ءوامی.نشینل.پارٹی

30/07/2026

Himayat Ullah Mayar (Best Mayor Of Khyber Pakhtunkhwa ) Nominated For Fakhr-E-Pakhtunkhwa Award 2026
At Governor House Peshawar

30/07/2026

🟥پختونخوا عملاً لاوارث، عوام دہشتگردوں کے رحم و کرم پر ہیں، حکمران اقتدار کی سیاست میں مگن ہیں، ایمل ولی خان

🟥صرف گزشتہ چوبیس گھنٹوں کے دوران پختونخوا میں چار مختلف دہشت گرد حملے ہوئے

🟥عام عوام سمیت درجن سے زائد پولیس اہلکار شہید ہوئے لیکن حکمرانوں کے پاس مذمتی بیانات کے سوا کچھ نہیں

🟥حکمرانوں کا کام صرف مذمت کرنا نہیں بلکہ عملی اقدامات کرنا ہوتا ہے

🟥ناکام ریاستی پالیسیوں اور حکمرانوں کی نااہلی کی قیمت پختونخوا کے عوام اور پولیس فورس ادا کررہی ہے

🟥عوامی نیشنل پارٹی سوات، ہنگو اور پشاور میں پولیس جبکہ وزیرستان میں مسجد پر کواڈ کاپٹر حملے کی شدید مذمت کرتی ہے

🟥واقعات میں شہید ہونے والے پولیس اہلکاروں اور عام شہریوں کے اہل خانہ سے تعزیت کرتے ہیں

🟥یہ تمام واقعات ثبوت ہیں کہ ریاست اپنی رٹ قائم کرنے میں ناکام ہو چکی ہے

🟥بدقسمتی سے پختونخوا حکومت ایک سزا یافتہ قیدی کی رہائی کے لیے جلسے جلوسوں میں مصروف ہے

🟥وفاقی حکومت کی تمام تر توجہ کشمیر کے انتخابات میں دھاندلی پر مرکوز ہے

🟥پختونخوا اور بلوچستان کے عوام بدامنی کی آگ میں جل رہے ہیں، روزانہ جنازے اٹھ رہے ہیں

🟥اقتدار کے ایوانوں میں بیٹھےبے حس لوگ اپنی اپنی سیاسی ترجیحات بچانے میں لگے ہوئے ہیں

🟥دہشت گردی کے خلاف واضح ریاستی پالیسی نہ ہونے کی سزا آج پختونخوا اور بلوچستان کے عوام بھگت رہے ہیں

🟥حکمرانوں کی نااہلی، بے حسی اور غیر سنجیدگی نے دہشت گردوں کو دوبارہ منظم ہونے کا موقع دیا ہے

🟥پرائے مفادات کیلئے پختونخوا اور بلوچستان کو قربان کیا جارہا ہے، اگر ریاست نے اب بھی اپنی ذمہ داری پوری نہ کی تو حالات مزید سنگین ہوں گے

🟥دہشت گردی کے خلاف عوامی نیشنل پارٹی کا موقف روز اول سے بالکل واضح ہے، اس سرزمین پر قبضے کے ہر خواب کے سامنے پہلی دیوار عوامی نیشنل پارٹی ہے

🟥واضح کرتے ہیں کہ ہم نہ ماضی میں دہشت گردی کے سامنے جھکے تھے، نہ آج جھکیں گے۔ امن، جمہوریت اور پختون وطن کے دفاع کی جدوجہد ہر قیمت پر جاری رہے گی

|

24/07/2026

مستونگ میں سیشن جج عبدالحکیم کاکڑ کی ٹارگٹ کلنگ، عوامی نیشنل پارٹی کے صدر سینیٹر ایمل ولی خان کی مذمت

⚫️سیشن جج عبدالحکیم کاکڑ کی گن مین سمیت ٹارگٹ کلنگ انتہائی افسوسناک اور دلخراش ہے

⚫️عبدالحکیم کاکڑ ایک باوقار، اصول پسند اور دیانت دار جج تھے

⚫️ان کے فیصلے ظاہر کرتے ہیں کہ وہ قانون کی حکمرانی، انصاف، آئینی حقوق اور آزاد عدلیہ پر یقین رکھتے تھے

