31/05/2026
وفاقی وزیرمنصوبہ بندی و ترقی پروفیسر احسن اقبال نے نارووال میں جلسہ عام سے خطاب کرتے ہوئے کہا کہ میرا کسی سرمایہ دار یا جاگیردار گھرانے سے تعلق نہیں، کی دھرتی نے مجھے اس لیے ووٹ دیے کہ میرے پاس تعلیم تھی، مسلم لیگ پاکستان کی ماں ہے جب بھی ملک کو ماں سے الگ کیا گیا ملک کا نقصان ہوا، جب پاکستان مسلم لیگ کے پاس رہا ملک نے ترقی کی، وفاقی وزیر کا کہنا تھا کہ جو ملک میں سیاہ سفید کے مالک تھے وہ کسی ترقیاتی منصوبے کی اینٹ نہیں دکھا سکتے، جب حمایتیوں سے پوچھو کہ اپنے لیڈر کا کوئی منصوبہ بتا دیں، کہتے ہیں ہمیں شعور دیا ہے،میں پوچھتا ہوں شعور کس بات کا دیا ہے؟ صرف گالی گلوچ کا؟ اپنے مخالفوں کو چور اور ڈاکو، ریاست کے اداروں کے خلاف کردار کشی کرنے کا شعور دیا ہے؟ فوج پاکستان کے خلاف عالمی میڈیا میں مہم چلانے کا شعور دیا ہے؟ انہوں نے کہا کہ اگر یہ اس کو شعور کہتے ہیں تو میں سو دفعہ لعنت بھیجتا ہوں ایسے شعور پر، ہاں ہمیں وہ شعور چاہیے جو اپنے شہیدوں کی لہو کی حرمت کا سبق دے، ہمیں وہ شعور چاہیے جو ملک سے محبت سکھائے،جسے یہ شعور کہتے ہیں اسے شعور نہیں جہالت کہتے ہیں، انہوں نے صرف چار سال نوجوانوں میں نفرت کا زہر بھرا، ہم نے آتے ہی ترقی کے سفر کو شروع کیا جہاں سے 2018 میں ٹوٹا تھا،انہوں نے نوجوانوں کو کٹے کٹیاں، انڈے مرغیاں دیں، ہم نے نوجوانوں کو لیپ ٹاپ، آئ ٹی کی جدید تعلیم دی، قائد اعظم کی جماعت مسلم لیگ ن ہی ملک کو اندھیروں سے نکال سکتی ہے، جس ملک کو ایک جاہل خان اندھیروں میں دھکیل کر اڈیالہ چلا گیا۔
Ahsan Iqbal