24/08/2026
مردان میں تعلیمی اداروں کی حالت بہتر بنانے اور طلبہ کو بنیادی سہولیات کی فراہمی کے حوالے سے وزیراعلیٰ خیبرپختونخوا کے معاونِ خصوصی برائے بہبودِ آبادی طفیل انجم کی زیرِ صدارت اہم اجلاس منعقد ہوا۔
اجلاس میں سابق صوبائی وزیر ظاہر شاہ طورو، ممبرانِ صوبائی اسمبلی امیر فرزند خان اور عبدالسلام آفریدی، ڈی جی ایجوکیشن، سیکرٹری ایجوکیشن، ڈی ای او میل مردان، ڈی ای او فی میل مردان اور دیگر متعلقہ اعلیٰ حکام نے شرکت کی۔
اجلاس کے دوران مردان میں محکمہ تعلیم کی مختلف سکیموں پر پیش رفت، سکولوں کو درپیش مسائل اور بنیادی سہولیات کی کمی کا جائزہ لیا گیا۔ شرکاء نے اس بات پر زور دیا کہ تعلیمی اداروں میں سہولیات کی بہتری کے ساتھ ساتھ طلبہ و طالبات کو سازگار تعلیمی ماحول فراہم کرنا وقت کی اہم ضرورت ہے۔
اجلاس میں متعلقہ حکام کو ہدایت کی گئی کہ سکولوں میں موجود مسنگ سہولیات کی نشاندہی کرکے ان کی بحالی کا عمل ترجیحی بنیادوں پر مکمل کیا جائے، تاکہ مردان کے تعلیمی اداروں میں طلبہ کو بہتر سہولیات فراہم کی جا سکیں۔
