JUI Tehsil Chitral Lower

Directions

JUI Tehsil Chitral Lower Contact information, map and directions, contact form, opening hours, services, ratings, photos, videos and announcements from JUI Tehsil Chitral Lower, Political Party, chitral, Nowshera.

6 اکتوبر جمعیت علماء اسلام کے مرکزی رہنما شاہین جمعیت حافظ حمداللہ صاحب کی چترال آمد کے حوالے سے اہم مشاورتی اجلاسآج تحف...
28/09/2026

6 اکتوبر جمعیت علماء اسلام کے مرکزی رہنما شاہین جمعیت حافظ حمداللہ صاحب کی چترال آمد کے حوالے سے اہم مشاورتی اجلاس
آج تحفظ ختمِ نبوت شہری حلقہ چترال کے امیر قاری عبدالحئی صاحب اور جنرل سیکرٹری مفتی حذیفہ خالق کا کا خیل صاحب نے جمعیت علماء اسلام تحصیل چترال کی کابینہ و ذمہ داران سے شاہینِ جمعیت، مرکزی رہنما حافظ حمداللہ صاحب کی 6 اکتوبر کو چترال آمد کے حوالے سے تفصیلی مشاورت کی۔

اس موقع پر تحصیل جماعت کے امیر مولانا پیر محمد سرور ندیم صاحب نے پروگرام کے حوالے سے تمام ذمہ داران کو ضروری ہدایات دیں۔ تمام ذمہ داران نے تحفظ ختم نبوت کے شہری حلقہ کے امیر قاری عبد الحئی صاحب کو یقین دلایا کہ مفتی حافظ حمداللہ صاحب کی چترال آمد کے موقع پر ان کا شایانِ شان اور بھرپور استقبال کیا جائے گا۔

تحفظِ ختمِ نبوت ہر مسلمان کے ایمان کا بنیادی حصہ ہے، اسی جذبۂ ایمانی کے تحت 6 اکتوبر کو مفتی حافظ حمداللہ صاحب کی چترال آمد پر چترال کے عوام بھرپور استقبال کریں گے۔

اس لیے تمام ذمہ داران نے پروگرام کو کامیاب بنانے، عوامی شرکت کو یقینی بنانے اور بہترین انتظامات کے لیے بھرپور تعاون کا عزم کیا۔

جمعیت علماء اسلام تحصیل لوئر چترال
تاجدار ختم نبوت زندہ باد

جمعیت علماء اسلام تحصیل چترال لوئر کا بروز اتوار، 20 ستمبر 2026ء کو طلب کردہ دستوری اجلاس، اراکین کی مطلوبہ حاضری (کورم)...
22/09/2026

جمعیت علماء اسلام تحصیل چترال لوئر کا بروز اتوار، 20 ستمبر 2026ء کو طلب کردہ دستوری اجلاس، اراکین کی مطلوبہ حاضری (کورم) دستور کے مطابق مکمل نہ ہونے کی وجہ سے بروز پیر، 21 ستمبر 2026ء کو دن 3 بجے دوبارہ تحصیل امیر مولانا پیر سرور ندیم کی رہائش گاہ میں منعقد ہوا۔
اجلاس میں کابینہ کے اراکین نے شرکت کی۔ اجلاس کے دوران جماعتی امور، تنظیمی معاملات اور آنے والے بلدیاتی انتخابات کی تیاریوں کے حوالے سے اہم گفتگو اور مشاورت کی گئی۔
شرکاء نے بلدیاتی انتخابات کے سلسلے میں جماعتی نظم و ضبط کو مزید مضبوط بنانے، کارکنان کے درمیان رابطوں کو فعال کرنے اور آئندہ کے لائحہ عمل پر غور کیا۔ اس موقع پر جماعتی دستور اور تنظیمی اصولوں کے مطابق باہمی مشاورت کی اہمیت پر بھی زور دیا گیا۔
اجلاس کا مقصد تحصیل چترال لوئر میں جمعیت علماء اسلام کی تنظیمی سرگرمیوں کو مؤثر بنانا اور مستقبل کے بلدیاتی انتخابات کے لیے ضروری تیاریوں پر غور و خوض کرنا تھا۔ اجلاس میں شریک اراکین نے جماعتی امور کو باہمی اتفاقِ رائے اور مشاورت کے ذریعے آگے بڑھانے کے عزم کا اظہار کیا۔
تحصیل امیر مولانا پیر سرور ندیم
منجانب:
تحصیل امیر و مجلسِ عمومی
جمعیت علماء اسلام، تحصیل چترال لوئر

