Cancer Society Multan

17/09/2025

نوٹ : ویکسین والدین کی تحریری اجازت کے بعد لگائی جا رہی ہے۔۔
افواہ: یہ ویکسین لڑکیوں کو بانجھ بنا دیتی ہے۔
جواب: دنیا کے 100 سے زیادہ ممالک میں یہ ویکسین پچھلے 15 سال سے دی جا رہی ہے۔ کروڑوں لڑکیاں اور عورتیں یہ ویکسین لگا چکی ہیں۔ کہیں بھی اس بات کا کوئی ثبوت نہیں کہ یہ ویکسین بانجھ پن پیدا کرتی ہے۔ عالمی ادارہ صحت (WHO) اور UNICEF نے اس ویکسین کو محفوظ اور مؤثر قرار دیا ہے۔

افواہ: یہ ویکسین مغربی ممالک یا کسی خفیہ فنڈنگ کے تحت دی جا رہی ہے تاکہ ہماری لڑکیاں ماں نہ بن سکیں۔
جواب: اس ویکسین کی فنڈنگ عالمی ادارہ صحت (WHO)، یونیسف (UNICEF) اور حکومت پاکستان کر رہے ہیں تاکہ خواتین کو کینسر جیسی جان لیوا بیماری سے بچایا جا سکے۔ یہ خالصتاً صحت اور بچاؤ کے لیے ہے، اس کا کوئی سیاسی یا خفیہ ایجنڈا نہیں۔

افواہ: یہ ویکسین نئی ہے اور اس کے اثرات پتا نہیں۔
جواب: یہ ویکسین 2006 سے استعمال ہو رہی ہے اور دنیا بھر میں لاکھوں ریسرچ اسٹڈیز اس کی افادیت اور حفاظت ثابت کر چکی ہیں۔

افواہ: لڑکیوں کو یہ ویکسین دینے کی کوئی ضرورت نہیں۔
جواب: HPV ویکسین لڑکیوں کو رحم کے کینسر (Cervical Cancer) سے بچاتی ہے، جو پاکستان میں خواتین میں سب سے عام اور جان لیوا بیماریوں میں سے ایک ہے۔

افواہ: ویکسین سے فوری نقصان ہو سکتا ہے۔
جواب: زیادہ تر ضمنی اثرات ہلکے ہوتے ہیں جیسے بازو میں درد یا ہلکا بخار، جو ہر ویکسین میں عام ہیں اور چند دن میں ٹھیک ہو جاتے ہیں۔

📢 آپ کی گفتگو کے لیے مؤثر جملے:

"یہ ویکسین بیٹیوں کی حفاظت کے لیے ہے، ان کی ماں بننے کی صلاحیت کے خلاف نہیں۔"

"دنیا کی لاکھوں مائیں یہ ویکسین لگوا کر صحت مند زندگی گزار رہی ہیں۔"

"یہ قدم ہماری بیٹیوں کو کینسر سے بچانے کے لیے ہے، نہ کہ انہیں بانجھ بنانے کے لیے۔"

📌 HPV

سوال: کیا یہ ویکسین لڑکیوں کو بانجھ بنا دیتی ہے؟
جواب: نہیں! دنیا کے 100 سے زائد ممالک میںa کروڑوں لڑکیاں ویکسین لگا چکی ہیں، کہیں بھی بانجھ پن کا ثبوت نہیں ملا۔

سوال: اس کی فنڈنگ کون کر رہا ہے؟a
جواب: یہ حکومت پاکستان، WHO اور UNICEF کی صحت کی مہم ہے۔ مقصد صرف کینسر سے بچاؤ ہے، کوئی خفیہ ایجنڈا نہیں۔
A
سوال: کیا یہ نئی ویکسین ہے؟
جواب: نہیں، یہ 2006 سے استعمال ہو رہی ہے اور محفوظ ثابت ہو چکی ہے۔

سوال: لڑکیوں کو یہ کیوں لگائی جا رہی ہے؟
جواب: یہ ویکسین رحم کے کینسر سے بچاتی ہے، جو خواتین میں عام اور خطرناک بیماری ہے۔

سوال: کوئی نقصان یا سائیڈ ایفیکٹ ہوتا ہے؟
جواب: صرف معمولی سائیڈ ایفیکٹ ہو سکتے ہیں جیسے بازو میں درد یا ہلکا بخار، جو جلد ٹھیک ہو جاتا ہے۔

📢 یاد رکھنے کے جملے

"یہ ویکسین بیٹیوں کی حفاظت کے لیے ہے، ماں بننے کی صلاحیت کے خلاف نہیں۔"

"دنیا بھر کی مائیں یہ ویکسین لگوا کر صحت مند زندگی گزار رہی ہیں۔"

"یہ قدم ہماری بیٹیوں کو کینسر سے بچانے کے لیے ہے۔"

26/08/2025

31/05/2025

World No To***co Day 31 May 2025.

