Horticulture Agency, Multan

10/10/2026

ڈویژنل انتظامیہ اور ہارٹی کلچر ایجنسی ملتان شہر کے بڑے پارک کی بحالی کے لیے متحرک
انشاللہ جناح پارک کی تھیم امیوزمنٹ پارک کی صورت میں بحالی۔ تعمیراتی منصوبوں کا جلد آغآز۔

09/10/2026

ہارٹی کلچر ایجنسی ملتان کے زیر اہتمام جناح پارک کو تھیم امیوزمنٹ پارک بنانے کے لیے سنگ بنیاد رکھ دیا گیا ہے۔ ایڈیشنل آئی جی جنوبی پنجاب، کمشنر ملتان، ڈپٹی کمشنر ملتان اور ایم ڈی ہارٹی کلچر ایجنسی ملتان سید وسیم حسن سمیت سیاسی، سماجی، سرکاری اور سول سوسائٹی کی بھرپور شرکت۔

09/10/2026

ڈویژنل انتظامیہ اور ہارٹی کلچر ایجنسی ملتان کا مشترکہ اقدام۔

*ملتان میں جدید تھیم پارک کی گراؤنڈ بریکنگ، ایک سال میں تکمیل کا ہدف مقرر*

ملتان: وزیراعلیٰ پنجاب مریم نواز شریف کی ہدایت پر 25 ایکڑ پر محیط جناح پارک میں جدید منی تھیم پارک کی تعمیر کا سنگ بنیاد رکھ دیا گیا۔ ایک دہائی بعد جناح پارک میں جدید تفریحی منصوبے کا باقاعدہ آغاز کر دیا گیا ہے، جس سے شہریوں، بالخصوص بچوں اور خاندانوں کو جدید تفریحی سہولیات میسر آئیں گی۔ منصوبے کی تکمیل کے لیے ایک سال کا ہدف مقرر کیا گیا ہے، جبکہ تعمیراتی کام چار مراحل میں مکمل کیا جائے گا۔
سنگ بنیاد کی تقریب میں سینئر سیاستدان بابر حسین، شوکت بوسن، ڈاکٹر اختر ملک، شہزاد مقبول بھٹہ، رائے منصب، شیخ طارق رشید اور جاوید اختر انصاری سمیت ایڈیشنل آئی جی کامران خان، کمشنر ملتان ڈویژن عامر کریم خاں، ڈپٹی کمشنر ڈاکٹر فیصل سلیم اور ایم ڈی ہارٹیکلچر ایجنسی سید وسیم نے شرکت کی۔ تقریب میں بزنس کمیونٹی، میڈیا پرسنز، نجی کمپنی کے نمائندوں اور سول سوسائٹی کی بڑی تعداد بھی موجود تھی۔
اس موقع پر کمشنر ملتان ڈویژن عامر کریم خاں نے کہا کہ جناح پارک کو جدید منی تھیم پارک کی صورت میں بحال کرنا شہریوں کو معیاری تفریح فراہم کرنے کی جانب اہم پیش رفت ہے۔ بچوں اور خاندانوں کے لیے جدید رائیڈز اور تفریحی سرگرمیوں پر مشتمل منصوبہ تیار کیا گیا ہے، جس سے شہر میں تفریحی سہولیات میں اضافہ ہوگا۔ انہوں نے کہا کہ وزیراعلیٰ پنجاب مریم نواز شریف کی ہدایات کے مطابق شہر کے انفراسٹرکچر کی بہتری، خوبصورتی میں اضافے اور شہریوں کو بہتر سہولیات کی فراہمی کے لیے عملی اقدامات جاری ہیں۔
کمشنر عامر کریم خاں نے بتایا کہ تھیم پارک کا منصوبہ ڈیڑھ سے دو سال کی منصوبہ بندی اور محنت کا نتیجہ ہے۔ منصوبے کا تھری ڈی ڈیزائن تیار کرنے کے بعد مختلف شعبوں کے ماہرین سے مشاورت کی گئی اور شفاف طریقہ کار کے تحت ٹینڈرنگ کا عمل مکمل کیا گیا۔ انہوں نے کہا کہ وزیراعلیٰ پنجاب کی واضح ہدایات ہیں کہ افسران روایتی امور سے آگے بڑھ کر اپنے علاقوں کی بہتری، شہریوں کو سہولیات کی فراہمی اور انفراسٹرکچر کی ترقی کے لیے کام کریں۔ جناح پارک کی بحالی اور شہر میں جاری ترقیاتی و تزئین و آرائش کے منصوبے اسی وژن کا حصہ ہیں۔ ایچ اے، متعلقہ نجی کمپنی اور ضلعی انتظامیہ باہمی تعاون سے منصوبے کو جدید تقاضوں کے مطابق مکمل کریں گے، جبکہ ڈپٹی کمشنر ملتان تعمیراتی کام کی نگرانی اور مقررہ مدت میں تکمیل یقینی بنائیں گے۔