اعلانجمعیت علماء اسلام تحصیل لوئر چترالمجلسِ عمومی کا دستوری اجلاسالحمدللہ! جمعیت علماء اسلام تحصیل لوئر چترال کے زیرِ ا...
09/09/2026

اعلان

جمعیت علماء اسلام تحصیل لوئر چترال
مجلسِ عمومی کا دستوری اجلاس
الحمدللہ! جمعیت علماء اسلام تحصیل لوئر چترال کے زیرِ اہتمام مجلسِ عمومی کا دستوری اجلاس منعقد کیا جا رہا ہے۔
تاریخ: 20 ستمبر 2026ء، بروز اتوار
وقت: صبح 9:30 بجے
مقام: دولت کدہ، مولانا پیر سرور ندیم صاحب، امیر جمعیت علماء اسلام تحصیل لوئر چترال
لہٰذا تحصیل چترال کے تمام اراکینِ مجلسِ عمومی اور علماء کرام سے گزارش ہے کہ وہ اس اہم اجلاس میں شرکت فرما کر مجلس کی کارروائی کو کامیاب بنائیں۔
منجانب:
شعبہ نشرو اشاعت
جمعیت علماء اسلام تحصیل لوئر چترال

08/09/2026

عظمتِ ختمِ نبوت ﷺ ریلی لوئر چترال
عقیدۂ ختمِ نبوت ہمارے ایمان کا بنیادی اور لازمی حصہ ہے۔ اسی عقیدے سے اپنی والہانہ محبت اور وابستگی کے اظہار کے لیے لوئر چترال میں عظمتِ ختمِ نبوت ﷺ ریلی کا انعقاد کیا گیا۔

یہ ریلی عالمی مجلس تحفظ ختم نبوت ضلع چترال کے زیرِ اہتمام، ضلعی امیر شیخ الحدیث حضرت مولانا حسین احمد صاحب کی زیرِ نگرانی منعقد ہوئی، جس میں علماء کرام، دینی شخصیات، سیاسی و سماجی رہنماؤں اور عوام کی بڑی تعداد نے شرکت کی۔

شرکائے ریلی نے عقیدۂ ختمِ نبوت ﷺ اور ناموسِ رسالت ﷺ کے تحفظ کے عزم کا اظہار کرتے ہوئے واضح کیا کہ حضرت محمد مصطفیٰ ﷺ اللہ تعالیٰ کے آخری نبی اور رسول ہیں، اور ختمِ نبوت کا عقیدہ ہر مسلمان کے ایمان کا لازمی جزو ہے۔

یہ عظیم الشان اجتماع محبتِ رسول ﷺ، دینی غیرت، اتحادِ امت اور پرامن جدوجہد کا خوبصورت مظہر تھا۔

اللہ تعالیٰ ہمیں عقیدۂ ختمِ نبوت ﷺ پر مضبوطی سے قائم رہنے اور عشقِ رسول ﷺ کے تقاضے پورے کرنے کی توفیق عطا فرمائے۔ آمین۔

ختمِ نبوت ﷺ زندہ باد
ناموسِ رسالت ﷺ پائندہ باد
اتحادِ امت زندہ باد 🇵🇰

چترال کے مستقبل کو بچائیے! منشیات کے خلاف اعلانِ جنگ مولانا پیر محمد سرور ندیم(امیر جمعیت علماء اسلام، تحصیل لوئر چترال...
07/09/2026

چترال کے مستقبل کو بچائیے! منشیات کے خلاف اعلانِ جنگ

مولانا پیر محمد سرور ندیم
(امیر جمعیت علماء اسلام، تحصیل لوئر چترال)

