Director LPRI Bahadurnagar

11/09/2026

11.09.2026
کورین وفد کا لائیو اسٹاک پروڈکشن ریسرچ انسٹی ٹیوٹ بہادر نگر اوکاڑہ کا دورہ

مویشیوں میں ابتدائی حمل کی تشخیص، اسہال کے جراثیم اور دودھ میں اینٹی بائیوٹک residues کی تشخیص کے حوالے سے عملی تربیتی پروگرام

اوکاڑہ: کوریا سے تعلق رکھنے والے ماہرین پر مشتمل وفد نے لائیو اسٹاک پروڈکشن ریسرچ انسٹی ٹیوٹ (LPRI) بہادر نگر اوکاڑہ کا دورہ کیا، جہاں مویشیوں میں جدید تشخیصی تکنیکوں کے استعمال، بیماریوں کی بروقت تشخیص اور دودھ کے معیار کو یقینی بنانے کے حوالے سے خصوصی تربیتی سیشن کا انعقاد کیا گیا۔

اس موقع پر ڈاکٹر محمد عاصم جنجوعہ، ڈائریکٹر LPRI بہادر نگر اوکاڑہ نے کورین وفد کا خیرمقدم کرتے ہوئے ادارے کے مینڈیٹ، تحقیقی سرگرمیوں، جاری پروگرامز اور نئی ADP اسکیم کے بارے میں تفصیلی بریفنگ دی۔ انہوں نے ادارے میں لائیو اسٹاک کی پیداوار، افزائشِ نسل، خوراک و انتظام، بیماریوں کی روک تھام اور جدید تحقیق کے لیے جاری اقدامات اور مستقبل کے منصوبوں پر بھی روشنی ڈالی۔

تربیتی پروگرام کا بنیادی مقصد جدید ٹیکنالوجی اور تشخیصی طریقہ کار کے ذریعے درج ذیل اہم شعبوں میں تکنیکی استعداد کو فروغ دینا تھا:

1. مویشیوں میں ابتدائی حمل کی تشخیص (Early Pregnancy Diagnosis in Bovines)
2. اسہال کے کیسز سے وابستہ پیتھوجنز کی تشخیص (Detection of Pathogens Associated with Diarrhea Cases)
3. دودھ میں اینٹی بائیوٹک residues کی تشخیص (Detection of Antibiotic Residues in Milk)

تربیتی سیشن کے دوران مذکورہ تینوں مقاصد کے حوالے سے عملی مظاہرہ (Practical Demonstration) بھی کیا گیا، جس میں شرکاء کو جدید تشخیصی تکنیکوں، نمونوں کے تجزیے اور نتائج کی تشریح کے عملی پہلوؤں سے آگاہ کیا گیا۔

اس تربیتی سرگرمی میں ڈائریکٹوریٹ LPRI بہادر نگر اوکاڑہ اور ساہیوال ڈویژن سے تعلق رکھنے والے لائیو اسٹاک اینڈ ڈیری ڈویلپمنٹ ڈیپارٹمنٹ کے مختلف ٹیکنیکل افسران اور فیلڈ ایریاز میں خدمات انجام دینے والے متعلقہ افسران و اہلکاروں نے بھرپور شرکت کی۔

دورے کے اختتام پر کورین وفد نے LPRI بہادر نگر اوکاڑہ میں جاری تحقیقی، تولیدی، غذائی اور انتظامی سرگرمیوں میں گہری دلچسپی کا اظہار کیا اور باہمی تعاون، جدید ٹیکنالوجی کے تبادلے اور مستقبل میں مشترکہ تربیتی و تحقیقی سرگرمیوں کے فروغ کی اہمیت کو اجاگر کیا۔

کورین وفد کی قیادت ڈاکٹر ظہور احمد، اسسٹنٹ ریسرچ آفیسر،لائیو اسٹاک اینڈ ڈیری ڈویلپمنٹ ڈیپارٹمنٹ پنجاب، لاہور نے کی۔

