سراہتے ہوئے امید ظاہر کی کہ یہ ادارہ مستقبل میں بھی پیشہ ورانہ تربیت کے اعلیٰ معیار کو برقرار رکھے گا۔*