چترال کی وادیِ امن کو "منشیات" کے خاموش زہر کے ذریعے اندر سے کھوکھلا کرنے کی کوشش کی جا رہی ہے۔ ہمارے پھول جیسے نوجوان اس لعنت کا شکار ہو رہے ہیں، جو کسی ایک فرد کی نہیں بلکہ پورے خاندان اور معاشرے کی تباہی ہے۔

اگر آج ہم بحیثیت قوم خاموش رہے، تو کل ہمارا کوئی گھر اس آگ سے محفوظ نہیں رہے گا۔
ہماری اہم ذمہ داریاں
والدین اپنے بچوں کی صحبت اور سرگرمیوں پر کڑی اور شفقت بھری نظر رکھیں۔
علمائے کرام منشیات کے نقصانات پر ممبر و محراب سے مسلسل بیداری پیدا کریں۔
عوامی بائیکاٹ منشیات کے سوداگروں کا مکمل سماجی بائیکاٹ کریں اور ان کی نشاندہی کریں۔
انتظامیہ سے مطالبہ: منشیات سپلائی کرنے والے اصل مجرموں کے خلاف بلاامتیاز کریک ڈاؤن کیا جائے۔

میرے عزیز نوجوانو!
آپ چترال کا روشن مستقبل ہیں۔ عارضی لذت کے لیے اپنی زندگی، دین اور معاشی استحکام کو برباد نہ کریں۔ اپنی توانائیوں کو تعلیم، کھیل اور مثبت سرگرمیوں میں صرف کریں۔

آئیے مل کر چترال کو منشیات سے پاک اور امن کا گہوارہ بنائیں۔


جمعیت علماء اسلام تحصیل لوئر چترال کابینہ کا ماہوار اجلاسآج جمعیت علماء اسلام تحصیل لوئر چترال کابینہ کا ماہوار اجلاس چت...
06/09/2026

جمعیت علماء اسلام تحصیل لوئر چترال کابینہ کا ماہوار اجلاس

آج جمعیت علماء اسلام تحصیل لوئر چترال کابینہ کا ماہوار اجلاس چترال ٹاؤن میں منعقد ہوا۔ اجلاس کی صدارت امیر جمعیت علماء اسلام تحصیل لوئر چترال جناب پیر محمد سرور ندیم صاحب نے کی، جبکہ ناظم عمومی جناب حافظ سراج احمد صاحب نے اجلاس کا ایجنڈا پیش کیا۔

اجلاس کا باقاعدہ آغاز تلاوتِ کلامِ پاک سے کیا گیا، جس کے بعد تحصیل کابینہ کے اکثریتی اراکین نے شرکت کرتے ہوئے تنظیمی امور اور آئندہ کے لائحہ عمل پر تفصیلی غور و خوض کیا۔

اجلاس کے آغاز میں حالیہ نئی تقرریوں پر مقرر ہونے والے ذمہ داران مولانا عبدالولی صاحب سرپرست ، عثمان الدین صاحب مالیات ، فضل معبود اخونذادہ صاحب ڈپٹی سیکرٹری چہارم کو خوش آمدید کہا گیا اور اس امید کا اظہار کیا گیا کہ تمام نئے ذمہ داران جماعتی نظم و ضبط اور تنظیمی اصولوں کی پاسداری کرتے ہوئے اپنی ذمہ داریاں احسن طریقے سے انجام دیں گے اور تحصیل کی تنظیم کو مزید فعال اور مضبوط بنانے میں اپنا کردار ادا کریں گے۔

بعد ازاں ناظم عمومی جناب حافظ سراج احمد صاحب نے اجلاس کا ایجنڈا پیش کیا، جس کے مختلف نکات پر کابینہ اراکین نے باری باری اپنی آراء، تجاویز اور سفارشات پیش کیں۔

اجلاس میں بالخصوص دستوری اجلاس کی تیاری، مالیاتی نظام کی فعالی و بہتری، اور مختلف ویلیج کونسلز (VCs) کے دورہ جات کے حوالے سے تفصیلی گفتگو کی گئی۔ ویلیج کونسلز کے دورہ جات کے حوالے سے اب تک ہونے والی سرگرمیوں اور پیش رفت کی رپورٹ بھی اجلاس میں پیش کی گئی، جس کا جائزہ لیتے ہوئے آئندہ کے دورہ جات اور تنظیمی رابطوں کو مزید مؤثر بنانے پر زور دیا گیا۔

