07/05/2021
مردان۔کمشنر مردان ڈویژن منتظر خان نے بہترین کارکردگی پر پبلک سیفٹی کمیشن کے چیئرمین حاجی عبدالعزیز خان کو ایوارڈ سے نوازا۔اس حوالے سے ایک خصوصی تقریب منعقد ہوئی جس میں ڈویژنل سطح پر بہترین کارکردگی کا مظاہرہ کرنے والوں میں اسناد تقسیم کئے گئے۔کمشنر مردان ڈویژن منتظر خان نے حاجی عبد العزیز خان کی خدمات کو خراج تحسین پیش کرتے ہوئے کہا کہ انہوں نے انتظامیہ کے ساتھ ہر موقع پر بھر پور تعاون کیا اور عوامی مسائل کو بہتر انداز میں حل کیا۔حاجی عبد العزیز خان مردان سپر لیگ کے چیئرمین بھی ہے اور گزشتہ سال مردان سپر لیگ کے انعقاد پر انہیں صوبائی حکومت کی جانب سے بھی توصیفی سند دی گئی۔انہوں نے پاکستان سپر لیگ کے طرز پر مردان سپر لیگ کا انعقاد کیا جسے ملکی سطح پر سراہا گیا۔حاجی عبد العزیز خان نے کہاہے کہ مردان کے نوجوانوں کے ٹیلنٹ کا ابھارنے کے لئے تمام وسائل کو بروئے کار لا رہے ہیں۔انہو ں نے کہاکہ کورونا وائرس کی وجہ سے مارچ کے مہینے میں مردان سپر لیگ کا انعقاد نہیں کیا گیا جو نہی حالات بہتر ہونگے تو ایک بار پھر مردان کے شہریوں کی تفریحی اور یہاں کے کھلاڑیوں کو اپنی صلاحیتوں کو منوانے کا موقع دلائیں گے۔