کمشنر نے مزید کہا کہ سرکاری ذمہ داریوں کی ادائیگی کے لیے واضح حکمت عملی، مستقل مزاجی اور عزم ضروری ہے۔ شہریوں کو بہتر انفراسٹرکچر، معیاری تفریحی سہولیات اور بنیادی خدمات فراہم کرنا انتظامیہ کی ترجیح ہے۔ جناح پارک کی جدید انداز میں بحالی سے ملتان میں تفریح کے نئے مواقع پیدا ہوں گے اور خاندانوں کو ایک بہتر عوامی تفریحی مقام میسر آئے گا۔
اس موقع پر ایم ڈی ہارٹیکلچر ایجنسی سید وسیم نے شہر کی خوبصورتی کے لیے جاری اقدامات پر بریفنگ دیتے ہوئے بتایا کہ ملتان کے مختلف مقامات پر آرٹسٹک ورک کے ذریعے تزئین و آرائش کی گئی ہے۔ کچہری فلائی اوور، نو نمبر فلائی اوور، گلگشت اور مختلف تعلیمی اداروں کی دیواروں کو خوبصورت بنایا گیا ہے۔ خواتین یونیورسٹی، مسلم اسکول، ایمرسن یونیورسٹی اور ایجوکیشن یونیورسٹی کی دیواروں پر بھی فن پاروں کے ذریعے شہر کے حسن میں اضافہ کیا گیا ہے۔
انہوں نے بتایا کہ ملتان کی رات کی خوبصورتی بڑھانے کے لیے مختلف فلائی اوورز پر آرائشی لائٹس نصب کی جا رہی ہیں۔ کمارا والا اور نشتر فلائی اوور پر کام کیا گیا ہے، جبکہ کچہری، نو نمبر اور رشید آباد سمیت دیگر مقامات پر بھی لائٹنگ کے منصوبوں پر پیش رفت جاری ہے۔ شہر کو ڈیجیٹل سہولیات سے آراستہ کرنے کے لیے مختلف فلائی اوورز، چوراہوں اور پارکس میں ڈیجیٹل اسکرینز نصب کرنے کا منصوبہ بھی شروع کیا گیا ہے، جسے ایک ماہ میں مکمل کرنے کا ہدف مقرر کیا گیا ہے۔ مزید نو مقامات کی نشاندہی کرکے ان پر کام کے لیے حکومت پنجاب سے فنڈز کی فراہمی کی درخواست بھی کی گئی ہے۔
ایم ڈی ہارٹیکلچر ایجنسی نے کہا کہ جناح پارک منی تھیم پارک کا منصوبہ شفاف ٹینڈرنگ کے بعد شروع کیا جا رہا ہے۔ منصوبے کو چار مراحل میں تقسیم کیا گیا ہے تاکہ تعمیراتی سرگرمیاں مرحلہ وار مکمل کی جا سکیں۔ 25 ایکڑ پر محیط جناح پارک کی بحالی اور جدید تفریحی سہولیات کی فراہمی سے شہریوں کو ایک نیا تفریحی مقام میسر آئے گا۔

09/10/2026

ہارٹی کلچر ایجنسی ملتان کے زیر انتظام شاہ شمس پارک جھیل کی رونقیں بحال۔ عوام الناس کا بے پناہ رش. وزیراعلی پنجاب مریم نواز صاحبہ، کمشنر ملتان عامر کریم خاں اور ایم ڈی ہارٹی کلچر ایجنسی ملتان سید وسیم حسن کے اقدامات کو خوب سراہا۔

07/10/2026

03/10/2026

ایم ڈی ہارٹی کلچر ایجنسی ملتان سید وسیم حسن کی ہدایات پر ہائی کورٹ روڈ پر گرین بیلٹ کو آباد کر دیا گیا۔ خوبصورت پودوں اور سے گرین بیلٹ خوبصورت منظر پیش کرنے لگی۔