اجلاس میں اس بات پر بھی اتفاق کیا گیا کہ تحصیل کی سطح پر تنظیمی سرگرمیوں کو مزید وسعت دی جائے گی، کارکنان اور ذمہ داران کے درمیان رابطوں کو مضبوط بنایا جائے گا اور ویلیج کونسلز کی سطح تک جماعتی نظم و تنظیم کو مزید فعال کرنے کے لیے عملی اقدامات جاری رکھے جائیں گے۔

شرکاء اجلاس نے اس عزم کا اظہار کیا کہ جمعیت علماء اسلام تحصیل لوئر چترال کو مزید منظم، فعال اور مضبوط بنانے کے لیے تمام ذمہ داران باہمی مشاورت، اتحاد، اخلاص اور جماعتی نظم و ضبط کے ساتھ اپنی ذمہ داریاں ادا کریں گے۔

اجلاس کے اختتام پر جماعت کی تنظیمی و سیاسی کامیابی، ملکی و قومی سلامتی، علاقے میں امن و استحکام اور تمام کارکنان و ذمہ داران کی کامیابی کے لیے خصوصی دعا کی گئی۔

منجانب:
نشرو اشاعت جمعیت علماء اسلام تحصیل لوئر چترال

تحصیل کابینہ میں نئی تقرریاں
06/09/2026

تحصیل کابینہ میں نئی تقرریاں

آج جمعیت علماء اسلام تحصیل لوئر چترال کے کابینہ کے اراکین تحصیل امیر مولانا پیر محمد سرور ندیم صاحب ، ناظم عمومی حافظ سر...
04/09/2026

آج جمعیت علماء اسلام تحصیل لوئر چترال کے کابینہ کے اراکین تحصیل امیر مولانا پیر محمد سرور ندیم صاحب ، ناظم عمومی حافظ سراج احمد صاحب ، سیکرٹری اطلاعات نثار احمد صاحب ، نے ناظم عمومی جمعیت علماء اسلام ضلع لوئر چترال جناب عبدالمجید صاحب کی سربراہی میں نئے تعینات ہونے والے ڈسٹرکٹ پولیس آفیسر (DPO) لوئر چترال محترمہ ریشم جہانگیر صاحبہ سے ان کے دفتر میں ملاقات کی۔

ملاقات کے دوران وفد نے محترمہ ریشم جہانگیر صاحبہ کو لوئر چترال میں بطور ڈسٹرکٹ پولیس آفیسر تعیناتی پر مبارکباد پیش کی اور ان کے لیے نیک خواہشات کا اظہار کیا۔ اس موقع پر تحصیل ارندو کی سابق خاتون تحصیل ممبر محترمہ بی بی آمنہ، زوجہ عبدالمجید صاحب ناظم عمومی جمعیت علماء اسلام ضلع لوئر چترال بھی وفد میں شامل تھیں۔

ملاقات میں منشیات کے خلاف کارروائیوں، امن و امان کی صورتحال، عوامی تحفظ اور دیگر اہم سماجی و انتظامی امور کے حوالے سے تفصیلی گفتگو ہوئی۔ وفد نے منشیات کے تدارک اور معاشرے کو اس ناسور سے پاک کرنے کے لیے پولیس کی کوششوں کو سراہتے ہوئے امید ظاہر کی کہ نئی قیادت میں ان اقدامات کو مزید مؤثر بنایا جائے گا۔

اس موقع پر سابق خاتون تحصیل ممبر بی بی آمنہ صاحبہ نے ڈی پی او محترمہ ریشم جہانگیر صاحبہ کو روایتی چترالی چادر پہنائی اور انہیں چترال میں تعیناتی پر مبارکباد پیش کی۔

