26/07/2026
یہ تصویر آج سے ساٹھ برس پرانی ہے اس یہ جامع مسجد اسکندر آباد کے سابقہ بزرگ عالم علامہ مولانا غلام نبی اور انکے تمام طلباء کی ہے جو ان کے پاس مسجد میں قرآن پاک کی تعلیم حاصل کرتے رہے ہیں اس تصویر میں اسکندر آباد کی گزشتہ ساٹھ سال کی تاریخ بھی چھپی ہوئی ہے اور وہ چہرے نظر آرہے ہیں جو آج کل دادا نانا بن چکے ہیں ان میں نظر آنے والے بچے ملکی سطح پہ بڑے بڑے بے عہدوں پہ فائز رہ کہ خدمات انجام دے چکے ہیں ۔۔۔ استاذ العلماء محترم جناب مولانا غلام نبی علیہ رحمہ نے جامع مسجد میں عرصہ تیس سال خدمات انجام دی ہیں اور اس مسجد کی تعمیر و ترقی اور فروغ علم دین میں بنیادی کردار ادا کیا ہے۔ اس وقت یہ مسجد چاروں فیکٹریوں کی مرکزی مسجد ہوا کرتی تھی اور اسکندر آباد کی فضا ایک پُرامن بارونق، اور ایک ماڈل کمیونٹی کی شکل میں تھی ملک بھر سے لوگ باعزت روزگار کے لئے وہاں آکر بس رہے ہیں اور وہاں کی فضاء میں ہر کوئی ایک فیملی کی طرح رہتا تھا نہ لڑائی نہ جھگڑا نہ ہی کوئی چوری ڈکیتی، بلکہ امن اور سلامتی کے ساتھ سب مل جل کر رہتے تھے۔۔۔ اور ایک دوسرے کی خوشی غمی میں سارے شریک ہوتے تھے، آج کل کے بچے اس دور کو جو اس تصویر کے موجود بچوں نے دیکھا ہے صرف اس پر امن و سکون کے دور کا شاید تصور ہی کر سکتے ہیں۔۔۔
