04/08/2026
ڈپٹی کمشنر لوئر کوہستان نے بنیادی صحت کے مرکز (BHU) ججال کا تفصیلی دورہ کیا۔
اس دورے کا بنیادی مقصد علاقائی سطح پر پھیلنے والی اسہال (Diarrhea) اور ہیضے (Cholera) کی بیماریوں کی موجودہ صورتحال، مریضوں کو فراہم کی جانے والی طبی سہولیات اور بیماری کے پھیلاؤ کو روکنے کے لیے کیے گئے اقدامات کا جامع جائزہ لینا تھا۔
ڈپٹی کمشنر نے بی ایچ یو کے مختلف شعبہ جات (Emergency, OPD, Pharmacy) کا معائنہ کیا اور علاج معالجے کے معیار کا جائزہ لیا
انہوں نے مرکز میں اسہال اور ہیضے کے علاج کے لیے ضروری ادویات، بالخصوص ORS، ڈرپس اور اینٹی بائیوٹکس کا ذخیرہ چیک کیا اور متعلقہ عملے کو ادویات کی بلا تعطل فراہمی یقینی بنانے کی ہدایت کی۔
تمام لیڈی ہیلتھ ورکرز، پیرامیڈیکل اسٹاف اور ڈیوٹی پر موجود ڈاکٹروں کی حاضری اور الرٹ رہنے کی سخت ہدایت کی گئی تا کہ کسی بھی ہنگامی صورتحال سے فوری نمٹا جا سکے۔
مرکزِ صحت اور گردونواح میں صفائی کے بہترین نظام کو یقینی بنانے کے لیے انتظامیہ کو ضروری ہدایات جاری کی گئیں۔
ڈپٹی کمشنر نے عوام سے بھی اپیل کی کہ وہ پینے کے پانی کو ابال کر استعمال کریں، کھانے پینے میں صفائی کا خاص خیال رکھیں اور کسی بھی شخص میں اسہال یا ہیضے کی علامات ظاہر ہونے پر فوراً قریبی بنیادی مرکزِ صحت سے رجوع کریں۔
ضلعی انتظامیہ لوئر کوہستان عوامی صحت کی حفاظت کے لیے تمام تر وسائل بروئے کار لا رہی ہے اور صورتحال پر مکمل نظر رکھے ہوئے ہے۔
Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP
