08/10/2026
*پنجاب ایمرجنسی سروس ریسکیو 1122 مری*
*8 اکتوبر نیشنل ریزیلنس ڈے کے موقع پر ریسکیو 1122 مری کے زیرِ اہتمام آگاہی سرگرمیوں کا انعقاد*
سیکرٹری ایمرجنسی سروسز *ڈاکٹر رضوان نصیر (ستارۂ امتیاز)* کی ہدایات پر پنجاب ایمرجنسی سروس ریسکیو 1122 مری کے زیرِ اہتمام *8 اکتوبر نیشنل ریزیلنس ڈے (آفات سے بچاؤ اور تیاری کی آگاہی کا قومی دن)* منایا گیا، اس دن کو منانے کا بنیادی مقصد شہریوں میں قدرتی و ناگہانی آفات سے نمٹنے، بروقت احتیاطی تدابیر اختیار کرنے اور ہنگامی صورتحال میں مؤثر ردِعمل کے حوالے سے شعور اجاگر کرنا ہے، تاکہ قیمتی انسانی جانوں اور املاک کو ممکنہ نقصان سے محفوظ رکھا جا سکے،
اس سلسلے میں *ڈسٹرکٹ ایمرجنسی آفیسر ریسکیو 1122 مری انجینئر کامران رشید* کی زیرِ نگرانی ضلع مری کے مختلف عوامی مقامات پر آگاہی واکس اور مختلف اجتماعی مقامات پر آگاہی سیمینارز کا انعقاد کیا گیا، ان سرگرمیوں کے دوران *8 اکتوبر 2005 کے المناک زلزلے کے متاثرین کے ساتھ اظہارِ یکجہتی* کیا گیا جبکہ زلزلے کے بعد امدادی سرگرمیوں میں حصہ لینے والے اداروں، ریسکیو اہلکاروں، رضاکاروں اور دیگر امدادی ٹیموں کی خدمات کو خراجِ تحسین پیش کیا گیا،
آگاہی سرگرمیوں کے دوران شہریوں کو زلزلہ، لینڈ سلائیڈنگ، شدید بارش، برف باری اور دیگر قدرتی آفات کے دوران حفاظتی اقدامات، بروقت انخلا اور ہنگامی صورتحال میں ریسکیو اداروں سے مؤثر رابطے کے حوالے سے آگاہی فراہم کی گئی، اس موقع پر اس عزم کا بھی اظہار کیا گیا کہ ریسکیو 1122 کسی بھی ناگہانی صورتحال میں عوام کی بروقت امداد اور مؤثر ایمرجنسی رسپانس کے لیے ہمہ وقت تیار ہے،
ڈسٹرکٹ ایمرجنسی آفیسر *انجینئر کامران رشید* نے کہا کہ قدرتی آفات کو روکا نہیں جا سکتا، تاہم بروقت تیاری، مؤثر منصوبہ بندی، حفاظتی اقدامات اور عوامی آگاہی کے ذریعے جانی و مالی نقصان کو نمایاں حد تک کم کیا جا سکتا ہے، ریسکیو 1122 مری کا کمیونٹی سیفٹی وینگ عوام الناس میں حفاظتی شعور اجاگر کرنے کے ساتھ ساتھ مختلف ہنگامی صورتحال سے نمٹنے کے لیے مفت تربیت اور آگاہی پروگرامز کا سلسلہ بھی جاری رکھے ہوئے ہے،
اس موقع پر *پنجاب کمیونٹی سیفٹی ایکٹ 2021* اور *پنجاب کمیونٹی سیفٹی بلڈنگ ریگولیشنز 2022* پر عملدرآمد کی اہمیت کو بھی اجاگر کیا گیا، شہریوں پر زور دیا گیا کہ محفوظ معاشرے کے قیام کے لیے حفاظتی اصولوں اور متعلقہ قوانین پر عملدرآمد کو یقینی بنائیں اور کسی بھی ہنگامی صورتحال میں گھبرانے کے بجائے احتیاطی تدابیر اختیار کرتے ہوئے متعلقہ اداروں سے فوری رابطہ کریں،
ریسکیو 1122 مری محفوظ معاشرے کے قیام، عوامی آگاہی، پیشگی تیاری اور ہنگامی صورتحال میں بروقت و مؤثر امدادی کارروائیوں کے لیے ہمہ وقت سرگرمِ عمل ہے.