*عالمی یوم ترک تمباکومباکو 31 مئی 2025*

عالمی ادارہ صحت WHO ہر سال 31 مئی کو ترکِ تمباکو کا عالمی دن مناتا ہے یہ دن پوری دنیا میں منایا جاتا ہے. کینسر سوسائٹی ملتان پچھلے 30 سالوں سے اس دن کو مناتی آ رہی ہے، ہمارا مقصد لوگوں کو تمباکو نوشی کے نقصانات سے آگاہ کرنا اور تمباکو کے استعمال کو ترک کرنے کی ترغیب دینا ہے،
ہمارا حدف خاص طور پر اپنے بچوں اور نوجوانوں کو اس بُری عادت میں مبتلا ہونے سے بچانا ہے۔

تمباکو نوشی ہمارے معاشرے کی بہت بڑی لعنت ہے۔ سگریٹ، سگار، حقہ، بیڑی، پائپ، شیشہ، پان، چھالیہ، گٹکا اور نسوار یہ وہ بدترین چیزیں ہیں جو انسان کو موت کے قریب لے جاتی ہیں۔ ان سب کے مضر اثرات کے متعلق لوگوں میں آگاہی اور شعور پیدا کرنے کی اشد ضرورت ہے

اس سال یوم ترکِ تمباکو نوشی 2025 کی تھیم ہے

"Unmasking the Appeal: Exposing Industry Tactics on To***co and Ni****ne Products"

"اپیل کو بے نقاب کرنا: تمباکو اور نکوٹین مصنوعات پر صنعتی حربوں کو بے نقاب کرنا"

یہ تھیم تمباکو اور نکوٹین کی صنعتوں کی طرف سے استعمال کنندگان، خاص طور پر نوجوانوں کو اپنی طرف متوجہ کرنے اور برقرار رکھنے کے لیے استعمال کی جانے والی دھوکہ دہی والی مارکیٹنگ اور مصنوعات کی ڈیزائننگ کی حکمت عملیوں پر مرکوز ہے۔

یہ صنعتیں اور کمپنیاں دھوکہ دہی سے اپنی مصنوعات میں مختلف ذائقے اور خوشبوعات شامل کر کے ان کی پُر کشش پیکنگ کرتی ہے، پِھر پرنٹ میڈیا اور ڈیجیٹل میڈیا میں اسے گلیمرائزڈ کرکے انہیں دلکش انداز میں دِکھایا جاتا ہے اور لوگوں کو ورغلانے کی پوری کوشش کی جاتی ہے۔
ہمیں اپنے لوگوں کو خاص کر اپنے نوجوانوں کو اس پُرفریب شکاری مارکیٹنگ سے بچانا ہے۔

عالمی ادارہ صحت کے مطابق دنیا بھر میں ہر سال تمباکو 80 لاکھ سے زائد لوگوں کی اموات کا سبب بنتا ہے.
پاکستان میں ہر سال تمباکو نوشی کی وبا سے 1 لاکھ 66 ہزار اموات ہوتی ہیں، ان میں 31 ہزار بے چارے ایسے افراد ہیں جو دوسروں کی تمباکو نوشی کی وجہ سے جان کی بازی ہار جاتے ہیں۔

ہمارے ملک میں تقریباً 32 فیصد نوجوان اور 8 فیصد خواتین سگریٹ پیتی ہیں، اگر اس میں پان، گٹکا، نسوار اور شیشہ وغیرہ شامل کر لیا جائے تو ہماری 54 فیصد عوام اس لَت میں گرفتار ہے۔

ای۔سگریٹ اور نکوٹین پاؤچ جیسی مصنوعات کا استعمال بھی نوجوانوں میں بڑھ رہا ہے، اس کے تدارک کے لیۓ بھی فوری کاروائی کی ضرورت ہے۔

تمباکو نوشی انسانی جسم کے ہر عضو کو نقصان پہنچاتی ہے۔ تمباکو اپنے استعمال کرنے والوں میں سے تقریباً 50 فیصد تک کو ہلاک کردیتا ہے۔

طبی ماہرین کے مطابق 1 سگریٹ انسانی زندگی کے 8 منٹ کم کر دیتا ہے اور تمباکو نوش اپنی اوسط عمر سے 15 سال پہلے ہی مر جاتا ہے یا بِلآخر مر مر کے جیتا ہے

کسی بھی شکل میں تمباکو کا استعمال جان لیوا بیماریوں کا سبب بنتا ہے، کینسر ان میں سرِ فہرست ہے۔