04/09/2026

وزیراعلیٰ پنجاب مریم نواز شریف کے ویژن کے مطابق لائیو اسٹاک شعبے میں جدید سہولیات کا آغاز 47 موبائل ویٹرنری ڈسپنسریز میں پہلی بار ڈائیگنوسٹک لیبز، ایکسرے، الٹراساؤنڈ اور علاج کی سہولیات فراہم کی گئیں۔ 40 اقسام کے بلڈ پیراسائٹ ٹیسٹ، ڈاکٹرز و پیرا ویٹس کی خدمات اور ٹریکڈ روٹس کے ذریعے بروقت علاج یقینی بنایا جائے گا، جبکہ ہر صوبائی حلقے میں ماڈل ویٹرنری ہسپتال قائم ہوگا۔

03/09/2026

وزیر زراعت و لائیوسٹاک پنجاب سید عاشق حسین کرمانی کی اہم کانفرنس
Livestock and Dairy Development Department Punjab
Deputy Commissioner Okara

02/09/2026

ساہیوال (02 ستمبر 2026): ڈائریکٹر لائیوسٹاک پروڈکشن ریسرچ انسٹی ٹیوٹ بہادر نگر اوکاڑہ ڈاکٹر محمد عاصم جنجوعہ نے آج لائیوسٹاک ایکسپیریمنٹل اسٹیشن (LES) قادرآباد، ساہیوال کا دورہ کیا۔ اس موقع پر انہوں نے ادارے میں جاری مختلف تحقیقی و پیداواری سرگرمیوں کا تفصیلی جائزہ لیا۔اس موقع پر ڈاکٹر فیاض احمد، فارم سپرنٹینڈنٹ نے ادارے کی مختلف تحقیقی، پیداواری اور انتظامی سرگرمیوں کے حوالے سے تفصیلی بریفنگ دی۔
دورے کے دوران ڈیری شیڈ میں نصب مسٹ سسٹم (Mist System) کا معائنہ کیا گیا اور اس کے مویشیوں کے آرام، گرمی کے دباؤ میں کمی اور دودھ کی پیداوار پر اثرات کا جائزہ لیا گیا۔ ڈاکٹر محمد عاصم جنجوعہ نے ADP کے تحت Gir × Sahiwal بچھڑوں کی پرورش، صحت اور نشوونما کا بھی جائزہ لیا۔
اس کے علاوہ بچھڑوں کے لیے میٹریس بیڈنگ (Mattress Bedding) کی سہولت کا معائنہ کرتے ہوئے جانوروں کے آرام، صفائی اور بہتر رہائشی ماحول کی اہمیت پر زور دیا گیا۔
دورانِ دورہ مؤثر افزائشِ نسل اور متوازن خوراک کے طریقہ کار پر بھی تفصیلی تبادلۂ خیال کیا گیا تاکہ جانوروں کی بہتر جسمانی نشوونما، افزائشِ نسل، دودھ کی پیداوار اور مجموعی ڈیری کارکردگی کو مزید بہتر بنایا جا سکے۔
ڈاکٹر محمد عاصم جنجوعہ نے ڈاکٹر فیاض احمد اور انکی ٹیم کی کاوشوں کو سراہا اور جدید سائنسی اصولوں کے مطابق جانوروں کی نگہداشت، خوراک، افزائشِ نسل اور آرام کے اقدامات کو مزید مؤثر بنانے کے لیے ہدایات جاری کیں تاکہ ادارے کی تحقیقی و پیداواری سرگرمیوں کے مطلوبہ نتائج حاصل کیے جا سکیں۔

