04/10/2026
صدر عوامی نیشنل پارٹی ضلع خیبر، سفیرِ امن عبدالرزاق آفریدی کے دورۂ بلوچستان کے موقع پر عوامی نیشنل پارٹی کے مرکزی کونسل ممبر و پختون سٹوڈنٹس فیڈریشن (PSF) کے بانی رہنما عصمت اللہ خان بازئی صاحب نے ان کے اعزاز میں ایک پروقار اور پرتکلف عشائیے کا اہتمام کیا۔
اس خصوصی عشائیے میں عوامی نیشنل پارٹی بلوچستان کے صوبائی صدر اصغر خان اچکزئی صاحب، رکن صوبائی اسمبلی ملک نعیم خان بازئی، صوبائی نائب صدر جمال الدین ریشتیا صاحب، مرکزی کونسل ممبر اسماعیل داوی صاحب، مرکزی ایڈیشنل جنرل سیکریٹری جاوید کاکڑ صاحب، انجینئر نقیب اللہ شموزئی صاحب اور حمید اللہ ترکئ صاحب ،خدائی خدمتگار قاسم خان بیٹنی سمیت پارٹی کی اہم شخصیات نے شرکت کی۔
عشائیے کے دوران انتہائی خوشگوار، پُرخلوص اور برادرانہ ماحول میں موجودہ سیاسی صورتحال، تنظیمی امور، باہمی دلچسپی کےامور اور پارٹی روابط کو مزید مستحکم بنانے کے حوالے سے تبادلۂ خیال کیا گیا۔
اس موقع پر پارٹی قیادت کے درمیان باہمی اتحاد، تنظیمی ہم آہنگی اور باچا خان بابا کے فلسفۂ عدمِ تشدد، امن اور خدمتِ خلق کو آگے بڑھانے کے عزم کا بھی اظہار کیا گیا۔
سفیرِ امن عبدالرزاق آفریدی نے شاندار میزبانی، محبت اور عزت افزائی پر عصمت اللہ خان بازئی صاحب سمیت بلوچستان کی تمام پارٹی قیادت کا تہہ دل سے شکریہ ادا کیا۔
یہ پروقار نشست سیاسی رفاقت، باہمی احترام، نظریاتی وابستگی اور روایتی پشتون مہمان نوازی کی ایک خوبصورت مثال رہی