⚫️موجودہ حالات میں، جب ہر ادارہ دباؤ کا شکار ہے، عبدالحکیم کاکڑ نے ہمیشہ عدل و انصاف کا علم بلند رکھا

⚫️انہوں نے اپنے ایک بھائی، جمال عبدالناصر ایڈوکیٹ، کو سانحہ 8 اگست 2016 میں کھویا تھا

⚫️جج عبدالحکیم کاکڑ پر دن دیہاڑے اس طرح کا حملہ صرف ایک فرد نہیں بلکہ انصاف اور قانون کی حکمرانی پر حملہ ہے

⚫️بلوچستان اور پختونخوا میں امن و امان کی صورتحال مسلسل بدترین ہوتی جا رہی ہے

⚫️ایسا محسوس ہوتا ہے کہ یہاں جنگل کا قانون نافذ ہو چکا ہے، جہاں نہ عام شہری محفوظ ہیں، نہ سیاسی کارکن، نہ پولیس اہلکار اور اب انصاف فراہم کرنے والے ججز بھی دہشت گردوں کے نشانے پر ہیں۔

⚫️یہ صورتحال ریاست اور متعلقہ اداروں کی کارکردگی پر سنگین سوالیہ نشان ہے، جو شہریوں کے جان و مال کے تحفظ کی آئینی ذمہ داری پوری کرنے میں ناکام دکھائی دیتے ہیں

⚫️مسلسل ٹارگٹ کلنگ، دہشت گردی اور خونریزی کے واقعات ثبوت ہیں کہ موجودہ پالیسی اور سکیورٹی حکمتِ عملی مؤثر ثابت نہیں ہو رہی

⚫️جب تک ڈیپ سٹیٹ اور سٹریٹیجک ڈیپتھ کی پالیسیوں کو تبدیل نہیں کیا جاتا، حالات کبھی بہتر نہیں ہوں گے۔

⚫️ریاست کو ہر صورت سنجیدگی دکھانی ہوگی، محض بیانات اور تقریروں سے نہ دہشت گردی ختم ہو سکتی ہے اور نہ امن آ سکتا ہے

⚫️خبردار کرتے ہیں کہ سنجیدہ اقدامات میں مزید تاخیر کے نتائج نہایت خطرناک ہوں گے

⚫️شہید سیشن جج عبدالحکیم کاکڑ اور ان کے گن مین کے اہل خانہ سے دلی تعزیت اور مکمل یکجہتی کا اظہار کرتے ہیں

⚫️اللہ تعالی شہداء کے درجات بلند فرمائے اور لواحقین کو صبر جمیل دے

⚫️حملے میں زخمی ہونے والے ایڈیشنل سیشن جج طارق لاشاری کی جلد اور مکمل صحت یابی کے لیے دعاگو ہیں

|

16/07/2026

اسلام آباد: عوامی نیشنل پارٹی کے مرکزی صدر سینیٹر ایمل ولی خان نے وزیرِاعظم میاں محمد شہباز شریف سے ملاقات کی

ملاقات میں ملک کی مجموعی سیاسی صورتحال اور اہم امور پر تفصیلی تبادلۂ خیال کیا گیا

ملاقات کے دوران خیبر پختونخوا اور بلوچستان میں امن و امان کی مخدوش صورتحال پر بھی تفصیلی گفتگو ہوئی

مرکزی صدر ایمل ولی خان نے پختونخوا اور بلوچـستان کے بگڑتے حالات پر تشویش کا اظہار کرتے ہوئے پائیدار امن کے قیام کے لیے مؤثر اور سنجیدہ اقدامات کی ضرورت پر زور دیا

مرکزی صدر ایمل ولی خان نے وزیراعظم سے مطالبہ کیا کہ پختونخوا اور بلوچستان کے حالات بارے دونوں صوبوں کے سٹیک ہولڈرز کا ایک خصوصی جرگہ/اجلاس منعقد کیا جائے

جرگہ میں دونوں صوبوں میں قیام امن کیلئے سٹیک ہولڈرز سے تجاویز طلب کی جائیں اور ان پر حکومتی سطح پر عملدرآمد یقینی بنایا جائے