خاتون ممبر نے چترال اور خاص کر ارندو جیسے پسماندہ علاقے میں خواتین سے متعلق مسائل، ان کے تحفظ اور انہیں درپیش مختلف سماجی مشکلات کے حوالے سے بھی تفصیلی تبادلہ خیال کیا گیا۔ بی بی آمنہ صاحبہ نے اس امر کو خوش آئند قرار دیا کہ چترال میں دوسری مرتبہ ایک خاتون پولیس افسر کی بطور ڈی پی او تعیناتی سے خواتین کے حوصلے مزید بلند ہوئے ہیں اور انہیں اپنے مسائل پولیس کے اعلیٰ حکام تک پہنچانے میں مزید آسانی اور سہولت میسر آئے گی۔

انہوں نے اُمید ظاہر کی کہ ڈی پی او محترمہ ریشم جہانگیر صاحبہ خواتین کے مسائل، ان کے تحفظ اور پولیس سے متعلق شکایات کے ازالے کے لیے خصوصی توجہ دیں گی اور چترال کی خواتین کے لیے ایک مؤثر اور قابلِ اعتماد رابطہ ثابت ہوں گی۔

آخر میں وفد نے محترمہ ڈی پی او صاحبہ کے لیے نیک خواہشات کا اظہار کرتے ہوئے امن و امان، منشیات کے خاتمے، خواتین کے تحفظ اور عوامی خدمت کے لیے ہر ممکن تعاون کا یقین دلایا۔

جمعیت علماء اسلام تحصیل لوئر چترال نے اس ملاقات کو عوامی مسائل، خصوصاً خواتین کے مسائل کے حل اور پولیس و عوام کے درمیان بہتر رابطے کے حوالے سے ایک مثبت اور اہم پیش رفت قرار دے رہی ہے۔

جمعیت علماء اسلام تحصیل لوئر چترال کی نئے ڈپٹی کمشنر سے تعارفی ملاقاتآج جمعیت علماء اسلام تحصیل لوئر چترال کے اراکین نے ...
04/09/2026

جمعیت علماء اسلام تحصیل لوئر چترال کی نئے ڈپٹی کمشنر سے تعارفی ملاقات

آج جمعیت علماء اسلام تحصیل لوئر چترال کے اراکین نے جناب عبدالمجید صاحب، ناظمِ عمومی جمعیت علماء اسلام ضلع چترال کی قیادت میں نئے تعینات ہونے والے ڈپٹی کمشنر لوئر چترال جناب مقبول حسین صاحب سے ان کے دفتر میں ایک اہم اور خوشگوار تعارفی ملاقات کی۔

ملاقات کے دوران ڈپٹی کمشنر صاحب کو لوئر چترال میں بطور ضلعی انتظامی سربراہ ذمہ داریاں سنبھالنے پر مبارکباد پیش کی گئی اور ان کے لیے نیک خواہشات کا اظہار کیا گیا۔

اس موقع پر جمعیت علماء اسلام کے وفد نے چترال کے عوام کو درپیش مختلف مسائل، بنیادی سہولیات، امن و امان، مہنگائی و گرانفروشی، سرکاری اداروں کی کارکردگی، عوامی شکایات اور انتظامی امور کے حوالے سے تفصیلی گفتگو کی۔

وفد نے اس بات پر زور دیا کہ ضلعی انتظامیہ اور سیاسی و سماجی قیادت کے درمیان مؤثر رابطہ اور باہمی تعاون عوامی مسائل کے حل میں اہم کردار ادا کر سکتا ہے۔ جمعیت علماء اسلام نے ضلعی انتظامیہ کے ساتھ عوامی مفاد، قانون کی بالادستی، میرٹ اور شفافیت کے لیے ہر مثبت اقدام میں تعاون کی یقین دہانی بھی کرائی۔

جناب مقبول حسین صاحب نے وفد کا شکریہ ادا کرتے ہوئے کہا کہ انتظامیہ کی اولین ترجیح عوام کو بہتر سہولیات کی فراہمی، ان کے مسائل کا بروقت ازالہ اور قانون کے مطابق مؤثر انتظامی اقدامات کرنا ہے۔ انہوں نے عوامی نمائندوں اور سیاسی و سماجی حلقوں کے تعاون کو بھی اہم قرار دیا۔

