18/02/2026
میرپورخاص
ماروی آرٹس اکیڈمی میرپورخاص کے زیرِ اہتمام اور محکمہ ثقافت سندھ کے تعاون سے اجرک کلب ہال میں ماروی ایوارڈ 2026 کی پروقار تقریب منعقد ہوئی۔
تقریب کے مہمانِ خصوصی فتح محمد مری (وائس چانسلر، سندھ یونیورسٹی جامشورو) نے اپنے خطاب میں میرپورخاص کی تاریخ اور ثقافتی پہلوؤں پر تفصیلی روشنی ڈالتے ہوئے کہا کہ میرپورخاص ہمیشہ علمی، ادبی، ثقافتی اور سماجی شخصیات کا مرکز رہا ہے۔ انہوں نے زور دیا کہ ایسے پروگرامز کا تسلسل نوجوان نسل کو اپنی ثقافت سے جوڑے رکھنے کے لیے نہایت ضروری ہے۔
تقریب سے خطاب کرتے ہوئے ڈائریکٹر لائیو اسٹاک ڈاکٹر حاکم جلبانی نے کہا کہ موجودہ دور میں ثقافتی تقریبات کا انعقاد قابلِ تحسین عمل ہے۔
پیپلز پارٹی کلچر ونگ کے صدر پیر مزمل جان سرندی نے کہا کہ سندھ حکومت ثقافت کے فروغ کے لیے مختلف پروگرام منعقد کر رہی ہے۔ انہوں نے نوجوانوں پر زور دیا کہ وہ برائیوں سے بچنے اور ماحولیاتی تبدیلی کا مقابلہ کرنے کے لیے زیادہ سے زیادہ پودے لگائیں کیونکہ درختوں کی کٹائی مستقبل میں آکسیجن کے مسائل کو جنم دے سکتی ہے۔
ماروی آرٹس اکیڈمی کے چیئرمین غلام صدیق ساگر نے اپنے استقبالیہ خطاب میں کہا کہ اس پروگرام کا مقصد ثقافت، علم و ادب اور سرکاری و غیر سرکاری شخصیات کی خدمات کو خراجِ تحسین پیش کرنا ہے۔ انہوں نے صوبائی وزیر ثقافت سید ذوالفقار علی شاہ کے تعاون کو سراہا۔
تقریب میں مصباح ملک، غلام مصطفیٰ اجن، پارومل پریمی، قائم سولنگی، ساجد سولنگی اور دیگر شخصیات نے بھی خطاب کیا۔
🏅 اس موقع پر سرکاری و غیر سرکاری شعبوں سے تعلق رکھنے والی ثقافتی، ادبی اور سماجی شخصیات کو ماروی ایوارڈ سے نوازا گیا۔
🎶 تقریب کے اختتام پر معروف گلوکاروں
امانت علی,
شوکت فقیر,
جاوید فقیر,
محسن فقیر,
خوشبو لغاری,
صنم علی اور
آمنہ چانڈیو
نے اپنے فن کا شاندار مظاہرہ کر کے محفل کو خوب گرمایا۔
✨ یہ تقریب میرپورخاص کی ثقافتی روایات کو اجاگر کرنے
اور اہلِ فن کی حوصلہ افزائی کا خوبصورت مظہر ثابت ہوئی۔
