District Secretariat PMLN Swabi

05/05/2026

معروف عالم دین شیخ الحدیث حضرت مولانا محمد ادریس صاحب پر قاتلانہ حملے میں شھید ھونےکی خبر سن کر انتہائی دکھ ھوا اللّٰہ تعالیٰ ان کو جنت الفردوس عطا فرمائے اور جس نے بھی یہ بزدلانہ حرکت کی ہے اللّٰہ تعالیٰ ان کو نشانہ عبرت بنا دے آمین ثم آمین

18/04/2026

صوبائی صدر انجینئر امیر مقام صاحب تورڈھیر میں مسلم لیگ ن کے ضلعی سنئیر نائب صدر نواب زادہ کی دادی کی وفات پر ان کے ساتھ تعزیت فاتحہ خوانی کررہے ھیں حاجی سجاد خان اور عادل خان بھی موجودہ ہوں،

منجانب :ضلعی سیکٹریٹ پاکستان مسلم لیگ ن صوابی،

18/04/2026

18/04/2026

آج تورڈھیر (صوابی) میں نواب زادہ کے حجرے پر فاتحہ خوانی کے بعد وفاقی وزیر انجینئر امیر مقام صاحب سے تفصیلی ملاقات اور گفتگو ہوئی۔
ملاقات میں صوابی کی تمباکو انڈسٹری، مقامی فیکٹریوں اور ڈیلرز کو درپیش حالیہ ٹیکسز کے مسائل پر سیر حاصل بات چیت ہوئی۔ میں نے وفاقی وزیر کو آگاہ کیا کہ ان ٹیکسز سے نہ صرف ہماری مقامی صنعت خطرے میں ہے بلکہ اس کا براہِ راست اثر صوابی کے ہزاروں کاشتکاروں اور نوجوانوں کے روزگار پر پڑ رہا ہے۔
انجینئر امیر مقام صاحب نے ان تمام مسائل کو حل کرنے کے لیے اپنی مکمل حمایت کی یقین دہانی کرائی اور وعدہ کیا کہ وہ وفاقی سطح پر ان تحفظات کو دور کرنے کے لیے اپنا بھرپور کردار ادا کریں گے

15/04/2026

14/04/2026

پنجاب میں مریم نواز شریف کی قیادت عوامی اعتماد کی نئی مثال قائم کر رہی ہے، جہاں حالیہ سروے کے مطابق اکثریت نے نہ صرف ان کی کارکردگی کو سراہا بلکہ صوبے کی ترقی کی سمت کو بھی درست قرار دیا۔ تعلیم، صحت اور انفراسٹرکچر میں بہتری، "ستھرا پنجاب پروگرام" جیسے اقدامات اور ثقافتی روایات کی بحالی نے عوام کے دل جیت لیے ہیں، جو اس بات کا واضح ثبوت ہے کہ پنجاب تیزی سے ایک روشن اور خوشحال مستقبل کی جانب بڑھ رہا ہے۔

14/04/2026

پاکستان کے فیلڈ مارشل بہت اچھا کام کر رہے ہیں، وہ لاجواب ہیں، اس لیے زیادہ امکان ہے کہ ہم مذاکرات کیلئےپاکستان واپس جائیں، امریکی صدر ڈونلڈ ٹرمپ

14/04/2026

وزیراعظم محمد شہباز شریف سے گورنر سندھ نہال ہاشمی کی ملاقات

گورنر سندھ نے امریکہ اور ایران کے درمیان جنگ بندی اور علاقائی امن کی جاری کوششوں پر وزیراعظم کو خراجِتحسین پیش کیا اور نیک خواہشات کا اظہار کیا۔

ملاقات میں گورنر سندھ نے وزیراعظم کو سندھ کے امور کے حوالے سے آگاہ کیا۔

14/04/2026

*وفاقی وزیر برائے امور کشمیر، گلگت بلتستان و سیفران اور صدر پاکستان مسلم لیگ(ن) خیبر پختونخوا انجینئر امیر مقام کا باچا خان یونیورسٹی چارسدہ میں لیپ ٹاپ تقسیم کرنے کی تقریب سے خطاب*

*پاکستان نہ صرف خطے میں امن کے فروغ کےلیے کوشاں ہے بلکہ امریکہ اور ایران کے درمیان اہم سفارتی عمل میں بھی مثبت کردار ادا کر رہا ہے، وفاقی وزیر امیر مقام*

