NDM Updates

02/08/2026

نیشنل ڈیموکریٹک موومنٹ کے سرگرم رہنماء واجد داوڑ ھمزونی.

01/08/2026

"آئینِ پاکستان اور اس کا بنیادی عمرانی معاہدہ تو پہلے ٹوٹ چکا ہے۔ اب تمام اکائیوں کو برابری کی نمائندگی دینے کے لیے نئے معاہدے کی ضرورت ہے۔"

محسن داوڑ
مرکزی صدر
نیشنل ڈیموکریٹک مومنٹ

31/07/2026

سورینج کول مائینز حادثہ انسانی جانوں کی ضیاع پر سخت افسوس ھے, فرسودہ و استحصالی نظام کان کنی اب تک کئی المیوں کو جنم دے چکی ھے۔جدید و حفاظتی آلات پر مبنی مائینگ کا نظام حکومت کی ذمہ داری ھے
احمد جان خان
صوبائی صدر نیشنل ڈیموکریٹک موومنٹ
جنوبی پشتونخوا بلوچستان

31/07/2026

گلالئی اسماعیل چیئرپرسن نیشنل ڈیموکریٹک مومنٹ امریکہ:
گلالئی اسماعیل ایک ایسی زندگی جو 30 اکتوبر 1986 کو ضلع صوابی میں شروع ہوئی، مگر جس کے اثرات آج پوری دنیا میں محسوس کیے جاتے ہیں۔
قائداعظم یونیورسٹی اسلام آباد سے بایوٹیکنالوجی میں گریجویشن اور فلسفے میں ماسٹرز کرنے والی یہ نوجوان لڑکی محض ایک طالبہ نہیں رہی — اس نے علم کو ہتھیار بنایا اور سماج کی گہری تہوں میں اتر کر جبر کے خلاف آواز بلند کی۔ بعد ازاں امریکہ کی ڈینور یونیورسٹی کے معروف جوزف کوربل اسکول سے بین الاقوامی انسانی حقوق میں ماسٹرز کر کے اس نے اپنی جدوجہد کو علمی و عالمی سطح پر مزید مضبوط کیا۔
گلالئی کی پہچان "Aware Girls" کی بانی اور چیئرپرسن کے طور پر ہوئی — ایک ایسی تنظیم جو پشتون سماج میں خواتین کے حقوق اور بیداری کی علامت بن گئی۔ آگے چل کر وہ Humanists International کی بھی چیئرپرسن مقرر ہوئیں، اور مارچ 2021ء میں اسی ادارے کی سفیر (Ambassador) کے طور پر خدمات انجام دیں۔
ان کی خدمات کا دائرہ کبھی مقامی حدود تک محدود نہیں رہا۔ 2010ء سے 2012ء تک وہ "Women's Global Network for Reproductive Rights" کی بورڈ ممبر رہیں، اور نوجوان امن کاروں کے عالمی نیٹ ورک UNOY کے ورکنگ گروپ کا بھی حصہ بنیں — یعنی امن، انسانی حقوق اور صنفی مساوات، تینوں محاذوں پر بیک وقت متحرک۔
ان کی انتھک جدوجہد کو عالمی سطح پر بارہا خراجِ تحسین پیش کیا گیا: 2014ء میں انہیں "انٹرنیشنل ہیومنسٹ آف دی ایئر" کا اعزاز ملا، 2015ء میں کامن ویلتھ یوتھ ایوارڈ برائے ایشیا، 2016ء میں تنازعات کی روک تھام پر شیراک انعام، اور 2017ء میں صحافت اور انسانی حقوق کی جرات کی علامت سمجھا جانے والا انا پولیتکووسکایا ایوارڈ ان کے نام ہوا۔
گلالئی اسماعیل کی کہانی دراصل یہ ثابت کرتی ہے کہ ایک عام سے قصبے سے اٹھنے والی آواز، اگر عزم اور علم سے لیس ہو، تو وہ عالمی ضمیر کو جھنجھوڑنے کی طاقت رکھتی ہے۔

30/07/2026

نیشنل سٹوڈنٹس موومنٹ یونیورسٹی آف بنوں کے سابق صدر کفایت داوڑ کو سکیورٹی فورسز نے میرانشاہ کینٹ میں غیر قانونی طور پر گرفتار کر کے گزشتہ تین دنوں سے حراست میں رکھا ہوا ہے۔ ریاست پرامن سیاسی کارکنوں کو ہراساں کرنے اور ان پر ظلم و ستم ڈھانے کے لیے قانون کی خلاف ورزی کر رہی ہے۔ ہم کفایت داوڑ کی فوری رہائی کا مطالبہ کرتے ہیں۔

محسن داوڑ
مرکزی صدر
نیشنل ڈیموکریٹک موومنٹ

29/07/2026

محترم افراسیاب خٹک جرنیلوں کا زبردست کلاس.

