Assistant Commissioner Lower Mohmand

01/06/2026

28/05/2026

لوئر مہمند کے عوام سے گزارش ہے کہ جن علاقوں میں ابھی تک قربانی کے جانوروں کی آلائشیں پڑی ہوئی ہیں اور ٹی ایم اے/لوکل گورنمنٹ کا عملہ وہاں نہیں پہنچا، وہ حضرات فوری طور پر متعلقہ جگہ کی نشاندہی کریں تاکہ ٹی ایم اے اور لوکل گورنمنٹ کا عملہ موقع پر پہنچ کر صفائی کے انتظامات مکمل کرے اور آلائشوں کو بروقت اٹھایا جا سکے۔
آپ کا تعاون صاف ستھرے اور صحت مند ماحول کے لیے انتہائی ضروری ہے۔

27/05/2026

اسسٹنٹ کمشنر لوئر مھمند نعمان پرویز نے آج عید الاضحی کے پہلے دن سب ڈویژن یکہ غنڈ کے مختلف علاقوں کا دورہ کیا اور قربانی کے موقع پر صفائی ستھرائی کے انتظامات کا تفصیلی جائزہ لیا۔ دورے کے دوران مختلف مقامات پر جاری صفائی سرگرمیوں، آلائشوں کو ٹھکانے لگانے اور عوامی سہولیات کی فراہمی کے اقدامات کو مانیٹر کیا گیا۔

اس موقع پر ٹی ایم اے اور لوکل گورنمنٹ اسٹاف سے بھی ملاقات کی گئی۔ متعلقہ عملے کو ہدایت جاری کی گئی کہ قربانی کے جانوروں کی آلائشوں اور دیگر گندگی کو بروقت صاف کیا جائے اور صفائی کے عمل میں کسی قسم کی غفلت نہ برتی جائے۔ اسسٹنٹ کمشنر نے اس بات پر زور دیا کہ عوام کو صاف ستھرا ماحول فراہم کرنے کے لیے تمام دستیاب وسائل بروئے کار لائے جائیں اور صفائی کے انتظامات ہر صورت یقینی بنائے جائیں۔

26/05/2026

26/05/2026

عید الاضحیٰ کے پُرامن اور منظم انتظامات کو یقینی بنانے کے لیے تحصیل کمپلیکس یکہ غنڈ میں ایک خصوصی کنٹرول روم قائم کر دیا گیا ہے، جو عید کے دنوں میں عوامی شکایات، رہنمائی اور ہنگامی صورتحال میں بروقت معاونت فراہم کرے گا۔ شہریوں سے گزارش ہے کہ کسی بھی مسئلے، شکایت یا معلومات کے لیے درج ذیل رابطہ نمبرز پر رابطہ کریں۔ آپ کا تعاون ضلعی انتظامیہ کے ساتھ ایک بہتر اور منظم عید کے انعقاد میں معاون ثابت ہوگا۔

Ph: 0924-225109
Cell: 0345 9262533

26/05/2026

آج اسسٹنٹ کمشنر لور مھمند نعمان پرویز بہ ہمراہ ٹریفک پولیس نے عید الاضحی کے موقع پر عوام کو ریلیف فراہم کرنے کے حوالے سے مختلف ٹرانسپورٹ روٹس کا دورہ کیا۔ دورے کے دوران گاڑیوں کے کرایوں کا تفصیلی جائزہ لیا گیا جبکہ مسافروں سے براہِ راست کرایوں کے بارے میں پوچھ گچھ بھی کی گئی۔

معائنہ کے دوران بعض گاڑیوں کی جانب سے مقررہ کرایہ سے زائد وصولی کی نشاندہی ہوئی، جس پر فوری کارروائی کرتے ہوئے متعلقہ ڈرائیوروں سے اضافی وصول شدہ رقم واپس لے کر متاثرہ مسافروں میں تقسیم کی گئی۔ مزید برآں، زائد کرایہ وصول کرنے والے بعض ڈرائیوروں کو موقع پر جرمانے بھی عائد کیے گئے۔

انتظامیہ کی جانب سے واضح کیا گیا کہ عید الاضحی کے دوران عوام سے زائد کرایہ وصول کرنے والوں کے خلاف کارروائیاں بلاامتیاز جاری رہیں گی تاکہ شہریوں کو ہر ممکن سہولت فراہم کی جا سکے۔

25/05/2026

ڈپٹی کمشنر مہمند کی ہدایات پر اسسٹنٹ کمشنر لوئر مہمند نعمان پرویز نے یکہ غنڈ میں درج ذیل سرگرمیاں انجام دیں:

1) بیکریوں کا معائنہ کیا گیا جہاں صفائی ستھرائی اور زائد نرخوں کی چیکنگ کی گئی۔ قیمتیں سرکاری نرخ ناموں کے مطابق پائی گئیں۔ صفائی اور حفظانِ صحت کے معیار کو برقرار رکھنے کی ہدایات جاری کی گئیں۔

2) یکہ غنڈ میں عام شہریوں میں (Bio degradable) بائیو ڈی گریڈیبل پلاسٹک بیگز تقسیم کیے گئے۔

3) ٹریفک اور ٹی ایم اے اسٹاف سے ملاقات کی گئی اور عید تعطیلات کے دوران ایس او پیز پر عملدرآمد سے متعلق ہدایات جاری کی گئیں۔

4) ٹرانسپورٹ کرایوں کی چیکنگ کی گئی جو تسلی بخش پائے گئے۔ ٹریفک انچارج کو کرایوں کی چیکنگ مزید مؤثر بنانے کی ہدایت جاری کی گئی۔

24/05/2026

*اطلاعِ عام*
سی جی جی سیCGGC ، جو مہمند ڈیم ہائیڈرو پاور پراجیکٹ (MDHPP) پر کام کر رہی ہیں، کو فوری بنیادوں پر درج ذیل عملہ درکار ہے:
* الیکٹرل ویلڈرز — 04 اسامیاں
* سٹیل فیکسرز — 05 اسامیاں
* کار پینٹر — 15 اسامیاں

تمام اہل امیدواران جو ضلع مہمند کے ڈومیسائل کے حامل ہوں، کو مطلع کیا جاتا ہے کہ وہ اپنی درخواستیں دفتر اسسٹنٹ کمشنر، لوئر مہمند میں بروز پیر، 25 مئی 2026 تک جمع کرائیں۔

تاخیر سے موصول ہونے والی یا نامکمل درخواستوں پر غور نہیں کیا جائے گا۔