03/06/2026
شاہرگ ہرنائی اور قلعہ عبداللہ میں بےگناہ نہتے پشتونوں کا منظم قتل پشتون دشمن ریاستی پالیسیوں کا تسلسل اور پشتون وطن میں تشدد کو دوام دینے کی منظم سازش ہے۔ عیدالاضحیٰ کی مقدس رات کو ہرنائی میں نقاب پوش دہشت گردوں نے پانچ معصوم پشتونوں کو شہید کر دیا، جبکہ قلعہ عبداللہ کے میزائی اڈے کے مقام پر پانچ نہتے پشتونوں کو ٹارگٹ کلنگ کا نشانہ بنانا
یہ دہشت گردی کے واقعات واضح طور پر ثابت کرتے ہیں کہ پشتون دشمن قوتوں نے قاتلوں کے نئے ڈیتھ اسکواڈز تشکیل دے دیے ہیں، جن کا مقصد پشتون قوم کی آواز کو دبانا، استعماری قبضہ گری کو جواز فراہم کرنا اور قدرتی وسائل سے مالامال پشتون سرزمین پر پشتون نسل کشی جاری رکھتے ہوئے پشتون وطن پر استعماری قبضہ مزید مضبوط کرنا ہے۔
پشتون تحفظ موومنٹ ہرنائی کے عوام کی کمیٹی شہداء وطن کمیٹی کے احتجاج کی مکمل حمایت کرتی ہے ریاستی سرپرستی میں پشتون اور بلوچ ٹرانسپورٹرز کے اثاثوں کو آگ لگا کر ان کی معاشی قتل عام کیا جا رہا ہے، جو محکوم اقوام کے خلاف منظم معاشی دہشت گردی ہے۔
ضلع شیرانی میں دہشت گرد سرعام گھوم رہے ہیں، جبکہ ریاستی اداروں نے شام کے بعد سفر پر پابندی لگا رکھی ہے۔ دہشت گردوں کے خلاف کارروائی کرنے کے بجائے ریاست پرامن سیاسی کارکنوں اور حقیقی آوازوں کو نشانہ بنا رہی ہے۔ پی ٹی ایم ضلع شیرانی کے بزرگ رہنما سردار لالا کی بلاجواز گرفتاری کی شدید مذمت کرتے ہیں۔ یہ گرفتاری اس امر کا واضح ثبوت ہے کہ ریاست دہشت گردوں کو تحفظ فراہم کر رہی ہے اور حقیقی پشتون قومی و پرامن سیاسی آوازوں کو کچلنا چاہتی ہے۔
پی ٹی ایم جنوبی وزیرستان میں جاری احتجاج اور آج درہ آدم خیل میں ریاستی دہشت گردی کے خلاف ہونے والے احتجاج کی بھی مکمل حمایت کرتے ہیں۔