چارسدہ :
وفاقی وزیر برائے امور کشمیر، گلگت بلتستان و سیفران اور صدر پاکستان مسلم لیگ(ن) خیبر پختونخوا انجینئر امیر مقام نے کہا ہے کہ پاکستان نہ صرف خطے میں امن کے فروغ کےلیے کوشاں ہے بلکہ امریکہ اور ایران کے درمیان اہم سفارتی عمل میں بھی مثبت کردار ادا کر رہا ہے، ہماری افواج اور قوم ہر چیلنج کا مقابلہ کرنے کی بھرپور صلاحیت رکھتی ہیں، وزیرِاعظم یوتھ پروگرام کے تحت لیپ ٹاپ اسکیم پورے ملک میں بلا امتیاز جاری ہے۔ ان خیالات کا اظہار انہوں نے منگل کو باچا خان یونیورسٹی چارسدہ میں وزیراعظم یوتھ پروگرام کے تحت طلبہ میں لیپ ٹاپ تقسیم کرنے کی تقریب سے بطور مہمان خصوصی خطاب کرتے ہوئے کیا۔ وفاقی وزیر انجینئر امیر مقام نے کہا کہ آج باچا خان یونیورسٹی کی اس پروقار تقریب میں آپ سب کے درمیان آکر مجھے بے حد خوشی محسوس ہو رہی ہے، یہ تقریب درحقیقت پاکستان کے روشن مستقبل کی عکاسی کرتی ہے کیونکہ آج ہم اپنے ان ہونہار طلبہ میں لیپ ٹاپ تقسیم کر رہے ہیں جو اپنی محنت، قابلیت اور لگن کے باعث اس اعزاز کے مستحق ٹھہرے ہیں۔ وفاقی وزیر نے کہا کہ یہ عظیم اقدام وزیرِاعظم پاکستان میاں محمد شہباز شریف کے وژن کا عکاس ہے جنہوں نے نوجوانوں کو بااختیار بنانے، جدید ٹیکنالوجی سے آراستہ کرنے اور تعلیم کے میدان میں آگے بڑھانے کےلیے یہ انقلابی قدم اٹھایا۔ وزیراعظم یوتھ پروگرام کے تحت لیپ ٹاپ اسکیم پورے ملک میں بلا امتیاز جاری ہے، جس میں چاروں صوبے، وفاقی دارالحکومت اسلام آباد، گلگت بلتستان اور آزاد جموں و کشمیر شامل ہیں اور سب سے اہم بات یہ ہے کہ یہ اسکیم مکمل طور پر میرٹ کی بنیاد پر ہے۔ وفاقی وزیر انجینئر امیر مقام نے کہا کہ یہ لیپ ٹاپ صرف ایک مشین نہیں بلکہ آپ کے روشن مستقبل کی کنجی ہے، یہ آپ کو تحقیق، تعلیم اور دنیا سے جڑنے کے نئے مواقع فراہم کرے گا۔ ایک طالب علم کی مثال ہمارے سامنے ہے جس نے اس اسکیم کے ذریعے لیپ ٹاپ، انٹرنیٹ ڈیوائس اور دیگر سہولیات حاصل کیں اور بتایا کہ کس طرح اس نے اپنی تعلیمی کارکردگی میں نمایاں بہتری دیکھی۔ ایسے ہزاروں نوجوان اس پروگرام سے مستفید ہو کر اپنی زندگی بدل رہے ہیں۔ وفاقی وزیر نے کہا کہ وہ رانا مشہود احمد خان کی کاوشوں کو بھی خراجِ تحسین پیش کرتے ہیں جن کی قیادت میں وزیراعظم یوتھ پروگرام نوجوانوں کےلیے امید کی ایک کرن بن چکا ہے۔ اسی طرح پاکستان ایجوکیشن اینڈومنٹ فنڈ، دانش اتھارٹی اور دیگر منصوبے بھی ہزاروں طلبہ کو تعلیم کے زیور سے آراستہ کر رہے ہیں۔ وفاقی وزیر انجینئر امیر مقام نے کہا کہ آج پاکستان عالمی سطح پر بھی ایک اہم کردار ادا کر رہا ہے۔ وزیرِاعظم شہباز شریف کی قیادت میں پاکستان نہ صرف خطے میں امن کے فروغ کےلیے کوشاں ہے بلکہ امریکہ اور ایران کے درمیان جاری اہم سفارتی عمل میں بھی مثبت کردار ادا کر رہا ہے جو پاکستان کی بڑھتی ہوئی عالمی اہمیت کو ظاہر کرتا ہے۔ انہوں نے کہا کہ فیلڈ مارشل سید عاصم منیر کی غیر معمولی قیادت کو خراجِ تحسین پیش کرتےہیں جنہوں نے دشمن کے عزائم کو ناکام بنایا اور قوم کو ایک نئی طاقت بخشی، آپریشن بنیان مرصوص میں کامیابی نے پوری قوم میں ایک نیا جذبہ اور حوصلہ پیدا کیا ہے، یہ فتح اس بات کا ثبوت ہے کہ ہماری افواج اور قوم ہر چیلنج کا مقابلہ کرنے کی بھرپور صلاحیت رکھتی ہیں۔ وفاقی وزیر نے کہا کہ یہ وقت ہے کہ آپ اس قومی جذبے کو اپنی زندگی کا حصہ بنائیں، محنت کریں، علم حاصل کریں اور پاکستان کا نام دنیا بھر میں روشن کریں۔ آپ ہی اس ملک کا مستقبل ہیں اور آپ ہی نے اس کو ترقی کی نئی بلندیوں تک لے جانا ہے۔ وفاقی وزیر نے وزیرِاعظم میاں محمد شہباز شریف، چیئرمین رانا مشہود احمد خان اور اس عظیم پروگرام سے وابستہ تمام افراد اور تمام طلبہ کو مبارکباد پیش کی۔
اس سے قبل وفاقی وزیر کا یونیورسٹی پہنچنے پر شاندار استقبال کیا گیا۔ وائس چانسلر، فیکلٹی ممبران اور انتظامیہ بھی موجود تھے۔ وائس چانسلر نے وفاقی وزیر کو یونیورسٹی کے مختلف منصوبوں اور تعلیمی سرگرمیوں کے بارے میں بریفنگ دی۔ بعد ازاں وفاقی وزیر نے یونیورسٹی کے لان میں درخت بھی لگایا۔