تمباکونوشی سے ہونے والے کینسرز انسان کے اپنے ایجاد کردہ ہیں۔

تمباکو نوشی منہ، گلے اور پھیپھڑوں کے کینسرز کی سب سے بڑی وجہ ہے۔

خوراک کی نالی کا کینسر، چھاتی کا کینسر، معدے اور آنتوں کا کینسر، جگر کا کینسر، لبلبے کا کینسر، گردوں اور مثانے کا کینسر، ان سب کے پیدا یونے کی ایک بڑی وجہ تمباکو نوشی ہے۔

ہارٹ اٹیک، دمہ، دل دماغ اور دیگر نفسیاتی بیماریاں، ہڈیوں کا کمزور ہونا، چہرے اور جلد کی جُھریاں پڑنا، نظر کا کمزور ہونا اور دانتوں کے خراب ہوجانے کا سبب بھی تمباکو نوشی ہے۔

تمباکو نوشی کرنے والوں میں زیابیطس یعنی شوگر ہونے کا خطرہ 30 سے 40 فیصد زیادہ ہوتا ہے۔

تمباکو کا دھواں بچوں کی صحت کو شدید متاثر کرتا ہے، ان میں دمہ، سائنس انفیکشن، برونکائیٹس اور دماغی کمزوری کا خطرہ بڑھ جاتا ہے۔

تمباکو نوشی انسانیت کے لیۓ ایک بڑا خطرہ ہے۔

ہمارے پرنٹ میڈیا، ٹی وی، کیبل، شوبز، شوشل میڈیا، طلبا، اساتذہ کرام، ہمارے ڈاکٹرز اور بزنس کمیونٹی کو چاہئیے کہ، وہ اس مہم میں بھرپور حصہ لیں اور تمباکو نوشی کی روک تھام میں اپنا عملی کردار ادا کریں۔

ہماری حکومت سے اپیل ہے کہ تعلیمی نصاب میں تمباکو نوشی کے نقصانات کے حوالے سے مضامین بھی شامل کیۓ جائیں۔
اور تمباکو کی مصنوعات کی تشہیر پر بھی مکمل پابندی ہونی چاہیے، ان چیزوں پر زیادہ سے زیادہ ٹیکس لگا کر انھیں اتنا مہنگا کر دیں کہ یہ عام آدمی کی دسترس میں ہی نہ رہے۔
حکومت ممنوع تمباکو نوشی کے قوانین پر سختی سے عمل کراۓ اور خلاف ورزی کرنے پر سخت سزائیں بھی دلواۓ۔

تمباکو نوشی ایک سنگین غلطی ہے جو آپ کی جان لے سکتی ہے تمباکو کا اصل چہرہ موت اور ہولناکی ہے۔

سگریٹ کے ایک سرے پر آگ، دوسرے پر احمق اور درمیان میں تھوڑا سا تمباکو ہوتا ہے۔

تمباکو کو اپنی زندگی سے ختم کر دیں، جتنی جلدی کریں گے اتنا ہی بہتر ہوگا۔

اگر آپ تمباکو نوشی بند نہیں کرتے تو آپ کا کینسر اسے روک دے گا۔

تمباکو نوشی کے خلاف جنگ ہی دراصل کینسر کے خلاف جنگ ہے۔

ہر تمباکو نوش کو یہ سوچنا ہے کہ یہ عادت نہ صرف اس کی ذات کو نقصان پہنچا رہی ہے بلکہ اس کی ساتھ رہنے والے بھی اس سے متاثر ہو رہے ہیں لہٰزہ اسے چاہیۓ ایک مضبوط ارادے کے ساتھ فوری طور پر تمباکو نوشی کو ترک کردے یا کسی اپنے پیارے سے، رہبر سے یا اپنے معالج سےمدد لے کر تمباکو نوشی کو مرحلہ وار ترک کرکے اس لت سے چھٹکارا حاصل کرلے، اور ہم سب کو بھی چاہیئے کہ اس کی اخلاقی مدد کریں اور تمباکو نوشی ترک کرنے پر اس کی حوصلہ افزائی اور رہنمائی کریں۔

تمباکو نوشی چھوڑنے کا بہترین طریقہ یہ ہے کہ اسے کبھی شروع ہی نہ کریں۔

آئیے تمباکو سے پاک رہ کر ہم ایک اچھی مثال پیدا کریں اور اپنے ہر دن کو تمباکو سے پاک دن بنا لیں۔

منجانب : کینسر سوسائٹی ملتان

11/05/2025

Meeting of Cancer Society Multan held on Sunday 11th May 2025 at Avari Express Hotel Multan.

25/02/2025