جمعیت علماء اسلام تحصیل لوئر چترال کی جانب سے نئے ڈپٹی کمشنر صاحب کے لیے نیک تمناؤں کا اظہار کرتے ہوئے امید ظاہر کی گئی کہ ان کی قیادت میں ضلعی انتظامیہ عوامی خدمت اور چترال کی بہتری کے لیے بھرپور کردار ادا کرے گی۔

منجانب: جمعیت علماء اسلام تحصیل لوئر چترال

چترال میں فرقہ وارانہ ہم آہنگی کو نقصان پہنچانے کی کوشش قابلِ تشویشحالیہ دنوں ایک نکاح کے معاملے کو سوشل میڈیا پر اس اند...
03/09/2026

چترال میں فرقہ وارانہ ہم آہنگی کو نقصان پہنچانے کی کوشش قابلِ تشویش

حالیہ دنوں ایک نکاح کے معاملے کو سوشل میڈیا پر اس انداز میں پیش کیا گیا کہ گویا اہلِ سنت برادری سے تعلق رکھنے والی ایک لڑکی نے اسمائیلی لڑکے سے نکاح کیا ہے، حالانکہ معاملے کی مذہبی و خاندانی صورتحال اس قدر سادہ نہیں۔ مذکورہ لڑکی کے والد بعد میں اہلِ سنت سے وابستہ ہوئے، جبکہ والدہ کا تعلق اسمائیلی برادری سے تھا، اور لڑکی کی اپنی مذہبی وابستگی بھی اسمائیلی حلقے سے بتائی جاتی ہے۔ لہٰذا واقعے کو یک طرفہ مذہبی رنگ دینا حقائق کی مکمل ترجمانی نہیں کرتا۔

چترال میں ماضی میں بھی متعدد اسمائیلی لڑکیوں کے اہلِ سنت لڑکوں سے نکاح ہوتے رہے ہیں، لیکن ان نجی معاملات کو اس انداز میں سوشل میڈیا پر اچھال کر کسی مذہبی طبقے کے خلاف اشتعال یا نفرت پیدا کرنے کی کوشش نہیں کی گئی۔ موجودہ معاملے میں بعض سوشل میڈیا پوسٹس اور تبصروں کے ذریعے جو یک طرفہ اور مبینہ طور پر گمراہ کن تاثر پیدا کیا جا رہا ہے، وہ انتہائی قابلِ تشویش ہے اور اس کے نتیجے میں غیر ضروری طور پر ایک حساس مذہبی معاملے کو فرقہ وارانہ بحث میں تبدیل کیا جا رہا ہے۔

ہم کسی فرد کے نجی نکاح یا خاندانی معاملات میں مداخلت کے قائل نہیں، تاہم کسی نجی معاملے کو بنیاد بنا کر ایسا مواد نشر کرنا جس سے مذہبی جذبات مجروح ہوں، کسی برادری کے خلاف نفرت پیدا ہو یا فرقہ وارانہ کشیدگی کا خدشہ پیدا ہو، قابلِ تشویش امر ہے۔

ہم ضلعی انتظامیہ اپر چترال، ضلعی انتظامیہ لوئر چترال اور متعلقہ قانونی اداروں سے مطالبہ کرتے ہیں کہ سوشل میڈیا پر گردش کرنے والے قابلِ اعتراض مواد کا غیر جانب دارانہ اور حقائق پر مبنی جائزہ لیا جائے۔ اگر کسی مواد میں قانوناً قابلِ گرفت عناصر، مذہبی منافرت یا اشتعال انگیزی ثابت ہو تو ذمہ دار افراد کے خلاف بلاامتیاز قانون کے مطابق کارروائی کی جائے۔

ہم واضح کرنا چاہتے ہیں کہ مقصد کسی مسلک یا مذہبی برادری کو ہدف بنانا نہیں بلکہ چترال کے پُرامن ماحول، مذہبی رواداری، باہمی احترام اور قانون کی بالادستی کا تحفظ ہے۔

Address

Chitral
Nowshera
17200

Website

Alerts

Be the first to know and let us send you an email when JUI Tehsil Chitral Lower posts news and promotions. Your email address will not be used for any other purpose, and you can unsubscribe at any time.

Shortcuts

Share

Category