Water and Power Division Nagar

30/09/2026

Restoration work of damaged penstock pipe is completed.

29/09/2026

22/09/2026

ایگزیکٹو انجینئر واٹر اینڈ پاور نگر نے 2 میگاواٹ دھنتر پاور ہاؤس کے پین اسٹاک پائپ کے جاری کام کا موقع پر معائنہ کیا۔ اس موقع پر ٹھیکیدار کو سختی سے ہدایات جاری کی گئیں کہ پین اسٹاک پائپ کا کام ہر صورت دو دن کے اندر مکمل کیا جائے، تاکہ بجلی کی سپلائی جلد از جلد بحال کی جا سکے۔
اہلِ علاقہ سے مؤدبانہ گزارش ہے کہ کام کے دوران ٹھیکیدار اور محکمہ واٹر اینڈ پاور کے تکنیکی عملے کو کام کرنے دیں اور ان کے ساتھ مکمل تعاون کریں، تاکہ مرمتی کام جلد از جلد مکمل کرکے بجلی کی سپلائی بحال کی جا سکے۔

17/09/2026

مورخہ 17 ستمبر 2026ء کو ایکسین واٹر اینڈ پاور نگر نے اپنی ٹیم کے ہمراہ 2 میگاواٹ دھنتر پن اسٹاک پائپ کی سائٹ کا دورہ کیا اور موقع پر جاری مرمتی کام کا تفصیلی معائنہ کیا۔
معائنہ کے دوران ایکسین صاحب نے ٹھیکیدار کو ہدایت کی کہ پن اسٹاک پائپ کی مرمت کا باقی ماندہ کام چار (4) دن کے اندر ہر صورت مکمل کیا جائے، تاکہ بجلی کی سپلائی جلد از جلد بحال کی جا سکے۔
ایکسین صاحب نے مزید ہدایت کی کہ کام میں تیزی لاتے ہوئے مقررہ مدت کے اندر کام مکمل کیا جائے اور بجلی کی فراہمی کی بحالی کو یقینی بنایا جائے۔

14/09/2026

اہم اطلاع برائے صارفین 2 میگاواٹ پسن مناپن پاور ہاؤس
2 میگاواٹ پسن مناپن پاور ہاؤس کے یونٹ نمبر 1 کے بیرنگ نمبر 4 میں خرابی پیدا ہونے کے باعث یونٹ کو عارضی طور پر بند کر دیا گیا ہے۔ صارفین کو یونٹ نمبر 2 سے شیڈنگ کے ذریعے بجلی فراہم کی جا رہی ہے۔
یونٹ نمبر 1 کی ضروری مرمت مکمل ہونے کے بعد اسے دوبارہ چلا کر بجلی کی فراہمی معمول کے مطابق بحال کر دی جائے گی۔ عوام سے تعاون کی اپیل ہے۔
شکریہ

28/08/2026

اشتہار
تمام معزز صارفین بجلی 1.5 میگاواٹ نگر ہوپر پاور ہاؤس کو اطلاع دی جاتی ہے کہ 500 کلوواٹ فیذ - III یونٹ کو ضروری مرمتی کام کی غرض سے مورخہ 28 اگست 2026ء کو گلگت ورک شاپ منتقل کیا جا رہا ہے۔

• متبادل نظام:

مرمتی عمل کے دوران باقی دو یونٹس فیذ - I اور فیذ - II سے بجلی کی ترسیل عارضی طور پر لوڈ شیڈنگ کے شیڈول کے تحت جاری رکھی جائے گی۔

• تعاون کی اپیل:

تمام صارفین سے التماس ہے کہ اس عارضی زحمت اور مرمتی عمل کے دوران انتظامیہ کے ساتھ مکمل تعاون فرمائیں۔

آپ کے تعاون اور صبر کا شکریہ۔

27/08/2026

Shedding Schedule from Skinderabad to Hakuchar

26/08/2026

اطلاع
2 میگاواٹ پاور اسٹیشن پسن، مناپن کے ایکسپینشن جوائنٹ کی مرمت اور پاور ہاؤس کی ضروری مرمت کے پیش نظر کل بروز جُمرات صبح 5:00 بجے سے شام 5:00 بجے تک پاور ہاؤس سے بجلی کی فراہمی بند رہے گی۔
ضروری مرمتی کام مکمل ہونے کے بعد بجلی کی فراہمی پہلے سے جاری شدہ شیڈول کے مطابق بحال کر دی جائے گی۔
پیش آنے والی زحمت اور تکلیف کے لیے محکمہ معذرت خواہ ہے۔
آپ کے تعاون کا بہت شکریہ۔

14/08/2026

تمام معزز صارفینِ پسن مناپن کو مطلع کیا جاتا ہے کہ 2 میگاواٹ پسن مناپن پاور ہاؤس میں ایکسپینشن جوائنٹس کی ضروری مرمت اور پاور ہاؤس کی دیگر اہم مینٹیننس کے باعث 15 اگست 2026ء بروز ہفتہ، صبح 6:00 بجے سے شام تک بجلی کی فراہمی عارضی طور پر بند رہے گی۔
تمام صارفین سے مؤدبانہ گزارش ہے کہ مرمتی کام کے دوران محکمہ واٹر اینڈ پاور کے عملے کے ساتھ بھرپور تعاون فرمائیں، تاکہ کام بروقت مکمل کرکے بجلی کی فراہمی جلد از جلد بحال کی جا سکے۔
تکلیف کے لیے معذرت خواہ ہیں۔
آپ کے تعاون کا شکریہ۔

28/07/2026

وضاحتی اعلامیہ
سوشل میڈیا پر وائرل ہونے والی ایک ویڈیو کے حوالے سے یہ من گھڑت تاثر دیا جا رہا ہے کہ واٹر اینڈ پاور نگر کی گاڑی میں سرکاری پائپ فروخت کرنے کے لیے منتقل کیے جا رہے ہیں۔ یہ خبر سراسر بے بنیاد اور حقائق کے منافی ہے۔
حقیقت یہ ہے کہ مذکورہ GBHEWگاڑی ورکشاپ کی خراب "ڈراپ ٹیوب" کو مرمت کرواکے ورکشاپ سے نگر خاص منتقل کر رہی تھی، تاکہ اسے جلد از جلد درست کرکے بجلی کی فراہمی کا نظام بحال رکھا جا سکے۔
عوام سے مؤدبانہ گزارش ہے کہ سوشل میڈیا پر کسی بھی خبر یا ویڈیو کو شیئر کرنے سے قبل اس کی تصدیق ضرور کریں۔ غیر مصدقہ اور گمراہ کن معلومات نہ صرف عوام میں بے چینی پیدا کرتی ہیں بلکہ سرکاری اداروں کی ساکھ کو بھی نقصان پہنچاتی ہیں۔