04/09/2025
*تعاون برائے سیلاب زدگان* *جمعیۃ علماء اسلام میاں چنوں خانیوال*
الحمدللہ رب العالمین جمعیۃ علماء اسلام نے ضلع بھر میں امیرِ ضلع محترم قاری محمد صفدر جاوید صاحب کی سرپرستی میں سیلاب زدگان کے لئے رفاہی تحریک کا بھر پور آغاز کر دیا ہے۔
اسی سلسلے میں آج ضلعی راہنما جمعیۃ علماء اسلام محترم مولانا قاری محمد جمیل انجم صاحب نے اپنے حلقۂ عمل موضع ڈانگرہ میں احباب کے تعاون سے تقریباً ایک ہزار افراد متاثرین سیلاب کے لئے کھانا تیار کیا۔
مولانا محمد اسماعیل انجم، راؤ شاہد شمس اور بندہ نے آج سارا دن حضرت قاری جمیل انجم صاحب کے ہمراہ سیلاب زدہ علاقے میں گزارا اور مستحقین تک کھانا پہنچایا۔
سیلاب زدگان کے پریشان کن احوال کا قریب سے مشاہدہ کیا جائے تو ان کے دکھ اور تکلیفوں کا صحیح ادراک ہوتا ہے اور ان کے لئے میدان عمل میں نکلنے کا جذبہ مزید بڑھ جاتا ہے۔
اس حوالے سے ان شاءاللہ اپنے تجربے اور مشاہدات کو آپ سے سانجھا کرتے رہیں گے۔
اللہ پاک سبھی اہل وطن کو جلد از جلد پہلے سے زیادہ خوشحالی عطاء فرمائے اور ان کے دکھوں کا مداوا فرمائے۔ اللہم آمین!
*زبیرسلیم*
