05/12/2025
نگر:
عوامی سہولت اور شہری خدمات کی بہتری کے لیے ڈی پی او نگر شیر احمد کی خصوصی درخواست پر اے آئی جی پولیس آئی ٹی تنویرالحسن کی جانب سے پولیس اسٹیشن نگر 1 کو پولیس کریکٹر سرٹیفکیٹ جاری کرنے کا ماڈیول باقاعدہ طور پر فعال کر دیا گیا ہے۔
اس سہولت کے فعال ہونے سے نگر کے مضافاتی علاقوں بالخصوص ہسپر ویلی، ہوپر ویلی اور نگر خاص کے شہریوں کو اب کریکٹر سرٹیفکیٹ کے حصول کی بااعتماد، تیز اور آسان سہولت ان کی دہلیز پر فراہم ہو گئی ہے۔ اس سے قبل شہریوں کو اس مقصد کے لیے پولیس خدمت مرکز نگر یا ہنزہ تک طویل سفر کرنا پڑتا تھا جو وقت طلب اور دشوار عمل تھا۔ اس جدید سہولت کے آغاز سے نہ صرف شہریوں کی مشکلات میں کمی آئی ہے بلکہ سروس ڈیلیوری کے معیار میں بھی نمایاں بہتری آئی ہے جو نگر پولیس کے عوام دوست وژن کی عملی مثال ہے۔
ڈسٹرکٹ پولیس نگر