27/08/2026

27 August, 2026
تجرباتی فارم مویشیاں قادرآباد ساہیوال میں جشنِ عید میلاد النبی ﷺ کے سلسلہ میں ایک پُروقار سیرت النبی ﷺ کانفرنس کا انعقاد کیا گیا۔ کانفرنس کی نگرانی فارم سپرنٹنڈنٹ ڈاکٹر فیاض احمد نے کی، جبکہ ادارہ کے افسران، ملازمین اور دیگر شرکاء نے بھرپور شرکت کی۔
کانفرنس کے دوران نعت خوان حضرات نے بارگاہِ رسالت مآب ﷺ میں عقیدت کے پھول نچھاور کیے اور شرکاء نے درود و سلام پیش کیا۔ اس موقع پر جشنِ عید میلاد النبی ﷺ کی مناسبت سے سیرتِ طیبہ کے مختلف پہلوؤں پر روشنی ڈالی گئی۔
کانفرنس کے اختتام پر ملک و قوم کی سلامتی، ترقی و خوشحالی، امتِ مسلمہ کی سربلندی اور ادارے کی مزید ترقی کے لیے خصوصی دعا کی گئی۔

24/08/2026

لائیوسٹاک پروڈکشن ریسرچ انسٹیٹیوٹ بہادر نگر اوکاڑہ میں سیرت النبی ﷺ کانفرنس کا انعقاد
اوکاڑہ: لائیوسٹاک پروڈکشن ریسرچ انسٹیٹیوٹ (LPRI) بہادر نگر اوکاڑہ میں جشنِ عید میلاد النبی ﷺ کے سلسلہ میں ایک پُروقار سیرت النبی ﷺ کانفرنس کا انعقاد کیا گیا۔ کانفرنس میں ادارہ کے افسران، ملازمین اور دیگر شرکاء نے بھرپور شرکت کی۔
کانفرنس کا مقصد نبی کریم حضرت محمد مصطفیٰ ﷺ کی حیاتِ طیبہ، اعلیٰ اخلاق، حسنِ کردار اور انسانیت کے لیے آپ ﷺ کی تعلیمات کو اجاگر کرنا تھا۔
ڈاکٹر محمد عاصم جنجوعہ، ڈائریکٹر ادارہ ہذا نےشرکاء سے خطاب کرتے ہوئے کہا کہ حضور اکرم ﷺ کی سیرتِ طیبہ ہمارے لیے مکمل ضابطۂ حیات ہے۔ آپ ﷺ نے محبت، اخوت، برداشت، عدل و انصاف، خدمتِ خلق اور حسنِ معاشرت کا درس دیا۔
انہوں نے مزید کہا کہ موجودہ دور میں معاشرے کو درپیش مسائل کے حل اور باہمی محبت و رواداری کے فروغ کے لیے ہمیں نبی کریم ﷺ کی تعلیمات اور اسوۂ حسنہ کو اپنی عملی زندگی کا حصہ بنانا ہوگا۔
اس موقع پر نعت خوان حضرات نے بارگاہِ رسالت مآب ﷺ میں عقیدت کے پھول نچھاور کیے، جبکہ شرکاء نے حضور نبی کریم ﷺ کی بارگاہ میں درود و سلام پیش کیا۔
کانفرنس کے اختتام پر ملکی سلامتی، استحکام، خوشحالی اور امتِ مسلمہ کی سربلندی کے لیے خصوصی دعا بھی کی گئی۔