28/07/2026

بنوں یونیورسٹی NSM کے سابق صدر کفایت داوڑ کا شناختی کارڈ بلاک کرنا اور انہیں گرفتار کرنا قابل مذمت ہے
وزیرستان پہلے ہی جنگ اور دہشت گردی کا شکار ہے، ایسے میں سیاسی کارکنوں کو دبانے کے ہتھکنڈے ناقابل قبول ہیں
ہم کفایت داوڑ کی فوری رہائی کا مطالبہ کرتے ہیں۔
صوبائی جنرل سیکرٹری
نیشنل ڈیموکریٹک موومنٹ
ندیم عسکر

25/07/2026

شمالی وزیرستان:نیشنل ڈیموکریٹک موومنٹ کا تنظیمی اجلاس آج میرعلی ملاگان گاؤں میں منعقد ہوا.
اجلاس میں گاؤں میں آنے والے تنظیمی سرگرمیوں کے حوالے سے بات چیت کی گئی، اور تنظیم کو فعال رکھنے کے لیے تمام ساتھیوں نے اپنی آرائیں پیش کیں.
اجلاس میں نیشنل ڈیموکریٹک موومنٹ کے سیماب داوڑ، مشکات خان، بشیر احمد اور نیشنل اسٹوڈنٹس موومنٹ لاہور کے صدر طاہر داوڑ سمیت دیگر ذمہ دار ساتھی موجود تھے.

24/07/2026

جمیلہ گیلانی نیشنل ڈیموکریٹک مومنٹ مرکزی سیکرٹری امور خارجہ:
جمیلہ گیلانی کا فکری خمیر اس سامراج دشمن (anti-colonial) اور پشتون قوم پرست (Pashtun Nationalist) نظریاتی روایت سے تیار ہوا ہے جس کی جڑیں باچا خان کی خدائی خدمتگار تحریک میں پیوست ہیں۔
جمیلہ گیلانی 5 جنوری 1960ء کو خیبر پختونخوا کے تاریخی شہر مردان کے علاقے "میاں صاحب سرائے" میں پیدا ہوئیں۔ ان کے والد میاں فرید خان خدائی خدمت گار تحریک کے فعال رکن تھے اور وطن دوست و ترقی پسند نظریات کے ساتھ تادم مرگ مستقل مزاجی سے جڑے رہے۔
جمیلہ گیلانی نے بچپن ہی سے اس مزاحمتی فکر کو جذب کیا جہاں نوآبادیاتی دور کے زخموں کا مداوا ڈھونڈا جاتا تھا اور پشتونوں کے سیاسی و معاشی تشخص کی بقا کے لیے بحثیں ہوتی تھیں۔ ان کے لیے سیاست کوئی پیشہ نہیں بلکہ نوآبادیاتی طرزِ حکمرانی کے بعد اثرات (post-colonial structures) کے خلاف ایک فکری اور عملی جنگ ہے۔
ان کی جدوجہد کا اصل محور یہ فکری ادراک ہے کہ برصغیر کی تقسیم کے بعد بھی پشتونوں کو جغرافیائی، سیاسی اور معاشی طور پر حاشیے پر دھکیلنے کا وہی سلسلہ برقرار رکھا گیا جو کبھی انگریز سامراج کا شیوہ تھا۔ عوامی نیشنل پارٹی میں اپنے طویل سفر، اور خاص طور پر 2008ء سے 2013ء تک قومی اسمبلی کی رکنیت کے دوران، انہوں نے اسی استعماری رویے کے خلاف آواز اٹھائی۔
جب ریاست نے سکیورٹی بیانیے کی آڑ میں پشتون وطن کو جنگ کی بھٹی میں جھونکا، تو جمیلہ گیلانی نے پارلیمنٹ کے اندر اور باہر اس پالیسی کو چیلنج کیا۔ 2018ء میں جب پارٹی نے افراسیاب خٹک اور بشریٰ گوہر جیسے کٹر نظریاتی اور قوم پرست رہنماؤں کی رکنیت معطل کی، تو جمیلہ گیلانی نے مصلحت پسندی پر اصول پسندی کو ترجیح دیتے ہوئے استعفیٰ دے دیا، کیونکہ وہ سمجھتی تھیں کہ نظریے پر سمجھوتہ پشتون قومی تحریک کے ساتھ غداری ہوگی۔
ان کا حالیہ سیاسی سفر، خواہ وہ پشتون تحفظ تحریک (PTM) کے حقوق کے مطالبات کی فکری سرپرستی ہو یا نیشنل ڈیموکریٹک موومنٹ (NDM) کی مرکزی سیکرٹری کے طور پر تنظیمی کردار، دراصل اسی اینٹی کالونیل فکر کی توسیع ہے۔ وہ ریاست کے مروجہ ڈھانچے کو ایک داخلی استعمار (internal colonialism) کے طور پر دیکھتی ہیں، جہاں چھوٹے صوبوں اور مظلوم قومیتوں کے قدرتی وسائل پر مرکز کا غصب، اور بارودی سرنگوں یا لاپتہ افراد جیسے انسانی المیے اسی نوآبادیاتی ذہنیت کا تسلسل ہیں۔ سوشل میڈیا اور عوامی فورمز پر ان کا بیانیہ کسی روایتی لیڈر کا نہیں بلکہ ایک ایسی پشتون قوم پرست مفکر کا ہے جو سویلین بالادستی، اپنے وسائل پر حقِ ملکیت اور جنگ سے پاک پرامن پشتونخوا کی وکالت کرتی ہے۔ جمیلہ گیلانی آج کے عہد میں نوآبادیاتی جبر کے خلاف پشتون مزاحمت کی ایک فکری اور توانا علامت بن کر کھڑی ہیں۔

17/07/2026