وزیراعظم نے ایمل ولی خان کی تجویز سے اتفاق کیا اور اس اہم مسئلے پر جلد تمام متعلقہ سٹیک ہولڈرز کا اجلاس منعقد کرنے کی یقینی دہانی کرائی

سینیٹر ایمل ولی خان نے وفاقی حکومت کی جانب سے مالاکنڈ ڈویژن اور ضم اضلاع میں ٹیکس نافذ کرنے کے فیصلے پر عوام میں پائی جانے والی شدید بے چینی اور اضطراب سے بھی وزیرِاعظم کو آگاہ کیا

ایمل ولی خان نے اس بات پر زور دیا کہ ان علاقوں کے عوام کے تحفظات کو مدنظر رکھتے ہوئے فیصلے پر نظرِ ثانی کی جائے اور عوام کے اعتماد کو بحال کرنے کیلئے اقدامات کئے جائیں

مرکزی صدر ایمل ولی خان نے وزیراعظم میاں محمد شہباز شریف سے چارسدہ کے ڈسٹرکٹ ہسپتال میں ایم آر آئی اور سی ٹی سکین سمیت دیگر سہولیات کی عدم دستیابی اور اس سے عوام کو درپیش مشکلات سے بھی آگاہ کیا

وزیراعظم شہباز شریف نے فوری طور پر ہسپتال کیلئے ایم آر آئی اور سی ٹی سکین مشین کی فراہمی کی منظوری دی اور متعلقہ حکام کو ہدایات جاری کیں

|

13/07/2026

مالاکنڈ ڈویژن میں ٹیکس نفاذ کے خلاف عوامی نیشنل پارٹی کے زیر اہتمام لویہ جرگہ جاری ہے۔ صدر اے این پی خیبر پختونخوا میاں افتخار حسین افتتاحی خطاب کررہے ہیں۔

|

10/07/2026

08/07/2026

مالاکنڈ ڈویژن میں ٹیکس نفاذ کے خلاف اے این پی کا لویہ جرگہ 13 جولائی کو منعقد ہوگا

صوبائی صدر میاں افتخار حسین کا مختلف رہنماؤں سے ٹیلیفونک رابطہ، جرگہ میں شرکت کی دعوت دی

صدر اے این پی پختونخوا میاں افتخار حسین کا پاکستان تحریک انصاف کے صوبائی صدر جنید اکبر، پاکستان پیپلز پارٹی کے سیکرٹری جنرل ہمایون خان، صوبائی صدر محمد علی باچا، ڈویژنل صدر ملک عظمت، نیشنل ڈیموکریٹک موومنٹ کی صوبائی چیئرپرسن بشریٰ گوہر اور ٹریڈ یونین مالاکنڈ کے چیئرمین عبدالرحیم سے ٹیلی فونک رابطہ کیا۔ صوبائی صدر میاں افتخار حسین نےذمہ داران کو لویہ جرگہ میں شرکت کی دعوت دی۔ دعوت کو قبول کرتے ہوئے تمام رہنماؤں نے جرگہ میں شرکت کی یقین دہانی کرائی۔

|

08/07/2026

اسلام آباد: سینیٹ کی فنکشنل کمیٹی برائے انسانی حقوق کے اجلاس میں عوامی نیشنل پارٹی کے مرکزی صدر، سینیٹر ایمل ولی خان نے شرکت کی۔ اجلاس میں ملک بھر، بالخصوص خیبر پختونخوا اور بلوچستان میں انسانی حقوق کی مجموعی صورتحال، بنیادی شہری آزادیوں اور انسانی حقوق کی خلاف ورزیوں سمیت دیگر اہم امور پر تفصیلی غور کیا گیا۔
اجلاس میں انسانی حقوق کے تحفظ، قانون کی بالادستی، شفاف تحقیقات، متاثرین کو بروقت انصاف کی فراہمی اور آئینی و قانونی تقاضوں پر مؤثر عمل درآمد کی ضرورت پر زور دیا گیا۔
اجلاس میں متعلقہ اداروں کی ذمہ داریوں، متاثرین کو انصاف کی فراہمی اور انسانی حقوق کے فروغ سے متعلق دیگر اہم امور بھی زیرِ بحث آئے۔

|