17/08/2026

14/08/2026

14th, August 2026
لائیوسٹاک پروڈکشن ریسرچ انسٹیٹیوٹ بہادرنگر اوکاڑہ میں 79ویں یوم آزادی پاکستان کے موقع پرپروقار تقریب کا انعقا د کیا گیا ہے۔
جسمیں ڈاکٹرمحمد عاصم جنجوعہ، ڈائریکٹر ادارہ ہذا، دیگر افسران، اہلکاران اور مقامی گاؤں کی عموام نے بھرپور شرکت کی۔
اس موقع پرڈائریکٹرادارہ ہذا، ڈاکٹرمحمد عاصم جنجوعہ نے پرچم کشائی کی جبکہ جشن ِآزادی کی خوشی اور قائداعظم محمد علی جناحؒ کی 150 ویں سالگرہ کے سلسلہ میں کیک کاٹا گیااور شرکاء میں مٹھائی تقسیم کی گئی۔ تقریب کے دوران پاکستان کی سلامتی، استحکام، ترقی، خوشحالی اورقومی یکجہتی کیلئے خصوصی دعا کی گئی۔
تقریب سے خطاب کرتے ہوئے ڈاکٹر محمد عاصم جنجوعہ نے کہا یوم آزادی ہمیں اپنے عظیم وطن کے حصول کیلئے دی گئی بے مثال قربانیوں کی یاد دلاتا ہے۔ انہوں نے کہا کہ پاکستان اللہ تعالیٰ کی ایک عظیم نعمت ہے، جس کی ترقی، استحکام اور خوشحالی کیلئے ہمیں اپنی ذمہ داریاں ایمانداری، محنت اور خلوص نیت سے ادا کرنی چاہئیں۔ انہوں نے قائداعظم محمد علی جناح ؒکی بے مثال سیاسی بصیرت، اصول پسندی، دیانتداری، افکارو نظریات اور انتھک جدوجہد کو خراجِ عقیدت بھی پیش کیا۔
تقریب کے دوران بچوں کے درمیان تقریری مقابلہ، ملی نغموں سمیت مختلف سرگرمیوں کا انعقاد کیا گیاجس میں بچوں نے بھرپور جوش و خروش کا مظاہرہ کیا۔ نمایاں کارگردگی کا مظاہرہ کرنے والوں کی حوصلہ افزائی کیلئے انعامات بھی تقسیم کیے گئے۔
تقریب کے شرکاء نے اس عزم کا اظہار کیا کہ وہ پاکستان کی ترقی، استحکام اور خوشحالی کیلئے اپنی ذمہ داریاں پوری دیانت، محنت اور جذبے کے ساتھ ادا کریں گے اور قائداعظم ؒ کے سنہری اصولوں کو عملی زندگی میں اپنانے کی بھرپور کوشش کریں گے۔
پاکستان زندہ باد!
Livestock and Dairy Development Department Punjab
Deputy Commissioner Okara

07/05/2026

07.05.2026
لائیو اسٹاک ایکسپیریمنٹ اسٹیشن (LES) قادرآباد، ساہیوال میں ریٹائر ہونے والے ملازمین کے اعزاز میں ایک پروقار الوداعی تقریب کا انعقاد کیا گیا۔ تقریب کا اہتمام فارم سپرنٹنڈنٹ ڈاکٹر فیاض احمد کی زیر نگرانی کیا گیا، جس میں ادارے کے افسران، ملازمین اور معزز مہمانوں نے شرکت کی۔
تقریب کے مہمانِ خصوصی ڈاکٹر محمد عاصم جنجوعہ، ڈائریکٹر لائیو سٹاک پروڈکشن ریسرچ انسٹی ٹیوٹ بہادرنگر اوکاڑہ نے اپنے خطاب میں ریٹائر ہونے والے ملازمین کی ادارے کے لیے خدمات کو سراہتے ہوئے کہا کہ ان ملازمین نے اپنی پیشہ ورانہ ذمہ داریوں کو نہایت دیانتداری، محنت اور لگن کے ساتھ انجام دیا، جو ادارے کے لیے قابلِ فخر ہیں۔
انہوں نے کہا کہ اداروں کی ترقی میں سینئر اور تجربہ کار ملازمین کا کردار انتہائی اہمیت کا حامل ہوتا ہے اور ان کی خدمات ہمیشہ یاد رکھی جائیں گی۔ اس موقع پر ریٹائر ہونے والے ملازمین کو تحائف بھی پیش کیے گئے۔
ڈاکٹر فیاض احمد نے اپنے خطاب میں مہمانِ خصوصی اور شرکاء کا شکریہ ادا کرتے ہوئے کہا کہ یہ تقریب ریٹائر ہونے والے ملازمین کی خدمات کے اعتراف اور ان کے اعزاز میں منعقد کی گئی ہے تاکہ ان کی محنت اور ادارے سے وابستگی کو خراجِ تحسین پیش کیا جا سکے۔
تقریب خوشگوار ماحول میں اختتام پذیر ہوئی جہاں شرکاء نے ریٹائر ہونے والے ملازمین کے لیے نیک تمناؤں کا اظہار کیا۔